Хабарҳо
Муроҷиатнома ба Кабирӣ - Кобра, Муҳаммадиқбол- Муҳаммади беиқбол, Мирзои Салимпур – ноздонаи ҷонона (вокуниш ба Нидои миллат – филми мустанади “Хиёнат”) - 10.07.2020 17:40
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46
Дар ноҳияи Деваштич 5400 гектар картошка кишт карда шудааст - 08.07.2020 16:48
Пешвои миллат Эмомалӣ Раҳмон дар шаҳри Душанбе ба корҳои сохтмонӣ дар Майдони «Истиқлол» оғоз бахшиданд - 10.07.2020 13:43
Президенти мамлакат Эмомалӣ Раҳмон бинои Хадамоти давлатии «Муҳофиза»-и Вазорати корҳои дохилии Ҷумҳурии Тоҷикистонро ба истифода доданд - 10.07.2020 13:42
Сарвари давлат Эмомалӣ Раҳмон дар шаҳри Душанбе корхонаи дӯзандагиро бо 350 ҷойи корӣ ифтитоҳ намуданд - 10.07.2020 13:39

Баргузории қабули шаҳрвандон дар шаҳри Гулистон

( 0 Овоз )

7 ноябри соли 2019 Раиси вилояти Суғд Раҷаббой Аҳмадзода ҷиҳати иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти баррасии муроҷиатҳои саривақтии сокинон дар толори мақомоти иҷроияи ҳокимияти давлатии шаҳри Гулистон қабули шаҳрвандонро баргузор намуд.

Раҷаббой Аҳмадзода зимни суҳбат бо сокинони шаҳри Гулистон таъкид кард, ки роҳбарияти вилоят илова бар рӯзи шанбе, ки рӯзи қабули шаҳрвандон аст, тибқи нақшаи корӣ дар ҳамаи шаҳру ноҳияҳо рӯзҳои қабулро доир намуда, барои ҳалли мушкилоти мавҷудаи шаҳру деҳоти вилоят тадбирҳои зарурӣ андешида истодааст.

Дар рафти қабули шаҳрвандон аз ҷониби Раиси вилоят 10 нафар  сокинони шаҳри Гулистон бо масъалаҳои мухталиф, аз ҷумла таъмиру тармими иншооти иҷтимоӣ, таъмин шудан бо манзил, дарёфти кӯмаки моддӣ, мусоидат барои гирифтани табобат, кашидани хатти барқ ба маҳаллаҳои навбунёд ва ғайраҳо пазируфта шуданд.

Вазира Абдулфайзова – яке аз муроҷиаткунандагон миннатдории худро ҷиҳати дастгирии доимии ҳунармандон ба Раиси вилоят баён намуд. Ӯ изҳор дошт, ки бо пешниҳоди лоиҳаи худ ба комиссияи грантии Раиси вилоят 10 000 сомонӣ грант дарёфт карда, барои рушди чакандӯзӣ, гулдӯзӣ ва қуроқдӯзӣ дар шаҳри Гулистон саҳм гузошта истодааст. Раҷаббой Аҳмадзода ба ин бонуи ҳунарманди шаҳр тавсия дод, ки аз имкониятҳои мавҷуда самаранок истифода бурда, барои рушди ҳунарҳои мардумӣ ва ҷалби занону духтарони бешуғл ба омӯзиш ва кор мусоидат намояд.

Раиси вилоят пас аз шунидани муроҷиатҳои сокинон ба масъулини сохторҳои вилоятӣ ва роҳбарияти шаҳр барои баррасӣ ва ҳали масъалаҳои матраҳшуда супоришҳои мушаххас дод.

Ёдовар бояд шуд, ки аз ҷониби роҳбарияти вилоят дар шаҳру ноҳияҳо мунтазам қабули шаҳрвандон гузаронида мешавад. То ин дам қабули шаҳрвандон дар шаҳру ноҳияҳои Конибодом, Айнӣ, Панҷакент, Ашт ва Исфараву Бўстон баргузор гардида, ба ҳалли як қатор муаммоҳои маҳал мусоидат намуд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Баргузории қабули шаҳрвандон дар шаҳри Гулистон