Хабарҳо
Занону духтарон роҳбариро меомӯзанд - 16.08.2018 09:04
АЁМИДДИН САТТОРОВ дар бораи хиёнаткориҳои ҲНИ (Видео) - 15.08.2018 17:35
Таҷлили Рӯзи кормандони соҳаи тиб /АКСҲО/ - 15.08.2018 15:18
Раҷаббой Аҳмадзода: То ҷашни 30-солагии Истиқлолияти давлатии Ҷумҳурии Тоҷикистон беш аз 260 иншооти соҳаи тандурустӣ бунёд ва навсозӣ карда мешавад - 15.08.2018 13:45
Тавзеҳот ба Фармони Президенти Ҷумҳурии Тоҷикистон - 15.08.2018 09:58
Имсол Донишгоҳи давлатии ҳуқуқ, бизнес ва сиёсати Тоҷикистонро 50 нафар бо дипломи аъло хатм намуданд - 15.08.2018 08:53
НОМА БА МУХИДДИН КАБИРИ – “КОВАИ ТОЧИКИ” - 14.08.2018 22:47
21 август дар Тоҷикистон Иди саиди Қурбон таҷлил мегардад - 14.08.2018 16:18
Ифтитоҳи Муассисаи давлатии беморхонаи клиникии шаҳрии касалиҳои пӯст дар шаҳри Душанбе - 14.08.2018 15:50
Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия - 14.08.2018 15:48

Иштироки Раҷаббой Аҳмадзода дар маъракаи ниҳолшинонӣ

( 4 Овоз )

Рӯзи якшанбеи 11 феврал иҷрокунандаи вазифаи Раиси вилоят Раҷаббой Аҳмадзода бо мақсади иштирок дар маъракаи ниҳолшинонӣ ва ҳашарҳои дастаҷамъӣ ба як қатор шаҳру ноҳияҳои вилоят сафари корӣ анҷом дод.

Маврид ба зикр аст, ки бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамаи шаҳру ноҳияҳои вилоят маъракаи ниҳолшинонӣ ва ободу сарсабз гардонидани маҳал оғоз гардида, сокинони касбу кори гуногун якҷо бо роҳбарияти шаҳру ноҳияҳо дар корҳои бунёдкорӣ саҳми арзанда мегузоранд. Дар ин рӯз иҷрокунандаи вазифаи Раиси вилоят Раҷаббой Аҳмадзода бо рафти корҳои бунёдкорӣ дар шаҳрҳои Хуҷанд, Гулистон, Бӯстон ва ноҳияҳои Бобоҷон Ғафуров, Ҷаббор Расулов ва Спитамен шинос гардида, дар ҳашарҳои дастаҷамъӣ иштирок намуд.

Роҳбари вилоят зимни шиносоӣ бо ҷараёни корҳои ободониву созандагии ҳудуди муассисаҳои варзишии шаҳри Хуҷанд ба маъракаи ниҳолшинонӣ ҳусни оғоз бахшид. Бо иштироки роҳбари вилоят ва сокинон дар назди Маҷмааи ҳавзҳои шиноварӣ, варзишгоҳи “20-солагии Истиқлолияти Тоҷикистон” ва Қасри варзиши шаҳри Хуҷанд ҳазорҳо бех дарахтони ҳамешасабзу ороишӣ шинонида шуд.

Дар суҳбат бо сокинон иҷрокунандаи вазифаи Раиси вилоят Раҷаббой Аҳмадзода онҳоро ба корҳои созандагиву ободонӣ, тоза нигоҳ доштани муҳити зист ва саҳм гузоштан дар пешрафти соҳаҳои мухталиф ҳидоят намуд. Роҳбари вилоят ҳамзамон ба раиси шаҳри Хуҷанд ва роҳбарони дигар сохторҳои марбута супориш дод, ки кучаҳои марказии шаҳр ва хиёбонҳои ба номи Рифъат Ҳоҷиев, Раҳим Ҷалил ва дигар мавзеъҳои ҳудуди шаҳри Хуҷанд бо ороиши муосир гулпӯш карда шуда, ниҳолҳои ҳамешсабзу орошӣ шинонида шавад.

Дастур дода шуд, ки ба ободонии атроф ва ҳудуди варзишгоҳи “20-солагии Истиқлолияти Тоҷикистон” таваҷҷуҳи махсус дода шуда, панҷараҳои атрофи он рангу бор, нишастгоҳҳо таъмир ва дигар шароити зарурӣ фароҳам оварда шаванд.

Иҷрокунандаи вазифаи Раиси вилоят Раҷаббой Аҳмадзода сипас ба ноҳияи Бобоҷон Ғафуров омада, дар маросими ниҳолшинонии сокинон иштирок намуд. Дар шафати роҳҳои мошингарди ҳудуди Ҷамоати деҳоти ба номи Дадобой Холматов беш аз 500 бех ниҳолҳои ҳамешасабз шинонида шуд. Роҳбари вилоят дар ин маъракаи ниҳолшинонӣ иштирок намуда, зимни суҳбат бо сокинон изҳор дошт, ки халқи тоҷик аз азал мардуми созандаву бунёдкор аст ва маъмулан пас аз ҷашни Сада чунин амалҳои наҷибро, аз қабили ниҳолшинониву тоза нигоҳ доштани муҳити зист ба иҷро мерасонад. Раҷаббой Аҳмадзода масъулини мақомоти иҷроияи ҳокимияти давлатии ноҳияи Бобоҷон Ғафуровро вазифадор намуд, ки дар доираи корҳои ободонӣ дар шоҳроҳи Хуҷанд - Ғафуров гулҳои садбарг шинонанд ва ба ободонии он аҳмияти бештар дода шавад. Тавсия дода шуд, ки аз ин ба баъд чунин ҳашарҳои дастаҷамъӣ мунтазам роҳандозӣ гардида, тамоми гушаҳои ноҳия ба ободонӣ фаро гирифта шаванд.

Худи ҳамин рӯз аз гардишгоҳи Муассисаи давлатии “Боғи миллии Ваҳдат” то даромадгоҳи шаҳри Гулистон низ беш аз 500 бех ниҳолҳои ороишиву ҳамешасабз шинонида шуд. Роҳбари вилоят дар ин мавзеъ бо сокинон ва масъулин суҳбат анҷом дода, таъкид намуд, ки бо назардошти “Соли рушди сайёҳӣ ва ҳунарҳои мардумӣ” эълон шудани соли 2018 бояд дар шаҳри Гулистон ба корҳои ободониву сабзкорӣ диққати бештар дода шавад. Ба таъкиди роҳбари вилоят Гулистон дар рушди соҳаи сайёҳӣ саҳми арзанда мегузорад ва аз ин хотир он бояд тозаву назаррабо ва сабзу хуррам нигоҳ дошта шавад.

Зимни шиносоӣ бо ҷараёни ниҳолшинонӣ ва шинонидани ниҳол дар шаҳри Бӯстон иҷрокунандаи вазифаи Раиси вилоят Раҷаббой Аҳмадзода таваҷҷуҳи роҳбарияти шаҳрро ба корҳои ободонӣ ҷалб намуд. Ба тартиб даровардани кучаҳои марказӣ, рангубор намудани биноҳои баландошёна, шинонидани ниҳолҳои ҳамешасабз, ба таври хоса гулпӯш намудани кучаву хиёбонҳо аз масъалаҳое буданд, ки иҷрои он ба уҳдаи роҳбарияти шаҳр ва дигар сохторҳои дахлдор гузошта шуд.

Таваҷҷуҳи роҳбари вилоят ба ҳолати боғу токзорҳои ҳудуди заминҳои минтақаи Рухак бештар ҷалб гардид. Аз ин боғу токзор дар замони гузашта маҳсулоти хушсифат ва меваҳои шаҳдбор гирифта мешуд ва муддати бистсолаҳост, ки бо сабаи набудани об полезӣ ба як гӯшаи нообод табдил ёфтааст. Раҷаббой Аҳмадзода масъулинро вазифадор намуд, ки барои дубора барқарор намудани шуҳрати пешини ин токзорҳо чораҳои заруриро амалӣ намоянд.

Иҷрокунандаи вазифаи Раиси вилоят ҳамчунин ба ноҳияҳои Ҷаббор Расулову Спитамен ташриф оварда, дар маъракаи ниҳолшинонӣ иштирок намуд. Зимни сафар ба ноҳияи Ҷаббор Расулов роҳбари вилоят бо рафти сохтмони бинои шуъбаи маорифи ноҳия шинос шуд. Тавре ки иттилоъ дода шуд, бинои сохташаванда аз се ошёна иборат буда, барои анҷоми корҳо 2 милиону 700 ҳазор сомонӣ маблағ пешбинӣ шудааст. Раҷаббой Аҳмадзода ҳамчунин бо лоиҳаи таҷдиди варзишгоҳи «Ҷавонӣ», нақшаи генералии шаҳраки Меҳробод ва таҷдиду чароғонкунии шоҳроҳи Ғулакандоз-Меҳрободи ноҳияи Ҷаббор Расулов аз наздик ошно гардида, барои амалӣ шудани он дастуру маслиҳатҳои муфид дод.

Хотирнишон бояд кард, ки дар ин руз дар маҷмӯъ беш аз 30 ҳазор нафар сокинони касбу кори гуноун ба ҳашар баромада, барои ободии муҳити атроф саҳми муносиб гузоштанд.

Хадамоти матбуоти
Раиси вилояти Суғд

ШУМО ДАР: Мулоқотҳо Иштироки Раҷаббой Аҳмадзода дар маъракаи ниҳолшинонӣ