Хабарҳо
Маҷмааи истироҳатию фароғатии соҳили чапи дарёи Сир ба фаъолият оғоз кард - 25.06.2019 17:19
Оғози сохтмони бинои иловагии муассисаи таҳсилоти миёнаи умумии №5-и шаҳри Хуҷанд - 25.06.2019 16:40
Маросими ифтитоҳи навбати дуюми корхонаи «Норд Азия Металл» - 25.06.2019 07:41
Ифтитоҳи сехи истеҳсоли мағз ва бандубасти хушкмеваҳо дар Ҷамоати шаҳраки Навкати ноҳияи Спитамен ​ - 25.06.2019 08:14
Боздиди Раиси вилоят аз Кооперативи тиҷоратии “Фаридаи Тағояк” - 25.06.2019 09:53
Шиносоии Раиси вилоят бо рафти бунёди гармхонаи гидропоникӣ-инноватсионӣ дар ноҳияи Спитамен - 25.06.2019 09:56
Шиносоии Раиси вилоят бо ҷараёни сохтмони бинои муассисаи таҳсилоти миёнаи умумии рақами 12 дар ноҳияи Спитамен - 25.06.2019 13:42
Оғози мумфаршкунии роҳи Сарбанд – сарҳади Ҷумҳурии Ӯзбекистон - 25.06.2019 13:45
Баргузории ҷамъомади идона ба муносибати 22-юмин солгарди Рӯзи Ваҳдати миллӣ - 25.06.2019 15:17
Оғози сафари кории Пешвои миллат Эмомалӣ Раҳмон ба ноҳияи Лахш - 25.06.2019 15:26

Мулоқоти Раиси вилоят бо фаъолони Ҷамоати деҳоти Ворух

( 0 Овоз )
  • Пешина
  • 1 of 2
  • Минбаъда

Дар толори Муассисаи таҳсилоти миёнаи умумии № 53 – и Ҷамоати деҳоти Ворух мулоқоти Раиси вилояти Суғд Раҷаббой Аҳмадзода бо фаъолони ҷамоат баргузор гардид, ки дар он роҳбарони идораву сохторҳои вилоятӣ ва мақомоти ҳифзи ҳуқуқ, роҳбарияти шаҳри Исфара ва масъулини соҳаҳо ширкат варзиданд.

Раҷаббой Аҳмадзода дар мулоқот суханронӣ намуда, роҷеъ ба ҷараёни корҳои омодагӣ ва рафти бунёди иншооти ҷашнӣ ба ифтихори 30 – солагии Истиқлолияти давлатии Ҷумҳурии Тоҷикистон дар вилоят, аз ҷумла дар шаҳри Исфара ҳарф зад.

- Мулоқоти мо дар доираи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумиҳурии Тоҷикистон муҳтарам Эмомалӣ Раҳмон ва эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ» доир мегардад, - зикр дошт Раиси вилоят.

Чуноне дар Паёми навбатии Президенти мамлакат зикр гардидааст, мақсади асосӣ аз эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ» амалигардонии талошҳои Ҳукумати мамлакат ба хотири боз ҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаҳои маорифу тандурустӣ, таъсиси ҷойҳои корӣ, таъмин кардани аҳолии деҳот бо оби босифати ошомиданӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум дар ҳар як деҳа ва маҳалли аҳолинишин мебошад.

Раҷаббой Аҳмадзода вазъи иқтисодии шаҳри Исфара, аз ҷумла Ҷамоати деҳоти Ворухро таҳлил намуда, роҷеъ ба дастовардҳо ва камбудиҳои ҳаёти иқтисодиву иҷтимоии шаҳр андешаҳои худро баён дошт.

Зикр гардид, ки шаҳри Исфара потенсиали баланди саноатӣ ва кишоварзӣ дошта, имкониятҳои ҷойдошта пурсамар мавриди баҳрабардорӣ қарор намегиранд. Чунончӣ, давоми соли гузашта 13 корхонаи саноатии шаҳр умуман фаъолият накардааст, ки боиси нигаронист.

Раиси вилоят бобати беҳтар намудани фаъолияти истеҳсолии коргоҳҳо, ташкили корхонаҳои басту банди мева, коркарди маҳсулоти ширӣ, таъсиси коргоҳҳои маишӣ - хизматрасонӣ, ифтитоҳи тарабхонаву ошхонаҳои миллӣ масъулинро вазифадор намуд.

Зикр гардид, ки бо мақсади дастгирии соҳибкорон дар кишвар “300 рӯзи ислоҳот оид ба дастгирии соҳибкорӣ ва беҳтар намудани фазои сармоягузорӣ” амалӣ мегардад ва соҳибкорони маҳаллӣ аз ҳар ҷиҳат дастгирӣ хоҳанд ёфт.

Раҷаббой Аҳмадзода ҳамзамон ба роҳбарияти шаҳр бобати самаранок истифода бурдани замин, ба гардиши кишоварзӣ ворид намудани заминҳои бекорхобида ва азхудкунии заминҳои нав, баланд бардоштани ҳосилнокии зироатҳо ва рушди соҳаи тухмипарварӣ ва афзун намудани ҳаҷми содироти маҳсулоти кишоварзӣ дастуру супоришҳои мушаххас дод.

Хадамоти матбуоти
Раиси вилояти Суғд



Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо фаъолони Ҷамоати деҳоти Ворух