Хабарҳо
Мумфаршкунии роҳи кӯчаи Сирдарёи шаҳри Хуҷанд оғоз ёфт - 25.05.2018 14:19
«Хуҷанд» дар майдони худ «Истиқлол»-ро бо ҳисоби 4 – 3 шикаст дод - 25.05.2018 10:01
Гулистон. Ба мутахассисони ҷавон замини наздиҳавлигӣ тақсим шуд - 25.05.2018 09:41
Мулоқоти Раиси вилоят бо устодон ва донишҷӯёни МДТ Коллеҷи тиббӣ - 24.05.2018 18:58
Дар Ҷамоати деҳоти Унҷии ноҳияи Бобоҷон Ғафуров макони истироҳативу фароғатӣ бунёд мешавад - 24.05.2018 12:04
Фармони Президенти Ҷумҳурии Тоҷикистон дар бораи озод намудани судяҳо - 24.05.2018 11:38
Раиси вилоят ба муносибати Рӯзи ҷавонон чанде аз ҷавонони маъюбро аёдат намуд - 24.05.2018 11:17
Таҷлили Рӯзи ҷавонон дар Суғд/АКСҲО/ - 24.05.2018 09:23
РАҶАББОЙ АҲМАДЗОДА: Ҷавонони соҳибназару ватандӯст барои таҳкими нуфуз ва эътибори Ватани маҳбубамон саҳми босазои хешро мегузоранд - 24.05.2018 08:44
Хуҷанд: Аёдати ҷавонони маъюбу камбизоат дар Рӯзи ҷавонон - 23.05.2018 16:58

Муовини Раиси вилоят

( 271 Овоз )
Ғаффорӣ Назира Абдуллозода

Ғаффорӣ Назира Абдуллозода

Муовини Раиси вилоят

Иттилоот барои робита:
735700 Хуҷанд, хиёбони Р.Набиев, 45.
Тел: (3422) 4-66-44

Назира Ғаффорӣ 24-уми марти соли 1961 дар деҳаи Хистеварзи ноҳияи Бобоҷон Ғафуров дар оилаи зиёӣ таваллуд шудааст. Соли 1977 мактаби миёнаи №53 шаҳри Душанбе ва соли 1982 факултаи ҳуқуқшиносии Донишгоҳи давлатии Тоҷикистон (ҳозира Донишгоҳи миллии Тоҷикистон)-ро бо дипломи аъло хатм намудааст. Солҳои 1982-1992 ба ҳайси ассистент ва аспиранти кафедраи ҳуқуқи ҷиноятӣ ва криминалистикаи ҳамин Донишгоҳ кор ва таҳсил намудааст. Соли 1994 соҳиби унвони илмии номзади илмҳои ҳуқуқшиносӣ гардид. Солҳои 1992-1997 дар маслиҳатхонаи ҳуқуқии  шаҳри Бӯстон (собиқ Чкалов) ба ҳайси адвокат адои вазифа намуд.

Солҳои 1997-2001 дар вазифаи мудири кафедраи ҳуқуқи ҷиноятӣ ва граҷдании факултаи ҳуқуқшиносии Донишгоҳи давлатии Хуҷанд ба номи академик Бобоҷон Ғафуров ва солҳои 2001-2007 дар Донишгоҳи давлатии ҳуқуқ, бизнес ва сиёсати Тоҷикистон ба ҳайси дотсент, мудири кафедраи ҳуқуқи конститутсионӣ, мудири кафедраи ҳуқуқи ҷиноятӣ ва криминалистика, декани факултаи ҳуқуқшиносӣ фаъолият дошт.

Аз моҳи феврали соли 2007 то январи соли 2008 вазифаи раиси кумитаи кор бо занон ва оилаи мақомоти иҷроияи ҳокимияти давлатии вилояти Суғдро бар ӯҳда дошт. 26 январи соли 2008 ба вазифаи ректори Донишкадаи такмили ихтисоси хизматчиёни давлатии Ҷумҳурии Тоҷикистон таъин гардида, то 10 марти соли 2010 дар ин вазифа фаъолият намуд.

Солҳои 2010-2015 аз ҳавзаи интихоботии Бобоҷон Ғафуров, №14 вакили Маҷлиси намояндагони Маҷлиси Олии Ҷумҳурии Тоҷикистон  ва дар ҷаласаи нахустини иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати чорум муовини Раиси Маҷлиси намояндагони Маҷлиси Олии Ҷумҳурии Тоҷикистон интихоб гардид.

1 марти соли 2015 вакили Маҷлиси вакилони халқи вилояти Суғд, даъвати панҷум аз ҳавзаи интихоботии Домулло Азизов, №64 интихоб гардид.

Муаллифи 23 қонунҳои Ҷумҳурии Тоҷикистон, ҳамчунин беш аз 50 дастурҳои таълимию методӣ ва мақолаҳои илмӣ мебошад.

Савияи дониши худро дар Академияи хизмати давлатии назди Президенти Федератсияи Россия, Академияи идоракунии давлатии назди Президенти Ҷумҳурии Қазоқистон баланд кардааст.

Назира Ғаффорӣ Аълочии маорифи Ҷумҳурии Тоҷикистон (с.2001), Аълочии тандурустии Ҷумҳурии Тоҷикистон (с.2017) мебошад ва бо Ифтихорномаи Кумитаи кор бо занон ва оилаи назди Ҳукумати Ҷумҳурии Тоҷикистон (с.2008), Ифтихорнома ва сипосномаи Раёсати хизмати давлатии назди Президенти Ҷумҳурии Тоҷикистон (с.2009,2010), медали ҷашнии «20 - солагии Истиқлолияти давлатии Ҷумҳурии Тоҷикистон (с.2011), медали тиллоии «20-солагии Ассамблеяи Байнипарламентии Иттиҳоди Давлатҳои Мустақил» (с.2012), медали ҷашнии «90-солагии адлияи Тоҷикистон» (с.2014), медали ҷашнии «10-солагии  Гурӯҳи АврОсиё оид ба  мубориза бо софкории даромадҳои бо роҳи ҷиноят бадастомада ва маблағгузории терроризм (ЕАГ)» (с.2014), Ифтихорномаи Маҷлиси намояндагони Маҷлиси Олии Ҷумҳурии Тоҷикистон (с.2015), медали «Ассамблеяи байнипарламентии Иттиҳоди Давлатҳои Мустақил. 25 сол», (с.2017) сарфароз гардидааст.

Оиладор, соҳиби чор фарзанд мебошад.

27 феврали соли 2015 муовини Раиси вилояти Суғд таъин гардидааст.

Шарҳ додан


Защитный код
Нав кардан

ШУМО ДАР: ИДОРАИ ДАВЛАТӢ Муовинони Раиси вилоят Муовини Раиси вилоят