Хабарҳо
Мулоқоти Пешвои миллат Эмомалӣ Раҳмон бо роҳбарон ва фаъолони ноҳияҳои водии Вахш, аз ҷумла ноҳияи Ҷайҳун - 28.05.2020 19:18
Пешвои миллат Эмомалӣ Раҳмон аз намоишгоҳи маҳсулоти кишоварзӣ дар ноҳияи Ҷайҳун дидан намуданд - 28.05.2020 19:10
Боздиди Сарвари давлат Эмомалӣ Раҳмон аз ҶДММ Иттиҳоди аграрии «Водии зарин» дар ноҳияи Ҷайҳун - 28.05.2020 19:06
Боздиди Президенти мамлакат Эмомалӣ Раҳмон аз ҳолати истифодабарии замин дар хоҷагиҳои деҳқонии ноҳияи Ҷайҳун - 28.05.2020 19:03
Оғози сафари кории Пешвои миллат Эмомалӣ Раҳмон ба ноҳияи Ҷайҳуни вилояти Хатлон - 28.05.2020 11:00
Боздиди Раҷаббой Аҳмадзода аз нашъунамои ниҳоли пахта дар ноҳияи Зафаробод - 28.05.2020 16:28
Шиносои аз фаъолияти маркази саломатии ҷамоати деҳоти Равшан - 28.05.2020 16:09
Боздиди Раиси вилоят аз ғаллазори хоҷагии “Хоҷимурод-2018” дар Ҷамоати шаҳраки ба номи Ҳамид Алиев - 28.05.2020 15:50
Раҷаббой Аҳмадзода аз ҳавлии Рустам Қӯзибоев дар ноҳияи Зафаробод дидан намуд - 28.05.2020 15:21
Зафаробод. Аёдати ҷавонони маюб аз ҷониби Раиси вилоят - 28.05.2020 15:15

Таҷлили иди Истиқлолияти давлатии Ҷумҳурии Тоҷикистон

( 1 Овоз )

Таҷлили иди Истиқлолияти давлатии Ҷумҳурии Тоҷикистон

Видео : Таҷлили иди Истиқлолияти давлатии Ҷумҳурии Тоҷикистон

Имрӯз, 5 сентябр дар Чойхонаи миллӣ, воқеъ дар Қасри Арбоб 23 – умин солгарди Истиқлолияти Ҷумҳурии Тоҷикистон бо иштироки Сарвазири Ҷумҳурии Тоҷикистон Қоҳир Расулзода ва Раиси вилояти Суғд Абдураҳмон Қодирӣ бо шукӯҳу шаҳомати хоса ҷашн гирифта шуд.

Чорабинии идонаро Раиси вилояти Суғд Абдураҳмон Қодирӣ оғоз намуда, иди истиқлолро ба мардуми шарифи вилоят табрику таҳният гуфт. Сипас Сарвазири Ҷумҳурии Тоҷикистон Қоҳир Расулзода суханронӣ намуда, кулли мардуми вилоятро бахшида ба Истиқлолияти давлатии Ҷумҳурии Тоҷикистон таҳният гуфт.

Зикр шуд, ки 23 сол муқаддам, 9 сентябри соли 1991 Шӯрои Олии Ҷумҳурии Тоҷикистон Эъломияро дар бораи Истиқлолияти давлатии Ҷумҳурии Тоҷикистон қабул намуд ва мардуми кишвар ин рӯзи саидро ба ҳайси ҷашни умумимиллӣ, иди дар арсаи ҷаҳонӣ ҳамчун соҳиби давлати комилҳуқуқ шинохта шудани тоҷикон, иди барқароршавии адолати таърихӣ бо як ҷаҳон ифтихору саодат ва шукргузорӣ таҷлил мекунанд.

Сарвазири кишвар Қоҳир Расулзода ҳамчунин афзуд, ки  мардуми меҳнатқарини кишвар раванди ободкориву созандагиро ба роҳ монда, барои амалӣ шудани ҳадафҳои муҳиму стратегии давлати Тоҷикистон аҳлонаю ғайратмандона саъю талош меварзанд ва ин меҳнати содиқонаву софдилона барои пойдориву ҷовидонагии Истиқлолияти давлатии Ҷумҳурии Тоҷикистон, мустаҳкам кардани аркони давлати навини тоҷикон, ҳифзи манфиатҳои милливу давлатӣ ва баланд бардоштани мақому обрӯи Тоҷикистони азиз равона шудааст.

Зикр гардид, ки имрӯз туфайли амалӣ намудани барномаҳои иқтисодиву иҷтимоӣ дар шаҳру навоҳии вилоят фазои мусоиде фароҳам омадааст, ки раванди ислоҳот ва рушди бонизоми иқтисоди миллӣ мунтазам идома ёбад, тадбирҳои андешидаи Ҳукумати Ҷумҳурии Тоҷикистон ҷиҳати баланд бардоштани сатҳу сифати зиндагии мардум бемайлон татбиқ шаванд.

Худи ҳамин рӯз ҳамзамон як қатор пешқадамони соҳаҳои гуногун бо мукофотҳои давлатӣ, аз ҷумла Усто Устопиров бо ордени Шараф дараҷаи II, Файзулло Авезов, Ҳакимбой Азизбоев, Соро Ёдгорова, Маҳмадсабур Ёқубов, Пир Пиров ва Фотима Шоева бо медали Хизмати шоиста, Александр Бахтин ва Муаззам Ҳодибоева бо медали Шафқат, Расул Бобоев ва Мирзоанвар Аҳмедов бо Ифтихорномаи Ҷумҳурии Тоҷикистон сарфароз гардонида шуданд.

Сипас бо иштироки аҳли фарҳанги вилоят намоиши театрикунонидашудаи идона манзур карда шуд, ки ба чорабинии идона шукӯҳу шаҳомати хоса бахшид.

Хадамоти матбуоти
Раиси вилояти Суғд

Таҷлили иди Истиқлолияти давлатии Ҷумҳурии ТоҷикистонТаҷлили иди Истиқлолияти давлатии Ҷумҳурии ТоҷикистонТаҷлили иди Истиқлолияти давлатии Ҷумҳурии ТоҷикистонТаҷлили иди Истиқлолияти давлатии Ҷумҳурии Тоҷикистон





Шарҳ додан


Защитный код
Нав кардан

ШУМО ДАР: Навид Таҷлили иди Истиқлолияти давлатии Ҷумҳурии Тоҷикистон