Хабарҳо
Худ ва атрофиёнро аз сироятёбӣ ба бемориҳои сироятӣ ҳифз намоед - 02.06.2020 11:54
СИТОДИ ҶУМҲУРИЯВӢ: ИМТИҲОНҲО ДОИР НАМЕШАВАНД! Баҳои аттестатсияи хатм барои хатмкунандагони муассисаҳои таҳсилоти умумии ҷумҳурӣ дар синфҳои 9 ва 11 дар асоси ҷамъбасти баҳои чорякҳо ва солона гузошта мешавад - 02.06.2020 10:15
Хуҷанд: Мулоқоти судманд дар маҳаллаҳои Тути Калон ва Чорчароғ - 02.06.2020 10:12
Боздид аз парвариши помидор ва лимӯ дар қитъаи назди ҳавлигии сокинони деҳаи Заркори ноҳияи Ҷаббор Расулов - 31.05.2020 16:34
Боздиди Раиси вилоят аз нашъунамои ниҳоли пахта дар ноҳияи Ҷаббор Расулов - 31.05.2020 16:36
Раиси вилояти Суғд Раҷаббой Аҳмадзода ҷавонони маъюбро аёдат намуд - 01.06.2020 04:53
Мулоқоти Раиси вилоят Раҷаббой Аҳмадзода бо табибони Маркази саломатии Ҷамоати шаҳраки Меҳробод - 01.06.2020 04:57
Раҷаббой Аҳмадзода тарбиятгирандагони Мактаб-интернати Мақомоти иҷроияи ҳокимияти давлатии вилояти Суғдро аёдат намуд - 01.06.2020 18:41
Шиносоии Раҷаббой Аҳмадзода бо тарзи истифодабарии заминҳои наздиҳавлигӣ дар ноҳияи Бобоҷон Ғафуров - 01.06.2020 17:08
Шиносоӣ бо сохтмони майдони Парчами давлатии Ҷумҳурии Тоҷикистон - 01.06.2020 16:02

Паёми табрикии Раиси вилоят Раҷаббой Аҳмадзода бахшида ба Рӯзи фалак

( 0 Овоз )

Бо мақсади ҳифз намудан ва равнақ бахшидан ба ҳунари қадимаи фалаксароӣ бо ҳидояти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қаламрави кишвар ҳамасола санаи 10 - уми октябр Рӯзи фалак таҷлил мегардад.

Ба ин муносибат кулли фалаксароён, мухлисони ин санъати воло ва ҳунармандону санъаткоронро табрику таҳният гуфта, муваффақият ва дастовардҳои баланди ҳунарӣ орзу менамоям.

Фалак як навъи машҳури санъати сарояндагии халқи тоҷик буда, ифодагари муроҷиату муноҷоти инсон ба осмон аст. Пешвои муаззами миллат дар хусуси ин ҳунари воло гуфтаанд: «Имрӯз ҷанри мусиқии классикии «Фалак» ҳамчун падидаи нодири ҳунарӣ дар фазои соҳибистиқлолии кишвар бо ҷилову садои хеш танинандоз гардидааст».

Боиси таъкид аст, ки ба хотири рушди санъати фалак ва татбиқу интишори сиёсати фарҳангии Ҳукумати Ҷумҳурии Тоҷикистон даҳ сол пеш ансамбли фолклорию этнографии «Фалак»-и вилояти Суғд таъсис ёфта, дар фурсати на чандон зиёд дар ансамбл мактаби устоду шогирд вусъат ёфт ва ҷавонони соҳибистеъдод ба саҳнаи ҳунар роҳ ёфтанд. Имрӯз ин ансамбл дар тамоми чорабиниҳои сатҳи вилоятӣ ва ҷумҳуриявӣ ширкати фаъолона дошта, барои баланд бардоштани завқи зебоишиносии мардум нақши равшан мегузорад.

Санъатҳои қадимаи миллӣ, аз ҷумла фалак собит месозад, ки миллати тамаддунофари тоҷик фарҳанги бою қадима, сабки хосаи санъати мусиқӣ ва сарояндагиро тӯли асрҳо аз насл ба насл интиқол дода, дар рушди ҷомеа ва болоравии маънавиёти мардум нақши амиқ гузоштааст.

Итминон дорем, ки дӯстдорону алоқамандон ва санъаткорони вилоят, аҳли ҳунару эҷод ҷавобан ба дастгириву ғамхориҳои Роҳбарияти олии мамлакат дар самти рушди соҳаи фарҳанг, дар тарбияву камолоти истеъдодҳои нав ва ҷустуҷӯву бозёфти беҳтарин намунаҳои назмиву мусиқии санъати фалак ба комёбиҳои арзанда шарафёб мегарданд.

Рӯзи фалак ва 10 - солагии таъсисёбии ансамбли фолклорӣ - этнографии "Фалак" - и вилоят барои кулли санъаткорон ва алоқамандони санъати фалаксароӣ муборак бошад!

Шарҳ додан


Защитный код
Нав кардан

ШУМО ДАР: Навид Паёми табрикии Раиси вилоят Раҷаббой Аҳмадзода бахшида ба Рӯзи фалак