Хабарҳо
Баргузории ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли 2018 - 17.10.2018 16:27
Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд - 17.10.2018 09:33
Дар ноҳияи Ашт беш аз 35 километр роҳҳои маҳаллӣ таъмир карда шуд - 17.10.2018 09:20
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51
Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест» - 16.10.2018 22:33
Ифтитоҳи бинои таълимӣ дар қисми низомии 02267-и Вазорати мудофиаи Ҷумҳурии Тоҷикистон - 16.10.2018 16:07
Ҳаҷми истеҳсоли маҳсулоти саноатӣ дар Хуҷанд ба 844,1 млн. сомонӣ баробар шуд - 16.10.2018 14:58
Боздиди донишҷӯёни Донишкадаи политехникии ДТТ аз Неругоҳи барқи обии “Роғун” - 16.10.2018 08:41
Яксўябинӣ дар таҳқиқи Бардия Раҳмонӣ - 16.10.2018 06:04

Шиносоии Раиси вилоят Раҷаббой Аҳмадзода бо фаъолияти муассисаҳои тиббӣ

( 4 Овоз )
  • Пешина
  • 1 of 8
  • Минбаъда

Видео :Шиносоии Раиси вилоят Раҷаббой Аҳмадзода бо фаъолияти муассисаҳои тиббӣ Рӯзи 13 марти соли равон Раиси вилояти Суғд Раҷаббой Аҳмадзода бо мақсади шиносоӣ бо фаъолияти муассисаҳои тиббӣ аз як қатор беморхонаҳо боздид намуд.

Раиси вилоят нахуст бо фаъолияти Беморхонаи клиникавии вилояти Суғд шинос гардид. Беморхонаи клиникавии вилояти Суғд яке аз бузургтарин беморхонаҳои вилоят маҳсуб ёфта, тибқи лоиҳа дорои 1000 кат мебошад. Дар 30 шуъбаи Беморхонаи клиникавии вилоятӣ наздик 1000 нафар кормандони соҳаи тиб барои нигаҳдории солимии ҷомеа фаъолият мебаранд.

Дар аснои шиносоӣ Раиси вилоят ба масъулин дастур дод, ки таҷҳизоти тиббии мавҷуда бояд самаранок истифода гардад ва барои ташхиси беморон аз дастгоҳҳои наву замонавӣ истифода бурда шавад. Раҷаббой Аҳмадзода ба роҳбарияти муассисаи тиббӣ супориш дод, ки сатҳи хизматрасонии тиббиро беҳтар намуда, муносибати миёни табибону беморон зери назорат гирифта шавад. Зеро шахси бемор пеш аз ҳама ба муносибати хуб эҳтиёҷ дорад.

Раиси вилоят ҳамзамон вазъи ободонии гирду атрофро мушоҳида намуда, аз ҳолати ғайрисанитарӣ ва ба талабот ҷавобгӯ набудани чароғонкунии ҳудуди беморхона изҳори нигаронӣ намуд. Ба масъулин дастур дода шуд, ки ҷиҳати ободонии атрофи беморхона чораҷӯӣ намоянд.

Дар мулоқот бо табибон Раиси вилоят Раҷаббой Аҳмадзода баён дошт, ки бо дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазъи соҳаи тандурустӣ сол ба сол беҳтар гардида истодааст. Иттилоъ дода шуд, ки соли ҷорӣ аз буҷети вилоятӣ ба ин соҳа беш аз 400 миллион сомонӣ равона гардидааст ва Мақомоти иҷроияи ҳокимияти давлатии вилоят ҳамасола барои харидориву дастрас намудани таҷҳизоти тиббии замонавӣ маблағҳои зарурӣ ҷудо менамояд. Таъкид гардид, ки дар Беморхонаи клиникавии вилоятӣ дар қатори пешравиҳо ҳамчунин камбудиҳо низ ба назар мерасад. Дар ин росто аз таъмирталаб будани 13 амалиётхона ва суст ҷараён доштани корҳои ободонӣ ёдоварӣ карда шуда, ба масъулин дастур дода шуд, ки камбудиҳоро сари вақт бартараф намоянд.

Сипас, Раиси вилоят Раҷаббой Аҳмадзода аз Маркази бемориҳои дил ва ҷарроҳии дилу рагҳои вилояти Суғд боздид намуд. Дар оғози боздид Раиси вилоят бо лоиҳаи бинои иловагии марказ шинос гардид. Тавре иттилоъ дода шуд, бинои иловагӣ бо маблағгузории мақомоти иҷроияи ҳокимияти давлатии вилоят сохта мешавад ва он аз 4 ошёна иборат буда, пас аз мавриди истифода қарор гирифтан дар он шуъбаҳои гуногуни ташхисиву табобатӣ ҷойгир карда мешаванд. Раҷаббой Аҳмадзода пас аз шиносоӣ бо лоиҳа ба масъулин тавсия дод, ки бинои сохташаванда бояд бо тарҳу намуди зебо ва ба талаботи меъморӣ ҷавобгӯ бунёд карда шавад. Раиси вилоят ҳамзамон ба масъулини соҳаи тандурустии вилоят супориш дод, ки мутахассисони баландихтисос ба кор ҷалб карда шаванд ва ҷиҳати таҷрибаомӯзии онҳо дар давлатҳои пешрафта тадбирҳои зарурӣ амалӣ карда шавад.

Зимни шиносоӣ бо фаъолияти Таваллудхонаи вилоятии вилояти Суғд Раҷаббой Аҳмадзода аз фаъолият накардани томографияи магнитии рақамии резонансӣ изҳори нигаронӣ намуд. Бо назардошти зиёд будани талабот ба ин намуди дастгоҳи тиббӣ Раҷаббой Аҳмадзода ба роҳбарияти соҳаи тандурустӣ ва масъулини таваллудхонаи вилоятӣ супориш дод, ки дар муҳлатҳои кутоҳтарин дастгоҳи тиббии мазкур ба пуррагӣ барқарор карда шавад.

Раҷаббой Аҳмадзода дар поёни боздиди корӣ ба роҳбарияти таваллудхонаи вилоятӣ дастур дод, ки сатҳи хизматрасониро боз ҳам беҳтар намуда, ба ободу зебо гардонидани саҳн ва атрофи муассисаи тиббӣ таваҷҷуҳи зарурӣ зоҳир намоянд.

Хадамоти матбуоти
Раиси вилояти Суғд









Шарҳ додан


Защитный код
Нав кардан

ШУМО ДАР: Боздидҳо Шиносоии Раиси вилоят Раҷаббой Аҳмадзода бо фаъолияти муассисаҳои тиббӣ