Хабарҳо
Иштироки Пешвои миллат Эмомалӣ Раҳмон дар маҷлиси тантанавӣ ба ифтихори 25 - умин солгарди Иҷлосияи 16-уми Шӯрои Олии Ҷумҳурии Тоҷикистон - 19.11.2017 12:33
Суханронии Пешвои миллат Эмомалӣ Раҳмон ба муносибати 25 – умин солгарди баргузории Иҷлосияи XVI-уми Шӯрои Олӣ - 19.11.2017 11:57
Шоҳиди зиндаи бедодии ҲНИТ - 18.11.2017 21:25
ПАЙВАНДОНИ ҲАЙДАР ҚОСИМОВ: “ҚАТЛИ ҚАҲРАМОНИ СССР ҲАЛҚАЕ ДАР ЗАНҶИРИ КУШТОРҲОИ ЧЕҲРАҲОИ САРШИНОС АЗ ҶОНИБИ НАҲЗАТИҲОСТ” - 18.11.2017 21:23
Машварати кории Пешвои миллат Эмомалӣ Раҳмон бо роҳбарону фаъолони вилояти Суғд - 18.11.2017 17:35
Ифтитоҳи навбати дуюми Корхонаи истеҳсоли халтаҳои полипропилении ҶДММ “Суғд Пак” дар шаҳри Бӯстон - 18.11.2017 12:49
Иштироки Пешвои миллат Эмомалӣ Раҳмон дар маросими татбиқи лоиҳаи барқарорсозӣ ва таҷдиди шабакаи таъминоти 35 ҳазор нафар аҳолии шаҳри Бӯстон бо оби нӯшокӣ - 18.11.2017 11:39
Ифтитоҳи корхонаи дорусозии ҶДММ “Фарм Суғд” дар шаҳри Бӯстон - 18.11.2017 11:35
Боздиди Пешвои миллат Эмомалӣ Раҳмон аз гармхонаи инноватсионии парвариши сабзавот бо усули гидропоникаии ҶДММ «Элегант» - 18.11.2017 10:05
Боздиди Пешвои миллат аз намоишгоҳи маҳсулоти саноатӣ ва мулоқот бо сохтмончиёни вилояти Суғд - 17.11.2017 16:25

Китобхонаи оммавии ба номи Т. Асирӣ ва Қасри ҷавонони ба номи Л. Шералӣ таъмир карда мешавад

( 2 Овоз )
  • Пешина
  • 1 of 4
  • Минбаъда

Видео :Китобхонаи оммавии ба номи Т. Асирӣ ва Қасри ҷавонони ба номи Л. Шералӣ таъмир карда мешавад Имрӯз Раиси вилояти Суғд Абдураҳмон Қодирӣ аз Китобхонаи оммавии ба номи Тошхӯҷа Асирии шаҳри Хуҷанд, ки қарор аст соли равон ба таъмиру азнавсозӣ фаро гирифта шавад, дидан карда, бо шароити мавҷудаи он аз наздик шинос гардид.

Бинои ҳозираи китобхона соли 1990 сохта шуда, тӯли 27 сол инҷониб таъмир нашудааст. Ин махзани дониш дар 20 шӯъба барои дӯстдорони китоб хизматрасониро ба роҳ монда, дар маҷмӯъ, фарогири 466 ҳазор дона китоби чопӣ ва 50 ҳазор нусха китоби электронӣ мебошад. Дар китобхона беш аз 120 нафар фаъолият бурда, 354 китобхонаи низоми фарҳанги вилоят зери роҳбарию дастурдиҳии он кори худро ба роҳ мемонанд. Чанде қабл дар китобхонаи оммавӣ толори хизматрасонии махсус барои шахсони имконияти ҷисмониашон маҳдуд ва куҳансолон, аз ҷумла маъюбон кушода шуд, ки ба ин номгуи муштариён хизматрасонии хоса мувофиқ ба талаботи ҷисмониашон пешниҳод мегардад.

Мушкилии асосии китобхона ин таъмирталаб будани боми он аст, ки бо ташаббус ва маблағгузории Мақомоти иҷроияи ҳокимияти давлатии вилояти Суғд амалӣ карда хоҳад шуд. Зимни боздид Раиси вилоят масъулинро дастур дод, ки дар баробари таъмири боми бино, инчунин барои барқарорсозии шабакаи ягонаи гармидиҳии китобхона пешниҳод омода намоянд, ки ин кор низ соли ҷорӣ ба анҷом расонида мешавад. Барқароркунии ин шабака имкон медиҳад, ки ҳарорати дохили бино ҳамеша муътадил нигоҳ дошта шуда, китобҳо дар ҳолати зарурӣ ҳифзу истифода гарданд.

Раиси вилоят роҳбарияти китобхонаро тавсия дод, ки минбаъд тарзу усулҳои замонавию манфиатнокро дар самти хизматрасонӣ ба муштариён ҷорӣ намуда, дастрасии ҷомеаро ба адабиёт ва осори арзишманд ва сарчашмаҳои асили илмию таърихӣ осонтар гардонанд. Дар ин замина зарур аст, ки чунин ганҷинаи гаронбаҳои адабию ахлоқии ниёгони соҳибсухани мо ва адибони маъруфи ҷаҳонӣ ҳарчӣ бештар дарёфт ва ба хазинаи китобхона ворид карда шаванд.

Ҷавонони маркази вилоятро дар “Соли ҷавонон” падидаи дигари ободонӣ руҳбаланд хоҳад сохт. Бо ташаббуси роҳбарияти вилоят имсол Қасри ҷавонони ба номи Лоиқ Шералии шаҳри Хуҷанд низ мавриди таъмиру азнавсозӣ қарор дода мешавад. Қасри мазкур, ки макони асосии машғулият ва баргузории чорабинии ҷавонон мебошад, дар вазъи таъмирталаб қарор дошта, ба беҳтар намудани шароити фаъолият эҳтиёҷ дорад. Бо ибтикори роҳбарияти вилоят ва ҷалби соҳибкорони маҳаллӣ боми иншоот пурра таъмир карда шуда, ҳамзамон толори асосӣ ва саҳнаи он низ азнавсозӣ карда мешаванд. Ҳамзамон пурра иваз намудани курсиҳои толори намоиш, таҷҳизоти хизматрасонии дохили он ва барқароркунии шабакаи мутамаркази гармидиҳӣ ба нақша гирифта шудааст.

Корҳои азнавсозӣ инчунин ҳудуди берунии биноро фаро гирифта, бунёди иншооти замонавии хизматрасонӣ барои ҷавонон дар назар дошта шудааст. Раиси вилоят ба масъулин ҷиҳати омода намудани лоиҳаи азнавсозӣ як ҳафта ва барои анҷоми корҳои таъмирӣ то моҳи август муҳлат муқаррар намуд.

Зимни боздид вазъи ободонии саҳну  атрофи Қасри чавонон ва фаъолияти нуқтаҳои хизматрасонии дар назди он амалкунанда мавриди таваҷҷӯҳи Раиси вилоят қарор гирифта, барои бартараф кардани камбудиҳо раёсати қаср ва мутасаддиёни дахлдор вазифадор гардиданд.

Худи ҳамин рӯз Раиси вилоят Абдураҳмон Қодирӣ аз Муассисаи давлатии Боғии миллии "Ваҳдат" боздид намуда, рафти корҳои ободонӣ ва нигоҳубини дарахтонро дар ин мавзеъ аз назар гузаронид. Айни ҳол дар Боғи миллӣ, ки соли 2008 Пешвои миллат мӯҳтарам Эмомалӣ Раҳмон барои бунёди он асос гузошта буданд, корҳои омодаозии дарахтон ба мавсими нави ҳосилбандӣ ҷараён доранд.

Ёдовар мешавем, ки Боғи миллии "Ваҳдат" дар масоҳати 500 гектар доман густурда, дар он дарахтони зардолую шафтолу, себу олу, ангуру анор ва ноку гелос парвариш карда мешаванд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Китобхонаи оммавии ба номи Т. Асирӣ ва Қасри ҷавонони ба номи Л. Шералӣ таъмир карда мешавад