Хабарҳо
Шиносоии Раиси вилоят бо фаъолияти хоҷагиҳои деҳқонӣ ва рафти сохтмони иншооти ҷашнӣ дар Исфара - 18.10.2019 16:54
Мулоқоти Раиси вилоят бо фаъолони шаҳри Исфара - 18.10.2019 16:37
Баргузории қабули шаҳрвандон дар шаҳри Исфара - 18.10.2019 16:32
Ба 60 нафар занону духтарони ҳунарманди вилоят 420 000 сомонӣ маблағҳои грантӣ тақдим карда шуд - 18.10.2019 15:22
Баргузории ҷаласаи навбатии ҳайати мушовараи Раёсати маорифи вилояти Суғд - 18.10.2019 12:06
19 октябр бахшида ба Иди Меҳргон дар маркази вилоят ярмарка-фурӯши маҳсулоти кишоварӣ доир мешавад - 18.10.2019 11:02
Шиносоии хонандагони макотиби ноҳияҳои Айнӣ ва Куҳистони Мастчоҳ бо шароити таҳсил дар ДДҲБСТ - 18.10.2019 10:40
Пешвои миллат Эмомалӣ Раҳмон бо хизматчиёни соҳаи ақибгоҳи сохторҳои низомии мамлакат мулоқот намуданд - 17.10.2019 16:40
Ответ киргизским провокаторам: Бодканд наша таджикская земля - 17.10.2019 15:50
Кыргызско-таджикская граница. Каждое действие рождает противодействие - 17.10.2019 15:16

Мулоқоти Абдураҳмон Қодирӣ бо Норимаса Шимомура

( 1 Овоз )
Мулоқоти Абдураҳмон Қодирӣ бо Норимаса Шимомура
Мулоқоти Абдураҳмон Қодирӣ бо Норимаса Шимомура
Мулоқоти Абдураҳмон Қодирӣ бо Норимаса Шимомура
Мулоқоти Абдураҳмон Қодирӣ бо Норимаса Шимомура
  • Пешина
  • 1 of 4
  • Минбаъда

Видео : Мулоқоти Абдураҳмон Қодирӣ бо Норимаса Шимомура

Нимаи дуюми рӯзи панҷшанбе, 29 май Раиси вилояти Суғд Абдураҳмон Қодирӣ Директори кишварии Барномаи рушди СММ дар Тоҷикистон Норимаса Шимомураро ба ҳузур пазируфт.

Дар мулоқот масоили ҳамкории ҷонибҳо ва тавсеаи он дар оянда мавриди баррасӣ қарор гирифт.

Раиси вилоят аз ҳамкориҳои судманди тарафҳо изҳори хушҳолӣ намуда, зикр дошт, ки мақомоти иҷроияи ҳокимияти давлатии вилоят дар оянда низ бо ин созмон робитаҳои хуби ҳамкориро ба роҳ мемонад. Иттилоъ дода шуд, ки самти асосии фаъолияти Барномаи рушди СММ дар Тоҷикистон ин беҳтар намудани сатҳи зиндагонии шаҳрвандон ва ба ин васила коҳиш додани сатҳи камбизоатӣ, боло бардоштани фаъолияти хусусӣ ва тиҷорат, рушди деҳот, дастгирии ассотсиатсияи соҳибкорон ба ҳисоб меравад.

Айни замон дар 14 шаҳру навоҳии вилоят тавассути Барномаи рушди СММ дар Тоҷикистон 60 лоиҳа мавриди татбиқ қарор дошта, то имруз 130 лоиҳаи дигар амалӣ гаштааст. Норимаса Шимомура ба рушди бонизоми соҳаҳои мухталифи хоҷагии халқи вилоят баҳои баланд дод. Ҳамчунин ташкил ва баргузории Рӯзи қабули шаҳрвандон аз ҷониби Раиси вилоят падидаи хубе арзёбӣ гардид, ки барои ҳалли муаммову мушкилоти сокинон  нигаронида шудааст.

Норимаса Шимомура Раиси вилоятро ба ҳамкорӣ дар самти дастгирии лоиҳа барои беҳтар намудани табодули мол байни ҷумҳуриҳои ҳамсояи Тоҷикистону Қирғизистон, аз ҷумла дар минтақаҳои наздимарзӣ даъват намуд. Зикр гардид, ки ин ба рушди иқтисодии ду кишвар таъсири мусби хоҳад расонид. Раиси вилоят омодагии мақомоти иҷроияи ҳокимияти давлатии вилоятро барои ҳамкорӣ дар ҳамаи бахшҳо баён дошт.

Ҳини мулоқот иттилоъ дода шуд, ки айни замон дар вилоят ислоҳоти замин бонизом ҷараён дошта, то имруз зиёда аз 25 ҳазор нафар саҳмдор соҳиби замини худ гаштаанд, ки ҳадафи аслии ин раванд соҳиби замин намудани деҳқон ва ба ин васила коҳиш додани муҳоҷирати меҳнатӣ ба ҳисоб меравад. Умуман, давоми чор моҳи соли ҷорӣ нисбат ба ҳамин давраи соли гузашта шумораи умумии муҳоҷирони меҳнатӣ дар қаламрави вилоят 14 ҳазор нафар кам  шудааст.

Дар ин самт Раиси вилоят Норимаса Шимомураро барои дастгирии хоҷагиҳои навтаъсис, аз ҷумла бо техникаи кишоварзӣ, тухмиҳо, неруҳои миниралӣ ва обченкунакҳо даъват намуд.

Зимни сӯҳбат инчунин эҳёи ҳунарҳои миллӣ, аз қабили қолинбофӣ, сӯзанидузӣ ва адрасбофӣ маълумот дода шуда, зикр ёфт, ки дар вилоят аллакай коргоҳи нави қолинбофӣ бо тарзи эронӣ ба фаъолият шурӯъ намудааст. Эҳёи ҳунарҳои мардумӣ имкон медиҳад, ки шумораи бештари занони хонашин ба шуғли доимӣ ҷалб карда шаванд.

Ҳамчунин Раиси вилоят қайд намуд, ки айни замон лоиҳаи аз худкунии 1000 гектар замини дашти Сомғор тарҳезӣ гашта, дар ин самт бунёди боғи зардолу ва олуи сиёҳ тариқи обёрии қатрагӣ ба роҳ монда мешавад. Ин ташаббус аз ҷониби меҳмонон хуш пазируфта шуд ва Норимаса Шимомура омодагии хешро барои ҳамкорӣ дар ин самт баён дошт.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Абдураҳмон Қодирӣ бо Норимаса Шимомура