Хабарҳо
Бозии миёни дастаҳои "Хуҷанд" ва "Динамо" бо ҳисоби 2:2 ба анҷом расид - 21.04.2018 12:34
Дар Самарқанд ҳайати намояндагони вилояти Суғдро гарму самимӣ истиқбол намуданд - 21.04.2018 08:06
Ятимон дар нимароҳ намемонанд - 21.04.2018 08:00
Идомаи боздиди Раиси вилоят аз корхонаҳои саноатии маркази вилоят - 20.04.2018 14:10
Аз 20 то 22 апрел Рӯзҳои фарҳанги вилояти Суғд дар вилояти Самарқанди Ҷумҳурии Ӯзбекистон баргузор мешавад - 20.04.2018 11:19
Рӯзи ягонаи ахбор: «Рушди сайёҳӣ – омили рушди ҷомеа» - 20.04.2018 09:18
Баргузории даври вилоятии Олимпиада оид ба тарғиби ҳаракати олимпӣ - 20.04.2018 09:16
Фестивали ҷумҳуриявии “Ҳафтаи китоби кӯдакону наврасони Тоҷикистон” дар ноҳияи Бобоҷон Ғафуров - 20.04.2018 09:14
Ифтитоҳи дидбонгоҳҳои сарҳадии “Пунук” ва “Меҳробод” дар ноҳияи Ашт - 20.04.2018 09:12
Истаравшан. Дар шаш корхонаи хурди истеҳсолии навтаъсис наздик 60 нафар бо ҷойи кор таъмин шуданд - 19.04.2018 14:07

Баргузории конфронси илмӣ-амалии «Наврўз ва ойинҳои наврўзӣ» дар китобхонаи вилоятӣ

( 0 Овоз )

Санаи 16-уми март дар толори Китобхонаи вилоятии оммавии ба номи Тошхоҷа Асирӣ конфронси илмӣ-амалии «Наврўз ва ойинҳои наврўзӣ» бахшида ба ҷашни Наврўз бо иштироки устодону донишҷўёни муассисаҳои таҳсилоти олии касбии шаҳри Хуҷанд баргузор шуд.

Аз маъмурияти Китобхонаи вилоятии оммавии ба номи Тошхоҷа Асирӣ иттилоъ доданд, ки директори китобхона Баҳром Мирсаидов иштирокдорони конфронсро бо фарорасии иди Наврўз муборакбод гуфта, ба конфронс ҳусни ифтитоҳ бахшид. Ў таъкид кард, ки ин конфронс бо мақсади таблиғу ташвиқи суннатҳо, ҳифзу эҳё, дақиқу амиқ омўхтани расму анъанаҳои наврўзӣ, дуруст шинохтани арзишу аҳамияти инсондўстонаи онҳо ва тавзеҳу ташреҳи вусъати ҷуғрофиёи интишори Наврўз баргузор мегардад.

Сардори шуъбаи маълумотдиҳӣ-библиографии китобхона Ҳамробоева Мавзуна дар мавзўи «Нақши китобхонаҳо дар тарғиби Наврўз ва осори марбут ба он» маърўза намуд. Ў ҳамчунин мундариҷа ва муҳтавоимуҳимтарин китобҳои дар мавзўи Наврўз таълифшударо бо истифодаи слайд муаррифӣ кард.

Мудири кафедраи умумидонишгоҳии забони тоҷикии Донишгоҳи давлатии Хуҷанд ба номи академик Бобоҷон Ғафуров Салоҳиддин Вайдуллозода дар мавзўи “Муруре ба оинҳои наврўзии тоҷикони Қирғизистон” баромад намуда, доир ба расму оинҳои роиҷ дар байни тоҷикони Қирғизистон маълумот дод. Номбурда таъкид дошт, ки суннатҳои наврўзии сокинони деҳаи Андарақ бо расму анъанаҳои дигар манотиқи ҳавзаи ҷашни Наврўз тафовути андак ва умумиятҳои бештар доранд.

Зоҳид Қўрғонов – дотсенти кафедраи забони тоҷикии донишгоҳи мазкур бо маърўзаи “Виҷагиҳои фарҳангии ҷашни Наврўз дар Самарқанд” гузориш намуда, доир ба анъанаҳои миллии наврўзии шаҳри Самарқанд ва музофоти он мулоҳиза ронд.

Дотсент Мирсаидов Баҳром дар мавзўи “Наврўзи Тоҷикистон ва суннатҳои наврўзӣ” маърўза намуда, дар бораи ғизоҳо, бозиҳо, маросим, арзишҳои иҷтимоию маънавӣ ва моддии Наврўз изҳори назар кард.

Дар конфронс намояндаи Ҷамъияти дўстӣ ва робитаҳои фарҳанги Тоҷикистон бо кишварҳои хориҷӣ дар вилояти Суғд Солиҷонов Нодирҷон,  директори Китобхонаи бачагонаи вилоятии ба номи Аминҷон Шукўҳӣ Расулова Муаззама низ суханронӣ намуда, андешаҳояшонро доир ба мазмуну муҳтаво ва нуктаҳои муҳими маърўзаҳо иброз доштанд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Баргузории конфронси илмӣ-амалии «Наврўз ва ойинҳои наврўзӣ» дар китобхонаи вилоятӣ