Хабарҳо
Сафари кории Сарвазири Ҷумҳурии Тоҷикистон Қоҳир Расулзода ба вилояти Суғд - 20.08.2018 16:58
Паёми телевизионии Пешвои миллат Эмомалӣ Раҳмон ба муносибати Иди саиди Қурбон - 20.08.2018 09:41
Боздиди Президенти Ҷумҳурии Тоҷикистон Эмомалӣ Раҳмон аз мавзеъҳои таърихии шаҳри Самарқанд - 20.08.2018 09:38
Зиёрати оромгоҳи нахустин Президенти Ҷумҳурии Ӯзбекистон Ислом Каримов - 20.08.2018 09:36
Паёми табрикии Раиси вилоят ба муносибати фарорасии Иди саиди Қурбон - 20.08.2018 09:21
Мулоқоти Пешвои миллат Эмомалӣ Раҳмон бо Сарвазири Ҷумҳурии Ӯзбекистон Абдулло Орипов - 18.08.2018 17:05
Мулоқоти Пешвои миллат Эмомалӣ Раҳмон бо Раиси палатаи қонунбарори Маҷлиси Олии Ҷумҳурии Ӯзбекистон Нуридин Исмоилов - 18.08.2018 16:59
Маросими супоридани мукофоти давлатии Ҷумҳурии Ӯзбекистон Ордени “Эл Юрт Ҳурматӣ” ба Пешвои миллат - 18.08.2018 07:14
Иштироки Эмомалӣ Раҳмон ва Шавкат Мирзиёев дар барномаи фарҳангии ходимони санъати Тоҷикистон ва Ӯзбекистон таҳти унвони «Шоми дӯстӣ» - 18.08.2018 07:13
Боздиди сарони давлатҳои Тоҷикистон ва Ӯзбекистон аз Корхонаи истеҳсоли техникаи маишӣ ва электроника «Артел»-и Ҷумҳурии Ӯзбекистон - 18.08.2018 07:08

Маҳфили ёдбуди арбоби ҳизбиву давлатӣ Усмон Қосимов

( 0 Овоз )

Дар Кохи фарҳанги «Суғдиён» - и маркази вилоят бахшида ба 100 – солагии зодрӯзи арбоби ҳизбиву давлатӣ Усмон Қосимов маҳфили ёдбуд баргузор гардид. Маҳфили ёдбудро муовини якуми Раиси вилоят Раҳматзода Рустам Мирзо ифтитоҳ намуда, бобати ғамхории Ҳукумати мамлакат ва қадршиносии собиқадорони ҷангу меҳнат ва ашхоси барӯманд ҳарф зада, фаъолияти пурбаракати корӣ ва хидматҳои шоистаи Усмон Қосимовро барои насли муосир намунаи ибрату пайравӣ арзёбӣ намуд.

Дар маҳфил зикр гардид, ки Усмон Қосимов фаъолияти меҳнатиашро пас аз хатми мактаби миёна аз соли 1936 ҳамчун котиби Шурои деҳоти Чорбоғ оғоз намуда, то соли 1938 фаъолият дошт. Солҳои 1938 - 1946 дар сафи Артиши Шуравӣ хизмат кардааст. Соли 1946 бо рутбаи лейтенанти калон аз хизмати ҳарбӣ баргашта, солҳои 1946 - 1963 вазифаҳои масъули ҳизбию хизматиро ба уҳда дошт.

Қобилияти кордонӣ, масъулияти баланди ташкилотчигии Усмон Қосимовро ба инобат гирифта, соли 1963 уро ба вазифаи котиби якуми Кумитаи ҳизби коммунисти ноҳияи калонтарини пахтакории ҷумҳуриявӣ – Шаҳритус пешбарӣ менамоянд ва то декабри соли 1970 дар ин вазифа кору фаъолият менамояд.

Моҳи декабри соли 1970 бо қарори Президиуми Шурои Олии РСС Тоҷикистон Усмон Қосимов раиси Кумитаи ташкилӣ оид ба таъсиси вилояти Ленинобод таъин шуда, санаи 16 феврали соли 1971 дар Сессияи якуми Шурои депутатҳои меҳнаткашони вилоят ба вазифаи раиси комиҷроияи Шурои депутатҳои меҳнаткашони вилояти Ленинобод интихоб шуда, то нафаси вопасин – 5 сентябри соли 1978 хизмати арзанда баҳри Ватан ва халқ мекунад.

Хизматҳои тулонӣ ва шоёни ҷангию меҳнатии Усмон Қосимов бо ордену медалҳо, ифтихорномаҳо ва дигар мукофотҳои давлатӣ қадршиносӣ гардидаанд. Барои абадӣ гардонидани хотираи ин марди шариф мактаби таҳсилоти умумии№21 - и деҳаи Чорбоғи шаҳри Истаравшан ба номи у гузошта шуда, нимпайкарааш низ дар он ҷо қарор дорад. Дар арафаи ҷашни 100-солагии шодравон Усмон Қосимов яке аз кучаҳои шаҳри Хуҷанд номи уро гирифт.

Дар маҳфили ёдбуд собиқадорони ҷангу меҳнат Баҳриддин Аҳмадов, Бобораҷаб Бобоев, муаррихи шинохта Усмонҷон Fаффоров, раиси бахши вилоятии Иттифоқи нависандагони Тоҷикистон Аҳмадҷони Раҳматзод ва дигарон баромад намуда, аз саҳми беназири ин фарди накӯном, хислатҳои нек ва саҳми беназираш дар рушди ҳаёти иқтисодиву иҷтимоӣ ҳарф заданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Маҳфили ёдбуди арбоби ҳизбиву давлатӣ Усмон Қосимов