Хабарҳо
Ироаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон - 26.01.2021 13:05
Соли 2021 тамоми кишоварзони Тоҷикистон аз пардохти андози ягонаи замин озод гардиданд - 26.01.2021 15:04
Кормандони мақомоти иҷроияи ҳокимияти давлатии вилоят Паёми Президенти мамлакат муҳтарам Эмомалӣ Раҳмонро ба Маҷлиси Олӣ муташаккилона тамошо карданд - 26.01.2021 13:31
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» - 26.01.2021 12:51
Ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 25.01.2021 15:39
Ифтитоҳи бинои иловагии Коллеҷи тиббии шаҳри Истаравшан - 25.01.2021 15:37
Пирӯзии ду дастаи вилояти Суғд дар даври ҷумҳуриявии олимпиадаи байналмилалии робототехникӣ - 25.01.2021 15:34
Ба Шӯроб хати оби тозаи нӯшокӣ кашида шуд - 25.01.2021 09:22
Машварати кории Раиси вилоят Раҷаббой Аҳмадзода - 22.01.2021 16:24
Пешвои миллат Эмомалӣ Раҳмон бинои хобгоҳи рақами 8-и Донишгоҳи миллии Тоҷикистонро мавриди истифода қарор доданд - 22.01.2021 13:50

Дар шаҳри Бӯстон оид ба пешгирии сирояти коронавирус ва вусъати корҳои ободонӣ мулоқот доир шуд

( 0 Овоз )

Дирӯз дар Донишкадаи кӯҳӣ-металлургии Тоҷикистон бо иштироки роҳбари гурӯҳи корӣ оид ба истиқболи 30-солагии Истиқлолияти давлатии Ҷумҳурии Тоҷикистон, директори Муассисаи давлатии «Тоҷикфилм» Маҳмадсаид Шоҳиён ва раиси шаҳри Бӯстон Раъно Ҳошимзода бо аҳли ҷамоати шаҳр мулоқот доир гардид.

Роҳбари шаҳр нахуст аз пешгирии ҳама гуна бемориҳои сироятӣ, аз қабили бемории сироятии намуди нави коронавирус, саҳмгузорӣ дар вусъати корҳои ободониву созандагӣ бахшида ба 30-солагии Истиқлолияти давлатии Ҷумҳурии Тоҷикистони ибрози назар намуд.

«Имрӯз сирояти коронавирус кулли мардуми ҷаҳонро ба ташвиш овардааст. Хушбахтона, дар мамлакати мо ин бемории сироятӣ ба қайд гирифта нашудааст. Аз ин рӯ моро зарур аст, ки баҳри пешгирии ин вируси марговар аз тамоми имкониятҳо истифода намуда, ба тавсияи табибон ва қоидаҳои аввалини тиббию санитарӣ риоя намоем»,-гуфт Р. Ҳошимзода ва тадбирҳои андешидаи мақомоти иҷроияи ҳокимияти давлатии шаҳрро дар самти пешгирии бемории сироятии коронавирус шарҳ дод.

Муовини якуми раиси шаҳри Бӯстон Қаюмҷон Маҳмудзода оид ба иҷрои нақшаи чорабиниҳои мақомоти иҷроияи ҳокимияти давлатии шаҳр вобаста ба омодагиҳо ҷиҳати истиқболи сазовори 30-солагии Истиқлолияти давлатии Ҷумҳурии Тоҷикистон сухан гуфт.

Ҳамзамон  сартабиби беморхонаи марказии шаҳр Умедҷон Абдуллоев вобаста ба ҳолати омодабоши муассисаҳои соҳаи тандурустии шаҳри Бӯстон ибрози назар кард.

Роҳбари гурӯҳи корӣ оид ба истиқболи сазовори 30-солагии Истиқлолияти давлатии Ҷумҳурии Тоҷикистон, директори Муассисаи давлатии «Тоҷикфилм» Маҳмадсаид Шоҳиён сокинонро ба пешгирии ҳама гуна ҳангомаву бӯҳтон ва хабарҳои беасос даъват намуда,  хоҳиш кард, ки ба ҷои ин дар вусъати корҳои ободониву созандагӣ саҳм гузоранд.

Дар фарҷом раиси шаҳри Бӯстон Раъно Ҳошимзода оид ба тақвияти корҳои тарғиботиву равшаннамоӣ, пешгирии зуҳуроти номатлуб ва пешгирии баландравии беасоси молу маҳсулот ба масъулин дастуру супоришҳои мушаххас дод.

Ёдовар мешавем, ки дар шаҳри Бӯстон тибқи амри раиси шаҳр ситоди доимоамалкунанда вобаста ба пешгирии сирояти намуди нави коронавирус ташкил карда шуда, дар заминаи он нақшаи чорабиниҳои пешгирикунанда таҳия гардидааст.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Дар шаҳри Бӯстон оид ба пешгирии сирояти коронавирус ва вусъати корҳои ободонӣ мулоқот доир шуд