Хабарҳо
Дар Конибодом Маркази барқарорсозӣ барои кӯдакони имконияташон маҳдуд кушода шуд - 20.10.2017 11:16
Истаравшан. Нақшаи қисми даромади буҷети давлатӣ бе назардошти андози иҷтимоӣ ба андозаи 104% иҷро шуд - 20.10.2017 11:13
Афзоиши ҳаҷми истеҳсоли гӯшт ва шир дар ноҳияи Ашт - 20.10.2017 09:03
Ҳаҷми гардиши савдои хориҷии вилояти Суғд 1 474 913,8 ҳазор доллари ИМА-ро ташкил дод - 20.10.2017 08:55
Дар ноҳияи Мастчоҳ 47 603 тонна полезиҳо истеҳсол шудааст - 20.10.2017 08:42
Суғд: Ҳаҷми маҳсулоти моҳипарварӣ 2 775,4 ҳазор сомониро ташкил кард - 20.10.2017 08:37
«Мактаби сарварӣ» занони роҳбарро омода менамояд - 19.10.2017 15:52
Қарори Раиси вилоят “Дар бораи тасдиқи Барномаи маҳаллии маҷмӯии рушди тарбияи ҷисмонӣ ва варзиш дар вилояти Суғд барои солҳои 2017-2021” ба тасвиб расид - 19.10.2017 10:25
Аз Хуҷанд ба хориҷи кишвар ба маблағи 189,2 миллион сомонӣ маҳсулот содирот карда шудааст - 19.10.2017 09:18
Ҷаласаи Шӯрои ҷамъиятӣ доир шуд - 18.10.2017 13:41

Ифтитоҳи бинои нави мактаби рақами 64 дар шаҳри Панҷакент

( 5 Овоз )
  • Пешина
  • 1 of 5
  • Минбаъда

Бо мақсади шиносоӣ бо вазъи кунунии хоҷагии халқи шаҳри Панҷакент дирӯз Раиси вилояти Суғд Абдураҳмон Қодирӣ ба ин шаҳри бостонӣ сафари корӣ анҷом дод.

Нахуст бо иштироки Раиси вилоят дар ҷамоати деҳоти Вору бинои иловагии мактаби таҳсилоти миёнаи умумии рақами 64 мавриди баҳарабардорӣ қарор гирифт. Сохтмони бинои мазкур моҳи июни соли гузашта оғоз ёфта, он бо мабалғгузории мақомоти маҳаллӣ  ва саҳми сокинон бунёд ёфтааст.

Барои анҷоми корҳои сохтмонӣ зиёда аз 1,5 миллион сомонӣ масраф гардида, корҳои пудратӣ аз ҷониби  ҶДММ Идораи сохтмонии №3 ба иҷро расонида шудааст. Бино аз 1 ошёна, 11 синфхона ва 2 утоқи корӣ иборат буда, барои 260 нафар хонанда пешбинӣ гардидааст. Дар ин муассисаи таълимӣ 641 нафар хонанда дар ду баст ба таълиму тадрис фаро гирифта шуда, бинои кӯҳнаи мактаб барои 250 нафар хонанда пешбинӣ шуда буд. Ҳамакнун баҳри донишандӯзии толибилмон шароити зарурӣ фароҳам гардид. Муассисаи таълимии нав пурра бо гармидиҳии ягона таъмин буда, бо мизу курсӣ ва дигар асбобу  аёниятҳои мактабӣ таъмин гардидааст.

Зимни суханронӣ дар назди ҳозирин, бошандагони деҳа ва устодону муҳассилини ин боргоҳи таълимӣ Раиси вилоят аз талошҳои пайгиронаи Асосгузори сулҳу Ваҳдати миллӣ - Пешвои миллат, Президенти кишвар мӯҳтарам Эмомалӣ Раҳмон ҷиҳати баланд бардоштани сатҳу сифати таълиму тарбия ёдовар гашт. Таъкид карда шуд, ки маҳз дар доираи ҳамин сиёсати маорифпарваронаи Пешвои миллат имрӯзҳо дар тамоми қаламрави кишвар, хоса вилояти Суғд ба тадриси толибилмон диққати махсус дода шуда, муассисаҳои таълимӣ бо мутахассисони соҳибтаҷриба таъмин карда мешавад. Раиси вилоят ҳамчунин таъкид дошт, ки дар вилоят баҳри рушди соҳаи маориф тадбирҳои зарурӣ амалӣ карда мешавад. Таъсиси то 50 ҳазор сомонӣ мукофотпулии роҳбарияти вилояти Суғд барои ғолибони олимпиадаҳои байналхалқӣ ва ба истироҳату фароғат фаро гирифтани омӯзгорони пешқадам ва хонандагони фаъоли вилоят  тасдиқи ин гуфтаҳост. Соли равон мақомоти иҷроияи ҳокимияти давлатии вилоят тасмим гирифтааст, ки дар ҳудуди вилоят барои 3000 нафар хонанда муассисаҳои наву замонавии таълимиро бунёд ва мавриди баҳрабрдорӣ қарор диҳад.

Дар идомаи суханронӣ Раиси вилоят ҳозирин, алалхусус занону духтаронро ба омӯзиши ҳунарҳои мардумӣ ва таъсиси маҳфилҳои гуногуни ҳунаромӯзӣ ҳидоят намуд. Сипас, дар фазои тантанавӣ Раиси вилоят ба ин муассисаи нави таълимӣ компютеру принтерро тақдим намуд.

Хадамоти матбуоти
Раиси вилояти Суғд








Шарҳ додан


Защитный код
Нав кардан

ШУМО ДАР: Навид Ифтитоҳи бинои нави мактаби рақами 64 дар шаҳри Панҷакент