Хабарҳо
Фармони Президенти Ҷумҳурии Тоҷикистон дар бораи даъват намудани ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон даъвати шашум - 30.03.2020 13:32
Боздиди кории Раиси вилоят Раҷаббой Аҳмадзода аз ноҳияи Мастчоҳ - 30.03.2020 14:22
Ҷаласаи якҷояи мақомоти намояндагии вилоят ва шаҳру ноҳияҳои вилояти Суғд баргузор гардид - 27.03.2020 20:17
Иштироки Пешвои миллат Эмомалӣ Раҳмон дар фестивали «Атлас ва адраси тоҷик-2020» дар Қасри Арбоб - 26.03.2020 12:43
Пешвои миллат Эмомалӣ Раҳмон дар бунёди боғи суперинтенсивӣ дар ноҳияи Бобоҷон Ғафуров иштирок намуданд - 26.03.2020 10:33
Сарвари давлат Эмомалӣ Раҳмон ба фаъолияти гармхонаи замонавӣ дар ноҳияи Бобоҷон Ғафуров оғози расмӣ бахшиданд - 26.03.2020 10:32
Президенти мамлакат Эмомалӣ Раҳмон дар фестивали «Сайри гули лола» дар шаҳри Хуҷанд иштирок намуданд - 26.03.2020 10:30
Пешвои миллат Эмомалӣ Раҳмон Боғи Абӯмаҳмуди Хуҷандиро дар шаҳри Хуҷанд мавриди баҳрабардорӣ қарор доданд - 26.03.2020 10:24
Президенти мамлакат Эмомалӣ Раҳмон бо роҳбарону фаъолони вилояти Суғд машварати корӣ доир намуданд - 25.03.2020 20:19
Иштироки Сарвари давлат Эмомалӣ Раҳмон дар бунёди боғи интенсивии кооперативи истеҳсолии “Самир-Суғд” дар ноҳияи Бобоҷон Ғафуров - 25.03.2020 12:47

Дар иҷлосияи бистуми Маҷлиси миллии Маҷлиси Олӣ 20 масъала баррасӣ гардид

( 0 Овоз )

Дар иҷлосияи  бистуми Маҷлиси миллии Маҷлиси Олии Ҷумҳурии Тоҷикистон, даъвати панҷум, ки имрӯз дар шаҳри Душанбе  доир шуд, 20 масъала баррасӣ гардид.

Тавре мухбири АМИТ «Ховар» иттилоъ медиҳад, лоиҳаи қонунҳои Ҷумҳурии Тоҷикистон  «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон», «Дар бораи санадҳои меъёриву ҳуқуқӣ» ва «Дар бораи таъмини оби нӯшокӣ ва рафъи обҳои партов» аз ҷумлаи масъалаҳое буданд, ки аъзои Маҷлиси миллӣ баррасӣ ва ҷонибдорӣ намуданд.

Муовини раиси Кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният Қаноатшо Лоиқзода масъалаи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистонро шарҳ дода, гуфт: «Мақсад аз ин иқдом мутобиқгардонии меъёрҳои Кодекси мазкур бо Кодекси тандурустии Ҷумҳурии Тоҷикистон ва як зумра қонунҳои соҳавӣ мебошад».

Зикр гардид, ки бо назардошти субъектони ҷавобгарии маъмурӣ санксияи як қатор моддаҳои Кодекс, ки ҷавобгариро барои ҳуқуқвайронкунии маъмурӣ вобаста ба ҳифзи саломатӣ, вазъи санитарию этидемологии аҳолӣ ва ахлоқи ҷомеа, аз ҷумла, ба фурӯш баровардани маҳсулоти бесифати хӯрокворӣ, ҷалби ноболиғон ба истеъмоли маҳсулоти тамоку, машрубот ва моддаҳои мадҳушкунанда муқаррар менамоянд, такмил дода шудаанд.

Қаноатшо Лоиқзода шарҳ дод, ки дар ин замина нисбат ба шахсони воқеиву ҳуқуқӣ ва мансабдор, яъне  соҳибкороне, ки дар асоси патент ва ё шаҳодатнома фаъолят менамоянд, дар сурати такроран содир намудани ҳуқуқвайронкунӣ ҷазо дар намуди ҷарима муқаррар карда шудааст.

Иттилоъ дода шуд, ки моддаи 117 дар таҳрири нав ифода карда шуда, барои риоя накардани талаботи санитариву эпидемологӣ дар корхонаҳои хӯроки умумӣ ҷазо муқаррар карда шудааст. Бо илова ба моддаи 121 эзоҳ пешбинӣ гардидааст, ки тибқи он маводи доруворӣ ва молҳои тиббӣ, ки ба  ҳудуди Ҷумҳурии Тоҷикистон ғайриқонунӣ ворид гардида, ба стандартҳои муқарраргардида ҷавобгӯ мебошанд, танҳо бо қарори суд мавриди истифода қарор дода мешаванд.

«Лоиҳа ба Конститутсияи Ҷумҳурии Тоҷикистон ва дигар санадҳои меъёриву ҳуқуқии байналмилалии эътирофнамудаи Тоҷикистон мутобиқ буда, барои таъмини амнияти беҳдошти санитарию  эпидемологӣ, сифатнокии маҳсулоти хӯрокворӣ ва маводи фарматсевтиву доруворӣ, инчунин пешгирии бемориҳои сироятӣ мусоидат менамояд», — илова намуд муовини раиси Кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният.


ШУМО ДАР: Мулоқотҳо Дар иҷлосияи бистуми Маҷлиси миллии Маҷлиси Олӣ 20 масъала баррасӣ гардид