Хабарҳо
Боздиди Раиси вилоят аз Кооперативи тиҷоратии​ «Тухмипарварии Чоркӯҳ»​ ва Кооперативи тиҷоратии​ «Кишоварзони Навгилем» - 13.07.2020 15:09
Исфара. Раиси вилоят Раҷаббой Аҳмадзода собиқадорони меҳнатро аёдат кард - 13.07.2020 14:45
Дар шаҳри Исфара 288 иншооти ҷашнӣ мавриди истифода қарор гирифтааст - 13.07.2020 14:34
Қарори Ҳукумати Ҷумҳурии Тоҷикистон Оид ба тадбирҳои амалисозии фармони Президенти Ҷумҳурии Тоҷикистон аз 5 июни соли 2020, №1544 «Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон» - 13.07.2020 11:05
Пешвои миллат Эмомалӣ Раҳмон дар як қатор мақомоти қудратӣ ва давлатӣ тағйироти кадрӣ ба амал оварданд - 11.07.2020 11:00
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46

Шиносоии Раиси вилоят бо рафти сохтмони варзишгоҳи марказии ноҳияи Мастчоҳ

( 0 Овоз )

Дар идомаи сафари корӣ ба ноҳияи Мастчоҳ Раиси вилояти Суғд Раҷаббой Аҳмадзода дар маркази Ҷамоати шаҳраки Бӯстон бо рафти бунёди варзишгоҳи марказӣ шинос гардид.

Ёдовар бояд шуд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари кориашон ба ноҳияи Мастчоҳ соли 2016 барои лоиҳакашӣ ва сохтмони як зумра иншоотҳо дастуру ҳидоятҳо дода буданд.

Яке аз чунин иншоотҳои иҷтимоӣ варзишгоҳи замонавӣ дар маркази ноҳия мебошад, ки он бо 10 000 ҷойи нишаст бунёд гардида истодааст. Лоиҳаи варзишгоҳ аз тарафи пажӯҳишгоҳи лоиҳакашии «САНИИОСП» омода гардидааст. Барои бунёди варзишгоҳи марказӣ тибқи нақша 11 млн. сомонӣ пешбинӣ гардида, корҳои сохтмонӣ алҳол босуръат идома дорад.

Фармоишгари иншоот Дирексияи сохтмони иншоотҳои ҳукуматии Дастгоҳи иҷроияи Президенти Ҷумҳурии Тоҷикистон буда, паймонкор ҶДММ “Сохтмон”-и ноҳияи Мастчоҳ мебошад.

Сипас, Раиси вилоят ҷараёни бунёди толори варзишии “Паҳлавонони Суғд”-ро мавриди таваҷҷуҳ қарор дод. Толори варзишӣ дар шафати варзишгоҳи марказӣ бо харҷи 1,2 миллион сомонӣ сохта мешавад ва айни замон сохтмончиён машғули коранд.

Фармоишгари ин иншоот Идораи сохтмони асосии мақомоти иҷроияи ҳокимияти давлатии вилоят буда, паймонкор ҶДММ “Фаррухрӯз”-и ноҳияи Мастчоҳ аст.

Раиси вилоят баъди шиносоӣ бо сохтмони иншоотҳои варзишӣ ба роҳбарияти ноҳия ва масъулони Идораи сохтмони асосии вилоят ҷиҳати бо сифати баланд ба итмом расонидани корҳо дастуру супоришҳо дод.

Таъкид гардид, ки Пешвои миллат муҳтарам Эмомалӣ Раҳмон дар Паёми навбатӣ ба Маҷлиси Олӣ низ ба соҳаи варзиш таваҷҷуҳи хос зоҳир намуда, таъкид доштанд, ки ба оммавигардонии варзиш ва таблиғи тарзи ҳаёти солим диққати аввалиндараҷа дода шавад.

Хадамоти матбуоти
Раиси вилояти Суғд

 

Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо рафти сохтмони варзишгоҳи марказии ноҳияи Мастчоҳ