Хабарҳо
Иштироки намояндагони вилоят дар даври ҷумҳуриявии фестивал-озмуни «Сапеда» - 22.11.2017 10:07
Хуҷанд. Бахшида ба Рӯзи Парчами давлатии Ҷумҳурии Тоҷикистон чорабиниҳои гуногун доир мешавад - 21.11.2017 15:29
Президенти Ҷумҳурии Тоҷикистон Эмомалӣ Раҳмон аз 7 сафири нав эътимоднома қабул намуданд - 21.11.2017 13:25
Суғд: Нақшаи даъвати тирамоҳии ҷавонон ба сафи Қувваҳои мусаллаҳ 100 фоиз иҷро шуд - 21.11.2017 11:47
Шоҳҷоизаи Фестивали вилоятии "Атласу адраси Суғд-2017" насиби Нилуфар Тоҷибоева шуд - 21.11.2017 11:46
Пешвои миллат Эмомалӣ Раҳмон аз 8 сафири нав эътимоднома қабул намуданд - 20.11.2017 19:30
Конфронси ҷумҳуриявии “Нақши Иҷлосияи ХVI Шўрои Олии Ҷумҳурии Тоҷикистон дар таҳкими сулҳу субот ва ташаккули рукнҳои давлатдории миллии Ҷумҳурии Тоҷикистон” - 18.11.2017 15:06
Иштироки Пешвои миллат Эмомалӣ Раҳмон дар маҷлиси тантанавӣ ба ифтихори 25 - умин солгарди Иҷлосияи 16-уми Шӯрои Олии Ҷумҳурии Тоҷикистон - 19.11.2017 12:33
Суханронии Пешвои миллат Эмомалӣ Раҳмон ба муносибати 25 – умин солгарди баргузории Иҷлосияи XVI-уми Шӯрои Олӣ - 19.11.2017 11:57
Шоҳиди зиндаи бедодии ҲНИТ - 18.11.2017 21:25

Раиси вилоят сафирони давлатҳои гурӯҳи "Вишеград" ва Ҷумҳурии Латвия дар Ҷумҳурии Тоҷикистонро ба ҳузур пазируфт

( 0 Овоз )

Имрўз Раиси вилояти Суғд Абдураҳмон Қодирӣ сафирони фавқулода ва мухтори давлатҳои гурӯҳи "Вишеград" ва Ҷумҳурии Латвия дар Ҷумҳурии Тоҷикистонро, ки бо сафари корӣ ба вилоят ташриф оварданд, ба ҳузур пазируфт.

Дар ҷараёни мулоқот муносибатҳои тарафайни минтақавӣ мавриди муҳокима ва баррасӣ қарор дода шуданд. Ҷонибҳо омодагии хешро барои густариши минбаъдаи ҳамкориҳо дар самти иқтисоду тиҷорат, фарҳангу маориф ва сайёҳӣ баён доштанд. Бояд гуфт, ки ҳадафи асосии ташрифи сафирони давлатҳои гуруҳи "Вишеград" ба вилоят ин вусъат бахшидан ба муносибатҳои илмию фарҳангии кишварҳои чоргонаи “Вишеград” ва Ҷумҳурии Тоҷикистон арзёбӣ мешавад. Дар ин замина, сафорати Ҷумҳурии Лаҳистон, ки соли равон роҳбарии чоргонаро дар ихтиёр дорад, аз санаи 3 то 5 уми моҳи равон дар шаҳри Хуҷанд намоиши филмҳои истеҳсоли давлатҳои узви чоргонаи "Вишеград"-ро баргузор намуд. Филмҳои пешниҳодшуда маҳсули филмбардорони ин чор давлат буда, тули чанд руз сокинони вилоят ва дӯстдорони санъати кино тавонистанд тариқи чунин филмҳо бо санъату фарҳанг ва маданияти аврупоӣ ошно гарданд. Ба чорабинии мазкур Ҷумҳурии Латвия низ ширкат варзид. Гуфтан ҷоиз аст, ки ба узвияти чоргонаи "Вишеград" чор давлати марказии Аврупо ҷумҳуриҳои Чехия, Маҷористон, Словакия ва Лаҳистон шомил буда, ин иттиҳод соли 1991 дар шаҳри Вишеград созмон ёфтааст. Қаблан ин иттиҳод ҳамчун сегонаи "Вишеград" амал карда, баъди аз ҳам ҷудо шудани ҷумхуришои Чехия ва Словакия он номи "Чоргонаи Вишеград"-ро гирифтааст.

Раиси вилоят Абдураҳмон Қодирӣ иқдоми чоргонаи "Вишеград"-ро ҷиҳати ташкили фестивали филмҳо хуш пазируфта, изҳор намуд, ки ин чорабинии фарҳангӣ барои густариши муносибатҳои фарҳангии Ҷумҳурии Тоҷикистон ва давлатҳои Аврупо заминаи мусоид хоҳад гузошт. Раиси вилоят меҳмононро бо вазъи иқтисодию иҷтимоии вилоят шинос намуда, аз ҷумла изҳор кард, ки ба туфайли афзун гардидани ҳаҷми маҳсулоти саноатӣ ва гузаронидани ислоҳоти соҳаи кишоварзӣ вилоят ба зинаи устувори рушди иқтисодӣ расида, баробари ҳалли мушкилоти иҷтимоӣ, инчунин ба ҷалби сармояи дохилию хориҷӣ, бунёди корхонаҳои саноатӣ ва эҳёи ҳунарҳои анъанавии дастӣ таваҷҷӯҳи хоса зоҳир карда мешавад. Дар ҷараёни мулоқот ҳамзамон ба масъалаи ҳамкориҳои тарафайн дар самти савдою тиҷорат ва сайёҳӣ равшанӣ бахшида шуд.

Гурўҳи сафирон худи ҳамин рўз аз Қасри таърихии Арбоб ва дигар мавзеъҳои таърихию фарҳангии Суғди бостонӣ дидан карданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Раиси вилоят сафирони давлатҳои гурӯҳи "Вишеград" ва Ҷумҳурии Латвия дар Ҷумҳурии Тоҷикистонро ба ҳузур пазируфт