Хабарҳо
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30
Парлумон Созишномаи грантӣ оид ба беҳтар гардонидани низоми обтаъминкунии шаҳри Хуҷандро ба тасвиб расонид - 14.12.2017 09:22
Роҳбарони донишкадаву донишгоҳҳои вилоят бо хатмкунандагони як қатор шаҳру ноҳияҳо мулоқот намуданд - 14.12.2017 09:19
МУҲОФИЗИ АСОСӢ: аз қумондонӣ ба ободгарӣ. Сӯҳбат бо собиқ қумондон Ҳаким Қаландаров - 14.12.2017 08:56
Комил Салимзода ба донишҷӯёни камбизоат 3000 сомонӣ кумакпулӣ тақдим кард - 13.12.2017 09:05
Мулоқоти раиси ноҳияи Деваштич Рустам Ҷӯразода бо донишҷӯён - 12.12.2017 16:44
Назарзода Қудратулло Бобо сардори РВКД дар вилояти Суғд таъин гардид - 12.12.2017 15:00
Фармони Президенти Ҷумҳурии Тоҷикистон дар бораи таъин ва озод намудани судяҳо - 12.12.2017 14:59
Дар шаҳри Хуҷанд арчаи солинавӣ қомат афрохт - 12.12.2017 14:58

Абдураҳмон Қодирӣ Роҳбари Ҷумҳурии Доғистони Федератсияи Россия Рамазон Абдулатиповро ба ҳузур пазируфт

( 1 Овоз )
  • Пешина
  • 1 of 6
  • Минбаъда

Видео :Абдураҳмон Қодирӣ Роҳбари Ҷумҳурии Доғистони Федератсияи Россия Рамазон Абдулатиповро ба ҳузур пазируфт Имрӯз, 12 майи соли 2017 Раиси вилояти Суғд Абдураҳмон Қодирӣ Роҳбари Ҷумҳурии Доғистони Федератсияи Россия Рамазон Абдулатиповро, ки бо сафари корӣ ба вилоят ташриф овард, ба ҳузур пазируфт.

Зимни сӯҳбати ҷонибҳо масоили гуногун, аз ҷумла рушди ҳамкориҳо миёни вилояти Суғди Ҷумҳурии Тоҷикистон ва Ҷумҳурии Доғистони Федератсияи Россия мавриди баррасӣ қарор гирифтанд.

Раиси вилоят Абдураҳмон Қодирӣ ҳайати меҳмононро  ба Суғди бостонӣ хайрамақдам гуфта, аз рушди ҳамкориҳои мутақобилаи ҳарду кишвар изҳори қаноатмандӣ намуд ва доир ба вазъи имрӯзаи иқтисодии минтақа маълумот дод. Аз ҷумла гуфта шуд, ки дар натиҷаи андешида шудани тадбирҳои муҳим дар хоҷагии халқи вилоят пешравиҳои назаррас ба амал омадаааст. Дар се соли охир ҳаҷми маҳсулоти саноатӣ дар вилояти Суғд ду баробар ё худ 3 миллиард сомонӣ афзоиш ёфта, дар ин замина корхонаҳои зиёди хурду бузурги истеҳсолӣ бунёд ёфтаанд, ки ба пайдоиши ҷойҳои нави корӣ мусоидат кардаанд. Ислоҳоти соҳаи кишоварзӣ бошад, имкон фароҳам овард, ки тайи се соли охир дар вилоят наздик 65 ҳазор хоҷагиҳои хурди оилавию инфиродӣ ташкил гардида, деҳқон соҳиби воқеии замин ва сафи муҳоҷирони меҳнатӣ коҳиш дода шавад.

Рушди бонизоми иқтисодиёт ҳамзамон барои сохтмони шаҳракҳои нави замонавӣ ва мавзеъҳои аҳолинишин дар мисоли  Сайҳуну Баҳористон, Меҳрободу Моҳпарӣ шароит ба вуҷуд овардааст. Вилояти Суғд имрӯз бо минтақаҳои алоҳидаи Федератсияи Россия ҳамкориҳои иқтисодию тиҷоратӣ ва илмиву фарҳангӣ дошта, аз ҷумла мубодилаи мол 2 миллиард доллари амрикоиро ташкил медиҳад. Маҳсулоти асосии содиротии вилоятро асосан хушкмева ташкил медиҳад.

Роҳбари Ҷумҳурии Доғистони Федератсияи Россия Рамазон Абдулатипов зимни суҳбат таъкид намуд, ки вилояти Суғдро ҳамчун минтақаи рушдкунанда ва дорои табиати зебою фарҳангу маданияти бой мешиносад ва аз ташриф ба вилоят эҳсоси хушҳолӣ дорад. Бояд гуфт, ки Рамазон Абдулатипов қаблан ба ҳайси сафири фавқулодда ва мухтори Россия дар Тоҷикистон фаъолият бурда, бо фарҳанги тоҷикон ошноӣ дорад ва китоберо ҳам бо номи “Халқи тоҷики ман” таълиф намудааст. Ба таъкиди роҳбари Доғистон ин кишвар низ имрӯз ба зинаи нави рушди иқтисодӣ баромада, яке аз минтақаҳои тараққикунандаи Федератсияи Россия ба шумор меравад. Ҷумҳурии Доғистон дар бахши боғпарварӣ, сабзавоткорӣ ва чорводорӣ дар миёни минтақаҳои дигари Россия мақоми шоиста дорад. Аз ҷумла, ҳар сол дар ин ҷумҳурӣ наздик 2 ҳазор гектар боғҳои нав бунёд ёфта, Доғистон 20 дарсади гушти гусфандии ин мамлакатро таъмин мекунад. Роҳбарияти ҷумҳурӣ имрӯз ба рушди соҳибкории хурду миёна таваҷҷӯҳи асосӣ зоҳир намда, дар соҳаҳои маорифу тандурустӣ, варзиш ва роҳсозӣ низ дастовардҳои назаррасро соҳиб шудааст. Ҷонибҳо аз таваҷҷӯҳ ба рушди ҳунарҳои анъанавӣ истиқбол намуданд, ки ҳам дар вилояти Суғд ва ҳам дар кишвари Доғистон дар ҳоли эҳё ва тараққӣ қарор доранд.

Пас аз анҷоми мулоқот миёни вилояти Суғди Ҷумҳурии Тоҷикистон ва Ҷумҳурии Доғистони Федератсияи Россия Созишнома оид ба ҳамкории тиҷоратӣ-иқтисодӣ, илмӣ-техникӣ ва гуманитарӣ  баста шуд. Созишномаро аз ҷониби вилояти Суғд Раиси вилоят Абдураҳмон Қодирӣ ва аз ҷониби Доғистон Рамазон Абдулатипов имзо карданд.

Дар доираи сафар Роҳбари Ҷумҳурии Доғистони Федератсияи Россия Рамазон Абдулатипов ва ҳайати ҳамроҳонаш ҳамзамон аз Маҷмааи таърихию фарҳангии “Қалъаи Хуҷанд” дидан карданд. Меҳмонон нахуст бар пояи муҷассамаи Хоҷа Камоли Хуҷандӣ гул гузошта, қабри рамзии ӯро зиёрат ва аз хона-музеи ин шоири шаҳир боздид намуданд.

Хадамоти матбуоти
Раиси вилояти Суғд







Шарҳ додан


Защитный код
Нав кардан

ШУМО ДАР: Навид Абдураҳмон Қодирӣ Роҳбари Ҷумҳурии Доғистони Федератсияи Россия Рамазон Абдулатиповро ба ҳузур пазируфт