Хабарҳо
“Хуш омадед, меҳмонони Бадахшон”. Оғози ҳафтаи фарҳанги ВМКБ дар вилояти Суғд - 21.08.2017 14:44
Дар Хуҷанд китоби наве бо номи «Тоҷикшиноси бузург» ба нашр расид - 21.08.2017 13:37
Семинари дастурдиҳӣ бо иштироки омӯзгорони пешқадам - 21.08.2017 12:15
Боздиди Раиси вилоят аз майдонҳои кишти картошка дар ноҳияи Шаҳристон - 21.08.2017 11:41
Дар ноҳияи Шаҳристон Қасри фарҳанг бунёд карда мешавад - 21.08.2017 11:06
Ифтитоҳи бинои нави таълимӣ барои 200 хонанда дар ноҳияи Шаҳристон - 21.08.2017 11:05
Маркази саломатии “Оббурдон” ғолиби озмуни ноҳиявӣ шуд - 18.08.2017 14:08
16 нафар бо ҷойи кори доимӣ таъмин гардиданд - 18.08.2017 14:06
Суғд: Истеҳсоли семент нисбат ба ҳамин давраи соли гузашта 1,4 маротиба зиёд шуд - 18.08.2017 09:13
Бахшида ба 26-солагии Истиқлолияти давлатии Ҷумҳурии Тоҷикистон чорабиниҳои гуногун гузаронида мешавад - 18.08.2017 08:35

Раиси вилоят хонандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд

( 1 Овоз )
  • Пешина
  • 1 of 6
  • Минбаъда

Видео :Раиси вилоят хонандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд Субҳи имрӯз Раиси вилояти Суғд Абдураҳмон Қодирӣ ба Мактаб-интернати Мақомоти иҷроияи ҳокимияти давлатии вилояти Суғд дар шаҳри Бӯстон омад ва бошандагони ин муассисаи иҷтимоиро бо соли нави мелодӣ табрик намуд.

Раиси вилоят дар сӯҳбат бо кӯдакону наврасон ва кормандони ин муассисаи иҷтимоӣ эшонро бо фарорасии соли нави мелодӣ табрик намуда, зикр дошт, ки маҳз сиёсати пешгирифтаи Ҳукумати Ҷумҳурии Тоҷикистон, хоса Асосгузори сулҳу Ваҳдати миллӣ -Пешвои миллат, Президенти Ҷумҳурии Тоҷикистон аст, ки имрӯзҳо ятимону бепарасторон таҳти таваҷҷӯҳ қарор доранд. Тавре таъкид карда шуд, зимни ироаи Паёми навбатии худ ба Маҷлиси Олии мамлакат Президенти мамлакат мӯҳтарам Эмомалӣ Раҳмон аёдати шахсони яккаву танҳо, табақаи ниёзманди ҷомеа ва ғамхорӣ нисбати ятимону бепарасторонро аз фазилатҳои неки инсонӣ унвон карда, масъулини мақомотҳои маҳаллӣ, корхонаву ташкилот ва шахсони дороро баҳри анҷоми кори хайру савоб ҳидоят намуданд.

Раиси вилоят дар идомаи суханронӣ таъкид дошт, ки бошандагони мактаб-интернати мазкур танҳо нестанд ва давлату Ҳукумат доим соябону парастори онҳо мебошад. Зикр гардид, ки баҳри бартараф намудани камбудиҳои ҷойдоштаи муассиса роҳбарияти вилоят тадбирҳои судманд меандешад. Аз ҷумла, баҳри таъмини тамоми бинои мактаб-интернат бо системаи ягонаи гармидиҳӣ аллакай мабалағҳои зарурӣ равона гардида,  таъмири хобгоҳ, харидории 100 адад мизу курсӣ ва либосҳои варзишӣ ба нақша гирифта шудааст. Инчунин давоми соли оянда барои тарбиятгирандагон майдони варзишӣ ва ҳавзи шиноварӣ бунёд карда мешавад.

Сипас дар фазои тантанавӣ Раиси вилоят ба 106 нафар хонандагони мактаб-интернат тӯҳфаҳои идона аз қабили маҷмӯи сару либоси зимистона, чор адад компютер, тӯбҳои варзишӣ, 19 намуди асбобҳои мусиқӣ, ду адад дастгоҳи дарасу атласбофӣ ва ғайраро тақдим намуд.

Раиси вилоят кулли тарбиятгирандагонро ба омӯзиши фанҳои дақиқ ва забонҳои хориҷӣ, азхудкунии ҳунарҳои мардумӣ ҳидоят намуда, таъкид дошт, ки баҳри ҳунармоӯзӣ ва таҳсили хонандагон тамоми шароит фароҳам карда мешавад.

Дар идома Раиси вилоят бо шароити кунунии мактаб-интернат аз наздик шинос гардида, баҳри бартараф намудани камбудиҳои ҷойдошта ба масъулин дастуру супоришҳои мушаххас дод. Аз ҷумла, таъкид карда шуд, ки дар мӯҳлатҳои кӯтоҳтарин тамоми бинои муассисаро бо системаи ягонаи гармидиҳӣ таъмин намуда, барои шустушӯи бошандагон шароити муосид фароҳам оваранд. Инчунин ба масъулин дастур дода шуд, ки лоиҳаи бунёди ҳавзи шиноварӣ ва варзишгоҳро таҳия ва пешниҳод намоянд.

Барои бошандагони Мактаб-интернати Мақомоти иҷроияи ҳокимияти давлатии вилояти Суғд барномаи рангини консертии аҳли фарҳанги шаҳри Бӯстон намоиш дода шуда, дастурхони идона густурда шуд.

Хотирнишон бояд кард, ки бо ташаббус ва дастгирии роҳбарияти Мақомоти иҷроияи ҳокимияти давлатии вилояти Суғд ва сарпарастон дар ҳамаи муассисаҳои иҷтимоии шаҳру ноҳияи вилоят чорабиниҳои идона доир гардид ва бошандагони ин муассисаҳо ба аёдату ғамхорӣ фаро гирифта шуданд.

Хадамоти матбуоти
Раиси вилояти Суғд







Шарҳ додан


Защитный код
Нав кардан

ШУМО ДАР: Навид Раиси вилоят хонандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд