Хабарҳо
Пахтакорони ноҳияи Бобоҷон Ғафуров нақшаи истеҳсоли пахтаро 100 % иҷро намуданд - 14.11.2019 14:56
Таҳти роҳбарии Пешвои миллат Эмомалӣ Раҳмон ҷаласаи Шӯрои амнияти Ҷумҳурии Тоҷикистон баргузор гардид - 14.11.2019 13:52
Нақши Пешвои миллат дар эҳё, тарғиб ва пажуҳиши тамаддуни бостон - 14.11.2019 11:00
Барандагони ҷоизаҳои Кумитаи иҷроияи Ҳизби Халқии Демократии Тоҷикистон дар вилояти Суғд муайян гардиданд - 14.11.2019 08:18
Дар Донишгоҳи давлатии ҳуқуқ, бизнес ва сиёсати Тоҷикистон дар мавзӯи “Президенти мо – Пешвои мо” мизи мудаввар доир шуд - 14.11.2019 08:15
Пирӯзии ихтироъкорони навраси вилоят дар озмуни ​ ҷаҳонии «Роботтехника» - 14.11.2019 08:10
Маросими ифтитоҳи Фонди хайриявии «Хуаксин – Суғд: Ман Тоҷикистонро дўст медорам» - 13.11.2019 15:33
Мулоқоти Раиси вилоят Раҷаббой Аҳмадзода бо намояндагони доираҳои соҳибкории вилояти Хубэйи Ҷумҳурии мардумии Чин - 13.11.2019 15:27
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42

Дар шаҳри Гулистон ҷаласаҳои Шӯрои байнидавлатии ИДМ оид ба стандартизатсия доир гардид

( 0 Овоз )

Бо ташаббуси Шӯрои байнидавлатӣ оид ба стандартизатсия, метрология ва сертификатсияи Иттиҳоди Давлатҳои Мустақил /ИДМ/  ва дастгирии Агентии «Тоҷикстандарт» аз 30 апрел то 2 май дар шаҳри Гулистон  ҷаласаи 43-юми Комиссияи илмӣ-техникии аккредитатсия ва ҷаласаи 10-ум оид ба баргузории Созмони минтақавӣ дар самти аккредитатсия баргузор гардид.

Аз Агентии «Тоҷикстандарт» иттилоъ доданд, ки дар ҷаласа намояндагони Шӯрои байнидавлатӣ, мутахассисони Агентии «Тоҷикстандарт» ва зерсохторҳои он иштирок намуданд. Сардори Раёсати баҳодиҳии мутобиқати Агентии «Тоҷикстандарт» Раҳмоншо Давлатзода доир ба мавқеи Тоҷикистон дар Шӯрои байнидавлатӣ ва комиссияҳои илмӣ-техникӣ оид ба баҳодиҳии мутобиқат ва аккредитатсия сухан кард.

Инчунин муовини Раиси вилояти Суғд  Анвар Яъқубӣ зикр намуд, ки баргузории ҷаласаи Шӯрои байнидавлатӣ барои Тоҷикистон хеле муҳим буда, дар татбиқи ҳадафи чоруми мамлакат -саноатикунонии кишвар ва истеҳсоли маҳсулоти рақобатпазири ватанӣ, ҳамкорӣ бо ИДМ ва созмонҳо вобаста ба баҳодиҳии мутобиқат ва аккредитатсия барои рушди иқтисодии Тоҷикистон мусоидат мекунад. Намояндаи Шӯрои байнидавлатӣ, директори Бюро оид ба стандартҳо-котиби масъули Шӯро Владимир Черняк аз мақсаду мароми ҷаласаи навбатӣ ва  дастоварду камбудиҳо дар самти татбиқи қарору санадҳои Шӯрои байнидавлатӣ ибрози назар намуд.

Бояд зикр кард, ки ҳадафи баргузории ҷаласаҳои мазкур тартиби таклифу пешниҳодҳои аз ҷиҳати илмӣ асоснок барои ҳалли қарорҳои Шӯро дар соҳаи баҳодиҳии мутобиқат ва аккредитатсия, ташкили ҳамкории самараноки мақомоти миллӣ вобаста ба омода намудан ва такмили касбияти мутахассисон дар соҳаи баҳодиҳии мутобиқат ва аккредитатсия, инчунин такмили асосҳои регламентҳои техникӣ дар соҳаҳои номбурда мебошад.

Зикр гардид, ки барои дастгирӣ ва ҳавасмандгардонии соҳибкорони истеҳсолии аъзои Шӯро озмуни маҳсулоти беҳтарини ИДМ баргузор карда мешавад, ки ин барои пешрафти фаъолияти соҳибкорӣ мусоидат мекунад.

Мусаллам аст, ки Шӯрои мазкур 12 кишвари ИДМ, назири Арманистон, Беларус, Гурҷистон, Молдова, Озарбойҷон, Россия, Украина,  Қазоқистон, Қирғизистон, Ӯзбекистон, Тоҷикистон, Туркманистонро дар худ муттаҳид менамояд. Дар Шӯрои байнидавлатӣ оид ба стандартизатсия, метрология ва сертификатсия кумитаҳои илмӣ-техникӣ оид ба стандартизатсия, метрология, баҳодиҳии мутобиқат ва аккредитатсия фаъолият доранд, ки Агентии «Тоҷикстандарт» аъзои ин кумитаҳо аст.

Ҷаласаҳои кумитаҳои техникӣ соле ду маротиба ва ҷаласаи Шӯрои байнидавлатӣ ҳар сол як маротиба дар яке аз давлатҳои узви Шӯрои байнидавлатии ИДМ баргузор мегарданд. Ҳамзамон масъалаҳои марбут ба соҳаҳои стандартизатсия, метрология, баҳодиҳии мутобиқат ва аккредитатсия, инчунин масоили аз байн бурдани монеаҳои техникӣ дар савдо ва ҳамкории соҳавӣ дар сатҳи байнидавлатӣ дар раванди кори ҷаласаҳо баррасӣ карда мешаванд.

Ёдовар мешавем, ки Ҷумҳурии Тоҷикистон аз соли 1992 аъзои Шӯрои байнидавлатӣ оид ба стандартизатсия, метрология ва сертификатсия мебошад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Дар шаҳри Гулистон ҷаласаҳои Шӯрои байнидавлатии ИДМ оид ба стандартизатсия доир гардид