Хабарҳо
Қарори навбатии Раиси вилояти Суғд ба тасвиб расид - 20.06.2018 16:48
Дар Истаравшан корхонаи коркарди шир ба истифода дода шуд - 20.06.2018 16:45
Иштироки Пешвои миллат Эмомалӣ Раҳмон дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” - 20.06.2018 13:16
Мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов - 20.06.2018 13:13
Маросими супоридани “Медали Созмони Умумиҷаҳонии Тандурустӣ” ба Пешвои миллат Эмомалӣ Раҳмон ба муносибати Рӯзи умумиҷаҳонии мубориза алайҳи тамоку - 20.06.2018 08:52
Мулоқоти Пешвои миллат Эмомалӣ Раҳмон бо гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид - 20.06.2018 08:51
Омодагиҳо ба мусобиқаи байналмилалии шиноварӣ /АКСҲО/ - 19.06.2018 20:13
Мулоқоту музокироти сатҳи олии Тоҷикистону Покистон - 19.06.2018 16:56
Иштироки Раиси вилоят дар маросими супоридани ҷоизаҳо ба ғолибони озмуни рӯзномаи “Ҷумҳурият” - 19.06.2018 16:46
Сафари расмии Президенти Ҷумҳурии Исломии Покистон Мамнун Ҳусейн дар Тоҷикистон - 19.06.2018 15:36

Ифтитоҳи Такягоҳи ҳифзи тартиботи ҷамъиятии №3 дар Исфара

( 0 Овоз )

Вазири корҳои дохилии Ҷумҳурии Тоҷикистон Рамазон Раҳимзода дар доираи сафари хизматӣ ба вилояти Суғд дирӯз ба Шуъбаи 1-и Вазорати корҳои дохилӣ дар шаҳри Исфара рафта, дар маросими ифтитоҳи Такягоҳи ҳифзи тартиботи ҷамъиятии №3 ширкат варзид.

Ба иттилои манбаъ аз Раёсати ВКД дар вилоят дар чорабинӣ ҳамчунин кормандони милитсия, дружиначиёни ихтиёрӣ ва аҳли ҷамоати шаҳри Исфара иштирок доштанд.

Рамазон Раҳимзода аз ҳуҷраҳои корӣ, шароити муҳайёгардида барои ҳайати шахсии Такягоҳи ҳифзи тартиботи ҷамъиятӣ аз наздик ошноӣ пайдо карда, аз сатҳу сифати корҳои анҷомдодашуда изҳори қаноатмандӣ намуд. Дар шафати бинои мазкур Ситоди дружиначиёни ихтиёрии шаҳри Исфара бо тамоми шароити мусоид ва ҷавобгӯ ба талаботи муосир таъсис дода шуд, ки ҳамкории мардумро бо мақомоти милитсия боз ҳам қавитар мегардонад.

Зимни вохӯрӣ Рамазон Раҳимзода ҳайати шахсӣ, дружиначиёни ихтиёрӣ ва аҳли ҷамоати шаҳри Исфараро бо фарорасии иди байналмилалии Наврӯзи Аҷам табрик гуфт. Зикр гардид, ки дар пеш ҷашни таърихӣ ва қадимаи аҷдодии мо қарор дошта, кормандони милитсия ва дружиначиёни ихтиёрӣ ва фаъолони ҷомеаро мебояд, ки ҷиҳати дар сатҳи зарурӣ пешвоз гирифтани Наврӯз тамоми тадбирҳоро андешанд.

Ҳайати шахсии Шуъбаи 1-и Вазорати корҳои дохилӣ дар шаҳри Исфара ҷавобан ба ин гуфтаҳо изҳор доштанд, ки тамоми кӯшишу ғайрат ва маҳорату малакаи касбии худро баҳри сазовор пешвоз гирифтани иди байналмилалии Наврӯз равона намуда, ҳифзи ҳуқуқу озодиҳои шаҳрвандон, волоияти қонун ва тинҷию амонии кишварро чун гавҳараки чашм ҳимоя хоҳанд кард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ифтитоҳи Такягоҳи ҳифзи тартиботи ҷамъиятии №3 дар Исфара