Хабарҳо
Дар ноҳияи Деваштич сохтмони биноҳои таваллудхонаи марказӣ, нозироти андоз, маркази адлия ва раёсати молия идома дорад - 13.11.2018 14:57
“Нақши Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳу ваҳдат ва рушди устувори мамлакат”-баргузории конфронс дар Мастчоҳ - 13.11.2018 14:19
Шиносоии Раиси вилоят бо рафти сохтмони маркази саломатӣ ва муассисаи томактабӣ дар ноҳияи Деваштич - 13.11.2018 14:12
Дар Маҷмааи таърихию фарҳангии "Қалъаи Хуҷанд" намоиши ҳунарҳои мардумии сокинони шаҳри Гулистон баргузор шуд - 13.11.2018 12:10
Таджикистан не проходной двор, чтобы всякого рода хармуроды, гулмуроды нападали на него - 12.11.2018 20:43
Шиносоии Раиси вилоят бо рафти ҷамъоварии пахта дар ноҳияи Мастчоҳ - 12.11.2018 15:52
Раиси вилояти Суғд Раҷаббой Аҳмадзода Николай Шербаковро ба ҳузур пазируфт - 12.11.2018 15:48
Шиносоии Раиси вилоят бо фаъолияти гармхонаҳо /АКСҲО/ - 12.11.2018 15:02
Шиносоии Раиси вилоят бо фаъолияти гармхонаҳои ноҳияҳои Бобоҷон Ғафуров, Ҷаббор Расулов ва Спитамен - 12.11.2018 14:38
Баррасии рафти омодагиҳо ба давраи тирамоҳу зимистони солҳои 2018-2019 - 12.11.2018 12:56

Шоҳроҳи Деҳмой-Бобоҷон Ғафуров-Конибодом-Исфара-сарҳади Қирғизистон бо 56 миллион доллари ИМА навсозӣ мешавад

( 0 Овоз )
Шоҳроҳи Деҳмой-Бобоҷон Ғафуров-Конибодом-Исфара-сарҳади Қирғизистон бо 56 миллион доллари ИМА навсозӣ мешавад

Боз як  иқдоми бузурги созандагӣ дар доираи тадбири ободонии роҳҳо ва ҷиҳати амалӣ намудани ҳадафи стратегии Ҳукумати ҷумҳурӣ-раҳоӣ аз бунбасти коммуникатсионӣ соли оянда ба вуқуъ хоҳад пайваст.

Ин нукта зимни сафари кории Раиси вилоят ба Конибодом изҳор гардид. Бо дастури Президенти мамлакат ва бо ҷалби сармояи хориҷӣ лоиҳаи калони байналмилалӣ дар вилоят амалӣ карда мешавад. Ин ҳам бошад, бо харҷи 56 миллион доллари амрикоӣ таъмири кул ва азнавсозии шоҳроҳи Деҳмой-Бобоҷон Ғафуров-Конибодом-Исфара-сарҳади Қирғизистон аст. Шаҳри Конибодом, ки дар маркази ин шоҳроҳ қарор дорад, ба туфайли ин иқдом метавонад аз як тараф бо шаҳри Хуҷанд, аз тарафи дигар бо шаҳри Исфараву Ҷумҳурии Қирғизистон ва ниҳоят  аз самти дигар бо водии Фарғонаи Ҷумҳурии Узбекистон тавассути  деҳаи Патар пайваст ва шароити мусоиди рафтуомад дошта бошад.

Раиси вилоят ба мутасаддиёни соҳа дастур дод, ки давоми се моҳ  масъалаҳои ташкиливу техникӣ ва лоиҳакашии ободонии шоҳроҳро омода намуда, шурӯъ аз мавсими нав  бо ҷалби мутахассисони соҳибтаҷриба ба корҳои васеъкунӣ ва мумфаршкунӣ оғоз намоянд. Бояд гуфт, ки шоҳроҳи мазкур дараҷаи дуюми байналмилалӣ дошта, имкон медиҳад, ки на танҳо ноҳияҳои наздисарҳадии кишвар, балки Ҷумҳурии Қирғизистон тавассути он ба пойтахти Ҷумҳурии Узбекистон роҳ пайдо кунад. Тибқи нақшаи азнавсозии шоҳроҳи мазкур, корҳои ободонии ду тарафи он аз қабили гулкорӣ, чароғонкунӣ ва таъмири биноҳои атроф низ ба анҷом расонида мешаванд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навид Шоҳроҳи Деҳмой-Бобоҷон Ғафуров-Конибодом-Исфара-сарҳади Қирғизистон бо 56 миллион доллари ИМА навсозӣ мешавад