Хабарҳо
Нишасти 174-умини маҳфили “Ганҷи сухан” дар Ҷамоати деҳоти Ворух сурат гирифт - 19.07.2019 12:55
Пешвои миллат Эмомалӣ Раҳмон дар сатҳи роҳбарикунандаи сохторҳои низомӣ ва ҳифзи ҳукуқу тартибот тағйироти кадрӣ ба амал оварданд - 19.07.2019 12:51
Суғд: Бо харҷи беш аз 10 млн. сомонӣ 42 иншооти варзишӣ сохта ба истифода дода шуд - 19.07.2019 11:27
Дар нимсолаи якуми соли ҷорӣ бунёду азнавсозии беш аз 90 иншооти соҳаи тандурустӣ ба итмом расонида шуд - 19.07.2019 11:04
Ҷалби 176,8 млн. доллар сармоягузориҳо ба иқтисодиёти вилояти Суғд - 19.07.2019 11:03
Донишгоҳи давлатии ҳуқуқ, бизнес ва сиёсати Тоҷикистон соҳиби шаҳодатномаи барномаи аккредитатсияи байналмилалӣ гардид - 19.07.2019 10:18
Ҷадвали нишастҳои матбуотӣ барои кормандони ВАО - 18.07.2019 14:53
Дар шаҳри Конибодом 11 майдончаи варзишӣ бунёд ва мавриди истифода қарор дода шуд - 18.07.2019 10:40
Дар нимсолаи якуми соли 2019 шумораи аъзои ҲХДТ дар вилоят 6834 нафар афзудааст - 18.07.2019 09:31
Таваҷҷуҳ ба рушди ҳунарҳои мардумӣ. Дар Суғд озмуни кулолгарӣ, чӯбтарошӣ ва сабадбофӣ гузаронида мешавад - 18.07.2019 08:53

Боздиди кории Раиси вилоят Раҷаббой Аҳмадзода аз водии Яғноб

( 0 Овоз )
  • Пешина
  • 1 of 8
  • Минбаъда

5 июли соли равон Раиси вилояти Суғд Раҷаббой Аҳмадзода бо мақсади шиносоӣ бо вазъи иқтисодиву иҷтимоии минтақаҳои дурдасти вилоят аз водии Яғноб боздид кард.

Бояд гуфт, ки водии Яғноб аз минтақаҳои таърихии Тоҷикистон ба шумор рафта, дар қисмати шарқии ноҳияи Айнӣ, дар мавзеи баландкуҳ ҷойгир шудааст. Яғноб як пораи таърихи зиндаи куҳанбунёди тоҷикон буда, аз ҷониби донишмандон ҳамчун падидаи нодири этникии ҷаҳон шинохта шудааст. Вобаста ба таърихи ин гўшаи диёри аҷдодиамон ҳанўз дар асри панҷуми қабл аз мелод муаррихони машҳури юнонӣ маълумот дода буданд.

То замони муҳоҷирати сокинонаш ба дигар минтақаҳои кишвар, Яғноб аз 32 деҳа иборат буда, наздик 3200 нафар аҳолӣ доштааст. Айни замон дар водӣ ҳудуди 500 нафар иқомат доранд. Шуғли асосии сокинони дараи Яғноб чорводорӣ ва зироаткорӣ буда, рушди иқтисодию иҷтимоии ин минтақаи дурдасти кишвар дар маркази таваҷҷуҳи давлату Ҳукумат қарор дорад.

Дар доираи боздиди кории худ Раиси вилоят аз хонаҳои истиқоматии чанде аз сокинон, аз ҷумла оилаи Муродовҳо боздид намуд. Ин оила аз он хушҳоланд, ки бо роҳбарии Пешвои миллат муҳтарам Эмомалӣ Раҳмон Ҷумҳурии Тоҷикистон ободу зебо мегардад ва дар мамлакат сулҳу субот ҳукмрон аст, мардум зери осмони соф зиндагии осуда доранд ва дар пешрафту шукуфоии Ватани худ ҳиссаи арзанда мегузоранд.

Сипас, Раиси вилоят дар саҳни филиали муассисаи таҳсилоти миёнаи умумии рақами 30-и водии Яғноб бо сокинон мулоқот кард. Зимни мулоқот Раҷаббой Аҳмадзода иброз дошт, ки бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ҷиҳати дар сатҳи баланд ҷашн гирифтани 30-солагии Истиқлолияти давлатии Ҷумҳурии Тоҷикистон дар вилояти Суғд 6500 иншооти гуногун сохта мешавад. Дар ин раванд дар ноҳияи Айнӣ низ сохтмони садҳо иншооти гуногун ба нақша гирифта шуда, корҳои сохтмонӣ дар аксари иншоотҳои ҷашнӣ идома доранд.

Раҷаббой Аҳмадзода ҳамзамон таъкид кард, ки мардуми Яғноб посдорандаи яке аз забонҳои қадимаи дунё – забони яғнобӣ-суғдӣ ҳастанд ва бо назардошти ин зарур аст, ки дар водии Яғноб як маркази омӯзиши забони суғдӣ ташкил карда шавад.

Инчунин бо мақсади беҳтар намудани шароити мавҷуда дар ин водӣ тибқи дастури роҳбари вилоят дар ояндаи наздик як маркази саломатӣ бо фарогарии шуъбаи таваллуд, ҷарроҳӣ, дандонпизишкӣ  сохта шуда, роҳҳои мошингард таъмир карда мешаванд.

Раиси вилоят ба масъалаи истифодаи имкониятҳои водии Яғноб аз ҷониби сокинон низ таваҷҷуҳ зоҳир намуда, зикр дошт, ки дар ин мавзеъ бояд ба рушди қутоспарварӣ, моҳипарварӣ ва боғдорӣ таваҷҷуҳи бештар равона гардад. Дар ин замина таъкид карда шуд, ки дар сурати пешниҳоди лоиҳаҳои судманд аз ҷониби сокинон Мақомоти иҷроияи ҳокимияти давлатии вилоят онҳоро ҳаматарафа дастгирӣ менамояд.

Дар ин рӯз ба аҳолии водии Яғноб кӯмакҳои моддии Раиси вилоят аз қабили орд, биринҷ ва равған дастрас карда шуд. Мардуми Яғнобдара аз сафари роҳбари вилоят хушҳолӣ намуда, ба Пешвои миллат муҳтарам Эмомалӣ Раҳмон миннатдории худро баён намуданд.

Хадамоти матбуоти
Раиси вилояти Суғд









Шарҳ додан


Защитный код
Нав кардан

ШУМО ДАР: Навид Боздиди кории Раиси вилоят Раҷаббой Аҳмадзода аз водии Яғноб