Хабарҳо
Машварати кории Раиси вилояти Суғд Раҷаббой Аҳмадзода - 24.01.2022 12:43
Дар ноҳияи Ҷаббор Расулов бунёди боғҳои нав оғоз ёфт - 23.01.2022 14:36
Боздиди кории Раиси вилоят Раҷаббой Аҳмадзода аз шаҳри Гулистон - 23.01.2022 14:13
Шиносоии Раиси вилоят бо сохтмони корхонаҳои саноатӣ дар шаҳри Бӯстон - 22.01.2022 14:17
Қадршиносии ғолибони озмуни "Беҳтарин муассисаи таҳсилоти иловагии вилояти Суғд дар соли 2021" - 21.01.2022 11:45
Маҷлиси васеи Ҳукумати Ҷумҳурии Тоҷикистон баргузор гардид - 20.01.2022 21:21
Дар Истаравшан теъдоди стипендияҳои раиси шаҳрро зиёд карданд - 20.01.2022 17:04
ҶАМЪБАСТИ ФАЪОЛИЯТ ВА БАРРАСИИ ДУРНАМОИ НАВ - 20.01.2022 17:02
COVID-19. Ба Тоҷикистон беш аз як миллион воя воксина бар зидди коронавирус ворид гардид - 18.01.2022 14:17
Толибилмони Литсей барои хонандагони болаёқат дар шаҳри Хуҷанд аз ИМА 6 медали нуқраву биринҷӣ оварданд - 18.01.2022 09:15

Бахшида ба Рӯзи Парчами давлатӣ дар ноҳияи Деваштич ҷамъомад баргузор гардид

( 0 Овоз )

24-ноябри соли 2021 дар Қасри фарҳанги ба номи Абӯабдуллоҳи Рудакии ноҳияи Деваштич ба муносибати Рӯзи Парчами давлатии Ҷумҳурии Тоҷикистон чорабинии тантанавӣ баргузор гардид.

Дар чорабинӣ намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилоят Мирзоқосим Каримзода паёми табрикии Раиси вилоят Раҷаббой Аҳмадзода ба муносибати Рӯзи Парчами давлатиро ба самъи сокинон расонид. Таъкид карда шуд, ки «соли равон тантанаҳои таҷлили Рӯзи Парчами давлатӣ ба соли ҷашни бошукӯҳи сиюмин солгарди Истиқлоли давлатии Ҷумҳурии Тоҷикистон рост омад. Таҷлили ин ҷашни пуршукӯҳи миллӣ, ки сокинони вилоят низ ин санаи фархундаи таърихи миллатро бо иштироки Пешвои муаззами миллат муҳтарам Эмомалӣ Раҳмон ва дастовардҳои арзандаи меҳнатӣ сазовор истиқбол гирифтанд, ба мардуми шарафманду сарбаланди Ватани маҳбубамон рӯҳу илҳоми тоза эҳдо намуда, барои расидан ба қуллаҳои боз ҳам баландтари шукуфоӣ ва пешрафт заминаҳои мустаҳкам гузошт.»

Раиси ноҳияи Деваштич Ашуралӣ Ҷалилзода низ сокинонро бо  Рӯзи Парчами давлатии Ҷумҳурии Тоҷикистон табрик гуфта, қайд кард, ки  таҷлили Рӯзи Парчами давлатӣ нишони ифтихор аз давлатдории имрӯза, эҳтироми бепоён ба гузаштаи пурифтихори миллат мебошад.

Сипас, ба якчанд афсарону сарбозон  Сипосномаи мақомоти иҷроияи ҳокимияти давлатии ноҳияи Деваштич ва тӯҳфаҳои хотиравӣ тақдим гардида, аз ҷониби бахши фарҳанги ноҳия барномаи ҷолиби консертӣ намоиш дода шуд.

Хадамоти матбуоти
Раиси вилояти Суғд

ШУМО ДАР: Навиди Суғд Бахшида ба Рӯзи Парчами давлатӣ дар ноҳияи Деваштич ҷамъомад баргузор гардид