Хабарҳо
Дар Панҷакент бинои нави Хадамоти шиносномавию бақайдгирӣ ба истифода дода шуд - 21.02.2020 13:19
11 март Рӯзи матбуоти тоҷик ҷашн гирифта мешавад - 21.02.2020 13:18
Дар деҳоти Исфара ба ҳалли масъалаҳои иҷтимоии аҳолӣ таваҷҷуҳи зарурӣ зоҳир мегардад - 21.02.2020 11:28
Ба ифтихори Рӯзи Артиши миллӣ дар ДДҲБСТ ҷамъомади идона баргузор гардид - 21.02.2020 11:19
Ғолибони даври вилоятии озмуни ҳарбӣ - варзишии «Ватанпарвар» муайян гардиданд - 21.02.2020 10:48
Бо мақсади дарёфти истеъдодҳо озмуни ихтироъкорон ва навоварони ҷавони вилояти Суғд гузаронида мешавад - 20.02.2020 13:26
Ба барандаи Шоҳҷоизаи Фестивали вилоятии “Атласу адрас” 5 000 сомонӣ мукофотпулӣ дода хоҳад шуд - 20.02.2020 13:25
24 апрел - Рӯзи ёдбуди бартарафкунандагони садамаи Неругоҳи барқи атомии Чернобил - 20.02.2020 13:23
8 март дар вилояти Суғд Рӯзи Модар ҷашн гирифта мешавад - 20.02.2020 13:19
Соли равон озмуни вилоятии “Донишҷӯи сол - 2020” доир мегардад - 19.02.2020 14:01

Беш аз 50 000 тонна пахта ҷамъоварӣ карда шуд

( 0 Овоз )

Дирӯз дар толори хурди Мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварати корӣ, ки бо ҳузури муовини якуми Раиси вилоят, муовинони Раиси вилоят, роҳбари дастгоҳи Раиси вилоят, раисони навоҳии пахтакор, масъулини соҳаи кишоварзӣ ва корхонаҳои коркарди пахта доир шуд, рафти ҷамъоварии пахта ва қабули он аз тарафи корхонаҳои коркарди пахта мавриди таҳлил қарор дода шуд.

Раиси вилоят Раҷаббой Аҳмадзода дар оғози машварат иброз дошт, ки бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба рушди соҳаи кишоварзӣ, аз ҷумла пахтакорӣ таваҷҷуҳи хоса зоҳир гардида, ҷиҳати афзун намудани дастовардҳо дар ин ҷода тадбирҳои зарурӣ амалӣ карда мешавад.

Иттилоъ дода шуд, ки имсол кишоварзони вилоят дар беш аз 58 ҳазор гектар пахта кишт намуда, ният доранд, ки 130 ҳазор тонна пахта истеҳсол намоянд.

Бо истифода аз рӯзҳои офтобӣ ҷамъоварии пахта дар шаҳру ноҳияҳо идома дошта, ҳамарӯза 55-58 ҳазор саҳмдорону ҳашарчиён ба чиниши дурри сафед машғуланд ва то санаи 6 октябр  ба хирмани Ватан бештар аз 50 ҳазор тонна “тиллои сафед” рехта шуд.

Бо мақсади сари вақту беталаф ҷамъоварӣ намудани пахта зиёд намудани теъдоди чинакчиён мувофиқи мақсад арзёбӣ гардида, ҷалби шаҳрвандони бешуғл ба маъркаи пахтачинӣ зарур шуморида шуд.

Раиси вилоят ба масъулини соҳа дастур дод, ки бояд дастранҷи марди деҳқон пурра ҷамъоварӣ гардад ва барои ҳавасмандкунии чинакчиён ба ҳар килограм пахтаи чидашуда 70 дирам ҳақмузд дода шавад. Ҳамчунин супориш дода шуд, ки корхонаҳои коркарди пахта ҳар килограми пахтаро бо нархи 5,5 сомонӣ харидорӣ намоянд.

Хадамоти матбуоти
Раиси вилояти Суғд

 


Шарҳ додан


ШУМО ДАР: Навид Беш аз 50 000 тонна пахта ҷамъоварӣ карда шуд