Хабарҳо
«Хиёнат»: Фоҷиаи инсоният - 07.08.2020 19:06
Ташкилоти ғайритиҷоратии «Иттифоқи корхонаҳои саноати сабуки вилояти Суғд» таъсис ёфт - 07.08.2020 14:29
Боздиди Раиси вилоят Раҷаббой Аҳмадзода аз ҶДММ «Суғд-Текстайл» - 07.08.2020 14:23
Паёми табрикии Раиси вилоят бахшида ба рӯзи касбии сохтмончиён - 07.08.2020 11:08
Мулоқоти сардори Раёсати кор бо занон ва оилаи вилоят бо занони шаҳри Исфара - 07.08.2020 08:35
Рӯзи Интихоботи Президенти Ҷумҳурии Тоҷикистон таъин карда шуд - 06.08.2020 12:47
Border Troops Reports About Border Incident - 06.08.2020 11:06
Изҳороти Маркази матбуоти Қушӯнҳои Сарҳадии КДАМ Ҷумҳурии Тоҷикистон - 06.08.2020 09:47
Пешвои миллат Эмомалӣ Раҳмон аз боғу токзори хоҷагиҳои деҳқонии ноҳияи Хуросон боздид ба амал оварданд - 06.08.2020 08:57
COVID-19. Масъалаи омодагии муассисаҳои таълимӣ ба соли нави хониш дар ҷаласаи имрӯзаи Ситоди ҷумҳуриявӣ баррасӣ гардид - 06.08.2020 08:50

Мулоқоти ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон

( 0 Овоз )

Рӯзҳои 21 ва 22 феврали соли 2020 дар шаҳри Ботканди Ҷумҳурии Қирғизистон ҷаласаи навбатии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон баргузор гардид.

Ҷаласа таҳти роҳбарии муовини Сарвазири Ҷумҳурии Тоҷикистон Азим Иброҳим ва муовини Сарвазири Ҷумҳурии Қирғизистон Акрам Мадумаров ва бо ҳузури роҳбарони як қатор идораҳои ҷумҳуриявӣ, сафирони ду давлат, раисони вилоятҳои Суғду Ботканд ва шаҳру ноҳияҳои наздисарҳадӣ, инчунин роҳбарони сохторҳои қудратии ҳар ду тараф ҷараён гирифт.

Дар рафти вохӯрӣ ҷонибҳо оид ба масъалаи делимитатсия ва демаркатсияи сарҳади давлатии Тоҷикистону Қирғизистон мубодилаи афкор намуданд. Зикр гардид, ки минбаъд бояд ҳамкории мутақобила байни мақомоти қудратӣ ва сохторҳои марбутаи ҷонибҳо ҷоннок гардида, ҳамкории тарафайн дар асоси принсипи боварӣ ва манфиати баробарҳуқуқ ба сомон расонида шавад. Кори комиссия давоми ду рӯз идома карда дар он мутахассисони тоҷику қирғиз тамоми паҳлуҳои масъалаи хатти марзиро мавриди таҳлилу баррасӣ қарор доданд.

Мутобиқ ба нақшаи кории комиссия гурӯҳҳои корӣ оид ба масоили ҳуқуқӣ муваззаф гардиданд, ки минбаъд низ мулоқоту музокиротро барои муайянсозии асоси ҳуқуқии делимитатсияи сарҳадоти Ҷумҳурии Тоҷикистон ва Ҷумҳурии Қирғизистонро идома диҳанд.

Дар доираи ҷаласаи баргузоргардида вохӯрии алоҳидаи раисони вилоятҳои Суғду Ботканд доир гардид. Зимни вохӯрӣ ҷонибҳо таъкид доштанд, ки тарафҳоро зарур аст бо риояи анъанаҳои неки ҳамсоядорӣ ҳамкориҳоро дар ҳамаи бахшҳо тақвият бахшанд.

Таъкид карда шуд, ки дар заминаи сиёсати пешгирифтаи Сарони ду кишвар – Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон Сооронбой Жээнбеков бояд ҳамкориҳои мутақобила дар маҳалҳо тақвият дода шавад.

Дар анҷоми вохӯрӣ Нақшаи чорабиниҳои муштарак байни вилояти Суғди Ҷумҳурии Тоҷикистон ва вилояти Ботканди Ҷумҳурии Қирғизистон барои соли 2020 аз ҷониби роҳбарони ду вилояти ҳаммарз ба имзо расид.

Хадамоти матбуоти

Раиси вилояти Суғд




Шарҳ додан


Защитный код
Нав кардан

ШУМО ДАР: Навид Мулоқоти ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон