Хабарҳо
Фармонҳои Президенти Ҷумҳурии Тоҷикистон - 18.09.2018 14:33
Таъиноти кадрӣ - 18.09.2018 14:27
Сокинони Хуҷандшаҳр 23 сентябр Рӯзи шаҳрро таҷлил менамоянд - 18.09.2018 10:02
Баргузории Фестивал-озмуни «Атласу адраси Суғд-2018» дар ноҳияи Спитамен - 18.09.2018 10:01
Нишасти навбатии маҳфили илмиву адабии Ганҷи сухан ба «Рӯзи Рӯдакӣ» ва «Рӯзи забони тоҷикӣ» бахшида шуд - 18.09.2018 09:59
Суғд: Дар 8 моҳи соли равон 57 корхонаи нави саноатӣ бо 812 ҷойи корӣ таъсис дода шуд - 18.09.2018 09:57
«Хуҷанд» ба даври ½- ниҳоии Ҷоми Тоҷикистон баромад - 17.09.2018 13:03
Лоиҳаи «Рушди нақлиёти ҷамъиятии шаҳри Хуҷанд» пурра татбиқ шуд ва шумораи умумии автобусҳо ба 100 адад расид - 17.09.2018 10:20
Ходимони дин ва намозгузорони шаҳри Бӯстон дар мумфаршкунии роҳҳо саҳм мегузоранд - 17.09.2018 09:55
Кормандони мақомоти иҷроияи ҳокимияти давлатии вилоят дар чиниши пахта ба кишоварзон кӯмак расониданд - 17.09.2018 09:50

Мулоқоти Раиси вилоят бо кормандони соҳаи фарҳанги вилоят

( 0 Овоз )
  • Пешина
  • 1 of 8
  • Минбаъда

Видео :Мулоқоти Раиси вилоят бо кормандони соҳаи фарҳанги вилоят 13 сентябри соли равон дар толори Кохи Рӯдакии шаҳри Хуҷанд мулоқоти Раиси вилояти Суғд Раҷаббой Аҳмадзода бо кормандони соҳаи фарҳанги вилоят баргузор гашт.

Дар мулоқот роҳбарони шуъбаву раёсатҳои мақомоти иҷроияи ҳокимияти давлатии вилоят, муовинони раисони шаҳру навоҳӣ, ректорони муассисаҳои олӣ ва миёнаи касбии маркази вилоят, мудирони бахши фарҳанги шаҳру ноҳияҳо, аҳли фарҳанг ва илму адаб ширкат варзиданд.

Дар оғози мулоқот Раиси вилоят зикр дошт, ки вохӯрии мазкур дар партави дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардида, ҳадаф баррасии ҳолати кунунии соҳаи фарҳанги вилоят ва таҳлилу бартарафсозии мушкилоту муаммоҳои ҷойдошта дар ин самт ба ҳисоб меравад.

Сипас, муовини Раиси вилоят Назира Ғаффорӣ доир ба вазъи имрӯзаи соҳаи фарҳанг маълумот дод. Зикр карда шуд, ки фарҳанг ҳастии миллат ба ҳисоб рафтаву бо шарофати соҳибистиқлолии мамлакат ва талошу заҳматҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвар ба рушду инкишофи ин соҳа таваҷҷуҳи хоса равона карда мешавад. Маҳз дастгириҳои Сарвари давлат буд, ки фарҳангу тамаддуни оламшумули халқи тоҷик дубора эҳё ва ба ҷаҳониён муаррифӣ гардид. Фарҳангчиёни вилоят низ дар ин радиф баҳри ҳифзу нигаҳдорӣ ва рушду тараққиёти соҳа кӯшиш ба харҷ медиҳанд. Бо дастгирии роҳбарияти вилоят дар вилоят сол аз сол шароити кории аҳли фарҳанг беҳтар гардида, силсилаи озмуну фестивалҳо ташкил ва баргузор карда мешавад. Чунончӣ, давоми чанд соли охир дар аксар шаҳру навоҳии вилоят қасрҳои муҳташами фарҳангӣ бунёд ва дигар иншооти муассисаҳои соҳа таъмиру таҷдид гардид. Танҳо соли ҷорӣ бо иштироки бевоситаи Пешвои миллат муҳтарам Эмомалӣ Раҳмон дар ноҳияи Шаҳристон қасри фарҳанг  ва дар шаҳри Истаравшан амфитеатр бунёд ва мавриди баҳрабардорӣ қарор гирифт. Аҳли фарҳанги вилоят барои дар сатҳи баланд доир намудани чорабиниҳои мухталиф ва санаҳои муқаддасу таърихӣ заҳмат мекашанд.

Иттилоъ дода шуд, ки имрӯзҳо дар қаламрави вилоят 355 китобхона, 135 муассисаи клубӣ, 7 клуби сайёр, 94 қаср, кох ва хонаи фарҳанг, 16 осорхонаи шаҳриву ноҳиявӣ, 6 хона-музей, 2 маҷмааи фарҳангӣ, 1 маркази фарҳангӣ - фароғатӣ, 20 боғи фарҳангӣ - фароғатӣ, 5 театри халқӣ, 7 театри касбӣ, 4 ансамбли тарона ва рақс, 2 филармонияи халқӣ, 29 мактаби бачагонаи санъат, мусиқӣ ва рассмоӣ, 11 ансамбли шашмақом, 1 гуруҳи ҳаҷвӣ, 5 ансамбли фолкорӣ - этнографӣ, 2 ансамбли фалак, 1 ансамбли доиранавозон, 1 ансамбли карнайнавозон амал менамояд, ки дар онҳо 3296 нафар кору фаъолият мебаранд. Дар ҳудуди вилоят 1190 ёдгориҳои таърихӣ ба қайд гирифта шудааст.

Дар ҷараёни мулоқот Раиси вилоят ҳар як самти соҳаи фарҳангро ба риштаи таҳлил кашида, ҷиҳати ислоҳи камбудиҳои ҷойдошта ба масъулин дастуру супоришҳои мушахаас дод. Таъкид гардид, ки сол аз сол маблағгузорӣ ба соҳа афзун мегардад. Масалан, агар соли 2017 ба соҳаи фарҳанги вилоят 125 миллион сомонӣ ҷудо гашта бошад, пас ин рақам дар соли 2018 зиёда аз 133 миллион сомониро ташкил медиҳад.

Раҷаббой Аҳмадзода аз фаъолияти кунунии театрҳои касбии вилоят изҳори нигаронӣ намуда, ҷиҳати ҷонноксозии кори онҳо ва таҳияву пешкаш кардани намоишномаҳои баландмазмун масъулинро муваззаф сохт. Ҳамзамон  ташкили ансамблҳои рақсӣ дар шаҳру навоҳии Истаравшан, Конибодом, Куҳистони Мастчоҳ ва Айнӣ муҳим арзёбӣ гардида, ҷоннок намудани фаъолияти 14 ансамблҳои мавҷуда ва ҷалби ҳарчӣ бештари ҷавонону наврасон ба санъат ба манфиати кор дониста шуд.

Инчунин фаъолияти муназзами китобхонаҳо дар тамоми қаламрави вилоят, беҳсозии ҳолати воқеъии онҳо, ташкил ва баргузории озмунҳои мухталифи китобхонӣ боиси боз ҳам ҷалб гаштани ҷавонону наврасон ба китобдориву китобхонӣ хоҳад буд.

Пасон чанд тан аз аҳли илму фарҳанг баромад намудаву арзи сипосу миннатдории хешро ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баён доштанд. Аз ҷониби баромадкунандагон бобати бунёди муҷассами Садриддин Айнӣ дар шаҳри Хуҷанд, таъсиси мактаб - интернати санъат дар маркази вилоят, гузаронидани озмунҳои сарояндагиву навозандагӣ дар мактабҳо, тарғиби асбобоҳои миллӣ тариқи ВАО, ифтитоҳи силсиламағозаҳои фурӯши китоб, ташкил ва баргузории фестивали шашмақомхонӣ ва ғайра таклифу пешниҳодҳо баён гардид.

Дар суханронии худ Раиси вилоят Раҷаббой Аҳмадзода таъкид дошт, ки фарҳанг муаррифгари давлату миллат ба ҳисоб меравад ва дар вилояти Суғд низ ба рушди соҳаи фарҳанг таваҷҷуҳи махсус равона мегардад. Маблағгузории соҳа сол ба сол зиёд ва муассисаҳои фарҳангӣ мунтазам таъмиру навсозӣ карда мешавад. Аз ҷумла, то таҷлили ҷашни 30-солагии Истиқлолияти давлатии Ҷумҳурии Тоҷикистон таъмиру таҷдиди 139 муассиса ва бунёди 20 иншооти соҳа ба нақша гирифта шудааст.

Дар идомаи суханронӣ Раиси вилоят масъулини соҳаро ҷиҳати бартараф намудани камбудиҳои ҷойдошта ва тақвияти фаъолияти ансамблҳои рақсӣ, ҷонноксозии кори театрҳои касбӣ ва клубу хонаҳои фарҳанг дар маҳалҳо, назорати қатъии муҳтавои сурудҳои эстрадӣ, ташкили маҳфилҳои шеърхонӣ, озмуни китобдориву китобхонӣ ва ғайра муваззаф намуд.

Хадамоти матбуоти
Раиси вилояти Суғд









Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо кормандони соҳаи фарҳанги вилоят