Хабарҳо
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30
Парлумон Созишномаи грантӣ оид ба беҳтар гардонидани низоми обтаъминкунии шаҳри Хуҷандро ба тасвиб расонид - 14.12.2017 09:22
Роҳбарони донишкадаву донишгоҳҳои вилоят бо хатмкунандагони як қатор шаҳру ноҳияҳо мулоқот намуданд - 14.12.2017 09:19
МУҲОФИЗИ АСОСӢ: аз қумондонӣ ба ободгарӣ. Сӯҳбат бо собиқ қумондон Ҳаким Қаландаров - 14.12.2017 08:56
Комил Салимзода ба донишҷӯёни камбизоат 3000 сомонӣ кумакпулӣ тақдим кард - 13.12.2017 09:05
Мулоқоти раиси ноҳияи Деваштич Рустам Ҷӯразода бо донишҷӯён - 12.12.2017 16:44
Назарзода Қудратулло Бобо сардори РВКД дар вилояти Суғд таъин гардид - 12.12.2017 15:00
Фармони Президенти Ҷумҳурии Тоҷикистон дар бораи таъин ва озод намудани судяҳо - 12.12.2017 14:59
Дар шаҳри Хуҷанд арчаи солинавӣ қомат афрохт - 12.12.2017 14:58

Шиносоии Раиси вилоят бо ҷараёни корҳои ободониву созандагӣ дар ҳудуди Маҷмааи таърихию фарҳангии "Истиқлол"

( 0 Овоз )
  • Пешина
  • 1 of 2
  • Минбаъда

Корҳои ободониву созандагӣ дар Маҷмааи таърихию фарҳангии "Истиқлол"-и шаҳри Хуҷанд идома доранд. Бо мақсади шинос шудан бо рафти корҳои бунёдкорӣ ва нақшаи навсозии ҳудуди маҷмаа имрӯз Раиси вилояти Суғд Абдураҳмон Қодирӣ ба ин мавзеъ ташриф овард.

Ёдовар мешвем, ки маҷмааи “Истиқлол” ба муносибати 25 солагии Истиқлолияти давлатии Ҷумҳурии Тоҷикистон моҳи сентябри соли гузашта бо иштироки Асосгузори сулҳу Ваҳдати миллӣ - Пешвои миллат, Президенти мамлакат мӯҳтарам Эмомалӣ Раҳмон ифтитоҳ ёфта, имрӯз ба мавзеи саёҳату истироҳати сокинону меҳмонони маркази вилоят табдил ёфтааст. Баландии муҷассама 53 метр буда, дар он тоҷ ва ҳафт ситораи доирашакл давр мезананд. Дар баландии 21 метри он майдончаҳо барои тамошо сохта шудааст ва дорои лифтҳои махсус мебошад. Масоҳати умумии маҷмаа 1 ҳазору 127 метри мураббаъро ташкил медиҳад. Дар таҳхонаи он толорҳои намоишӣ ва таърихию фарҳангӣ мавҷуданд, ки дар онхо харитаи Ҷумҳурии Тоҷикистон ва муқаддасоту арзишҳои миллӣ ҷойгир карда шудаанд. Дар идомаи корҳои бунёдкорӣ дар ин мавзеъ  бо мақсади таъмини сатҳи баланди хизматрасонӣ ва истироҳат барои шаҳрвандон дар ҳудуди маҷмаа ташкили толори намоиш бо фарогирии анъана ва русуми сокинони ҳафт минтақаи ҷумҳурӣ аз қабили сарулибос, анъана ва маданияти рӯзғордории онҳо ташкил карда мешавад. Инчунин, ташкили марказҳои  савдо, хизматрасониҳои бонкӣ, ҳунарҳои дастии миллӣ, дуконҳои китобу дигар лавозимоти хониш, армуғонҳо ва маркази хизматрасонии иттилооти сайёҳӣ дар ҳудуди маҷмаа ба нақша гирифта шудааст. Сокинон ва сайёҳони шаҳрҳамзамон метавонанд аз хизматрасонии лифт барои тамошои толорҳои болоӣ ва манзараи шаҳри бостонии Хуҷанд истифода баранд.

Бо тасмими роҳбарияти вилоят инчунин дар рӯ ба рӯи маҷмаа, яъне дар ду канори роҳи асосӣ дар масоҳати 24000 метри квадратӣ боғи фарҳангию фароғатӣ бунёд карда мешавад, ки ба ҳусни ин гӯшаи шаҳр ҳусни тоза зам хоҳад намуд. Боғи фарҳангию истироҳатии “Истиқлол” аз дарахтони сояафкану ороишӣ, фаввораҳо, роҳраву нишастгоҳҳои замонавӣ ва дигар иншооти хизматрасонӣ иборат шуда, ба макони воқеии сайру тамошо ва истироҳату фароғати сокинон ва меҳмонони дохиливу хориҷии маркази вилоят табдил меёбад.

Дар оянда ин мавзеи фарҳангиро бунёди чойхонаи миллӣ ва нуқтаи хурокҳои анъанавии тоҷикона шаҳомати бештар хоҳанд бахшид. Раиси вилоят роҳбарияти маҷмаа ва мутасаддиёни дахлдорро ҷиҳати вусъат бахшидани корҳои ободонии саҳну атроф ва бо гулҳои мавсимӣ оро додани ҳудуди иншоот вазифадор намуд.

Хадамоти матбуоти
Раиси вилояти Суғд



Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо ҷараёни корҳои ободониву созандагӣ дар ҳудуди Маҷмааи таърихию фарҳангии "Истиқлол"