Хабарҳо
Наврӯз ва ифротгароӣ - 23.03.2019 22:50
Наврӯз - 23.03.2019 22:46
Наврӯз - ҷашни миллӣ ва мероси таърихӣ - 23.03.2019 22:39
Наврӯз - ҷашни миллӣ ва мероси таърихӣ - 23.03.2019 22:39
Наврӯз - ҷашни миллӣ ва мероси таърихӣ - 23.03.2019 22:39
Наврӯз - ҷашни миллӣ ва мероси таърихӣ - 23.03.2019 22:39
Иштироки Пешвои миллат Эмомалӣ Раҳмон дар тантанаҳои ҷашни Наврӯзи ҷаҳонӣ дар “Наврӯзгоҳ”-и шаҳри Душанбе - 23.03.2019 10:01
Таҷлили Иди байналмилалии Наврӯз дар вилояти Суғд /АКСҲО/ - 21.03.2019 15:56
Иштироки Пешвои миллат Эмомалӣ Раҳмон дар «Корвони шодиёнаи наврӯзӣ» дар шаҳри Душанбе - 21.03.2019 14:32
Таҷлили Иди байналмилалии Наврӯз дар вилояти Суғд - 21.03.2019 13:29

Дар Панҷакент сохтмони бинои нави муассисаи таҳсилоти миёнаи умумии рақами 47 оғоз ёфт

( 0 Овоз )
  • Пешина
  • 1 of 4
  • Минбаъда

9 январи соли 2019 Раиси вилояти Суғд Раҷаббой Аҳмадзода дар доираи сафари кории худ ба шаҳри Панҷакент ба бунёди бинои нави муассисаи таҳсилоти миёнаи умумии рақами 47 санги асос гузошт.

Дар маросими оғози корҳои сохтмонӣ ва зимни суҳбат бо устодони муассисаи таълимӣ ва кормандони соҳаи маорифи шаҳр Раиси вилоят Раҷаббой Аҳмадзода бо ёдоварӣ аз Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар таъкид дошт, ки дар мамлакат ба соҳаҳои илму маориф эътибори махсус дода мешавад. Рушди соҳаҳои илму маориф омили асосии пешрафти ҳар давлат маҳсуб меёбад ва бо назардошти ин нуктаи муҳим роҳбарияти вилоят ҷиҳати баланд бардоштани сатҳу сифати дониши хонандагон тадбирҳои заруриро амалӣ менамояд. Таъкид гардид, ки ба истиқболи 30-солагии Истиқлолияти давлатии Ҷумҳурии Тоҷикистон дар саросари вилоят беш аз 6000 иншооти гуногун, аз ҷумла даҳҳо иншооти соҳаи маориф низ бунёд мегардад, ки ба рушди соҳа ва беҳтар шудани шароити таълиму тарбия мусоидат хоҳад кард.

Бинои нави муассисаи таҳсилоти миёнаи умумии рақами 47 бо 640 ҷойи нишаст сохта мешавад ва фармоишгари иншоот Корхонаи муштараки “Зарафшон” буда, пудратчӣ ҶДММ “ПМК 278” мебошад.

Тибқи лоиҳа бинои нави таълимӣ аз се ошёна иборат буда, дорои ошхона, маҷлисгоҳ ва утоқҳои ёрирасон мебошад.

Дар ин рӯз Раиси вилоят ҳамзамон бо ҷараёни корҳои сохтмонии бинои муассисаи таҳсилоти миёнаи умумии рақами 72 аз наздик шинос гардида, ҷиҳати тақвияти корҳо ба масъулин супоришҳо дод. Тавре мушоҳида гардид, сохтмони бинои нав дар ин муассисаи таълимӣ тибқи нақша идома дорад.

Ёдовар бояд шуд, ки бинои нави мактаби рақами 72 низ барои 640 ҷойи нишаст пешбинӣ шудааст.

Хадамоти матбуоти
Раиси вилояти Суғд






Шарҳ додан


Защитный код
Нав кардан

ШУМО ДАР: Навид Дар Панҷакент сохтмони бинои нави муассисаи таҳсилоти миёнаи умумии рақами 47 оғоз ёфт