Хабарҳо
Муовини якуми Раиси Маҷлиси миллии Маҷлиси Олии Тоҷикистон бо муовини Раиси Шӯрои Федератсияи Маҷлиси Федералии Русия мулоқот намуд - 30.11.2021 16:36
Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд - 30.11.2021 16:40
Ҷаласаи ғайринавбатии Комиссия оид ба ҳуқуқи кўдак доир гардид - 30.11.2021 16:34
Ҳайати расмии вилояти Могилёви Ҷумҳурии Белорус аз Суғд боздид мекунад - 30.11.2021 14:03
Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Корея Чон Ий Ёнро ба ҳузур пазируфтанд - 30.11.2021 10:59
Мақомоти иҷроияи ҳокимияти давлатии шаҳри Истаравшан озмун эълон менамояд - 29.11.2021 14:52
Имзои созишномаҳои ҳамкорӣ миёни соҳибкорони вилояти Суғд ва кишвари Красноярски ФР - 29.11.2021 14:51
Маркази матбуоти Ситоди байниидоравии таъмини амният ва тартиботи ҷамъиятӣ дар ВМКБ хабар медиҳад - 29.11.2021 14:10
Иҷрокунандаи вазифаи Раиси ВМКБ Алишер Мирзонабот ҷаласаи корӣ доир намуд - 29.11.2021 14:05
Public Order in Khorugh Fully Restored - 29.11.2021 13:58

Ба ғолибони бистрўзаи дуюми мавсими пахтачинӣ туҳфаҳо супорида шуд

( 0 Овоз )

Ноҳияҳои Спитамену Зафаробод ва Ҷамоати деҳоти Овчиқалъачаи ноҳияи Бобоҷон Ғафуров ғолибони бистрўзаи дуюми мавсими пахтачинӣ гардиданд.

21 октябри соли 2021 дар майдони “Ситораҳои Хуҷанд” бо баргузории чорабинии тантанавӣ номи ғолибон эълон гардида, бо вимпели сайёр ва мукофотҳои пулӣ сарфароз гардонида шуданд.

Раиси вилояти Суғд Раҷаббой Аҳмадзода зимни иштирок дар чорабинӣ таъкид кард, ки мақомоти иҷроияи ҳокимияти давлатии вилоят баҳри дар амал татбиқ намудани дастуру супоришҳои Асосгузори сулҳу ваҳдати миллӣ – Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон оид ба рушди соҳаҳои мухталифи хоҷагиҳои халқ, аз ҷумла соҳаи пахтакорӣ, таъмини корхонаҳои саноатӣ бо ашёи хом ва ба ин восита таъсис додани ҷойҳои нави корӣ пайваста тадбирҳои судманд меандешад.

Дар соҳаи пахтакорӣ ҷиҳати амалигардонии дастуру супоришҳои Ҳукумати ҷумҳурӣ вобаста ба шароити иқлим ва имкониятҳои истеҳсолии ҳар як минтақаи мамлакат барои мунтазам зиёд намудани масоҳати замини кишти пунбадона, баланд бардоштани ҳосилнокӣ ва бо ин васила зиёд кардани ҳаҷми истеҳсоли пахта таваҷҷўҳи хоса зоҳир гардида, соли 2021-ум масоҳати кишти пунбадона дар хоҷагиҳои пахтакори вилоят ба 52,8 ҳазор гектар расонида шуд. Дар ин замина, пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 134 ҳазор тонна пахта истеҳсол намоянд.

Гуфта шуд, ки санаи 1 октябри соли равон бистрўзаи якуми мусобиқа байни шаҳру ноҳияҳо ва ҷамоатҳо ҷамъбаст ва ғолибон бо мукофотҳои мақомоти иҷроияи ҳокимияти давлатии вилоят қадршиносӣ шуда буданд. Ба ҳолати 1 октябри соли равон кишоварзон 53 ҳазору 436 тонна ё 39,9%-и нақша дури гаронбаҳо ҷамъ оварда буданд.

Бистрўзаи дуюми мавсими пахтачинӣ собит кард, ки мусобиқаи меҳнатӣ барои пешқадамӣ дар байни шаҳру ноҳияҳо ва ҷамоатҳои пахтакор хеле пуршиддат ҷараён гирифт.

То санаи 21 октябр ба хирман 101 ҳазору 739 тонна «тиллои сафед» рехта шуд, ки баробари 76 фоизи нақша мебошад. Барои бунёди ин хирман, кишоварзони шаҳру ноҳияҳои Ашт, Бобоҷон Ғафуров, Зафаробод ва Спитамен саҳми бештар гузоштанд. Онҳо ҳар рўз ба ҳисоби миёна баробари 2,5 – 3,0 фоизи нақшаи солона пахта ҷамъ оварда, ба ҳосилғундорӣ суръат зам намуданд ва пешқадамони мусобиқа мебошанд.

Тибқи натиҷаи ҷамъбасти давраи дуюми мавсими пахтачинӣ заркорони ноҳияҳои Спитамен, Зафаробод, инчунин Ҷамоати деҳоти Овчиқалъачаи ноҳияи Бобоҷон Ғафуров ғолиби мусобиқа дониста шуданд. Ҳамчунин, Мирзоев Муродбой механизатор аз хоҷагии деҳқонии “Фарҳоди Дарё-1”-и деҳоти Равшани ноҳияи Зафаробод, ки дар мавсими имсола беш аз 250 тонна дурри гаронбаҳоро ҷамъоварӣ намудааст, ғолиби мусобиқа ва “Механизатори беҳтарин” дониста шуд.

Сипас, дар вазъияти тантанавӣ ба ғолибони озмун - ба раиси ноҳияи Спитамен Темурҷон Нӯмонзода вимпели сайёр ва 17000 сомонӣ, ба раиси ноҳияи Зафаробод Раҷаб Ашӯрзода 8500 сомонӣ ва раиси Ҷамоати деҳоти Овчиқалъачаи ноҳияи Бобоҷон Ғафуров Аҳмадҷон Шукуров 4500 сомонӣ супорида шуд.

Ҳамзамон ба як қатор деҳқонони ботаҷрибаи деҳоти Оббурдони ноҳияи Мастчоҳ, деҳоти  Гулхонаи ноҳияи Ҷаббор Расулов, деҳоти Ғафурҷон  Ортиқови шаҳри Конибодом, деҳоти “Овчиқалъача-и ноҳияи Бобоҷон Ғафуров, деҳоти Ашти ноҳияи Ашт, инчунин, Ҷамъияти дорои масъулияташ маҳдуди «Рахшона»-и ноҳияи Ашт, Кооперативии Тиҷоратии ба номи Турсунбой Қӯшатови ноҳияи Бобоҷон Ғафуров, «Нури Рарз»-и ноҳияи Зафаробод, “Ҳоҷидеҳқонбой”-и ноҳияи Ҷаббор Расулов, «Мунаввариён»-и ноҳияи Мастчоҳ, “Зарбдор”-и шаҳри Конибодом, «Бошбулоқ»-и ноҳияи Спитамен ва чинакчиёни беҳтарин туҳфаҳои хотиравии Раиси вилоят супорида шуд.

Хадамоти матбуоти
Раиси вилояти Суғд

ШУМО ДАР: Навид Ба ғолибони бистрўзаи дуюми мавсими пахтачинӣ туҳфаҳо супорида шуд