Хабарҳо
Боздиди Раиси вилоят аз Кооперативи тиҷоратии​ «Тухмипарварии Чоркӯҳ»​ ва Кооперативи тиҷоратии​ «Кишоварзони Навгилем» - 13.07.2020 15:09
Исфара. Раиси вилоят Раҷаббой Аҳмадзода собиқадорони меҳнатро аёдат кард - 13.07.2020 14:45
Дар шаҳри Исфара 288 иншооти ҷашнӣ мавриди истифода қарор гирифтааст - 13.07.2020 14:34
Қарори Ҳукумати Ҷумҳурии Тоҷикистон Оид ба тадбирҳои амалисозии фармони Президенти Ҷумҳурии Тоҷикистон аз 5 июни соли 2020, №1544 «Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон» - 13.07.2020 11:05
Пешвои миллат Эмомалӣ Раҳмон дар як қатор мақомоти қудратӣ ва давлатӣ тағйироти кадрӣ ба амал оварданд - 11.07.2020 11:00
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46

Ғамхориҳои Пешвои миллат ҳамто надоранд

( 0 Овоз )

Яке аз тактикаҳои ноҷавонмардонаи ҳизбу ҳаракатҳои ифротгарою  террористӣ, аз ҷумла ТТЭ ҲНИ бо ҳар роҳу усул, таблиғу ташвиқи ақидаҳои пучу бардурӯғ бо истифода аз муқарраротҳои дини ислом даъват ба ҷангу ҷидол ба шумор меравад, ки боиси ба кӯчаҳои роҳбаста сафарбар гаштани шахсони бетаҷрибаву зудбовар мегардад. Амалу рафтори шахси гумроҳ на фақат ба давлату ҷомеа, балки барои хешу пайвандон хатари зиёд дошта, боиси сарсону саргардон шудани зану фарзандон мегардад.

Таҷриба нишон медиҳад, ки шахсони фирефтаи экстремистонгашта, ба ваъдаҳои осмонии душманони миллат бовар карда, ҳатто зану фарзандони ноболиғи худро ба мавзеҳои ҷангзадаи Сурияву Ироқ бурда ба зери тиру тӯп мегузоранд. Ин амалро ягон шахси солимақл барои фарзанд, ки меваи ширинтарин барои волидайн ба шумор меравад раво намебинад. Шахсе, ки ба ифроту ҷаҳолат гирифтор шудааст, ғайр аз якравию бефаҳмӣ, фанатизми динӣ, бадбиниву ҷудоиандозӣ, зоҳирпарастиву хаёлҳои хом дигар чизро дидаю фаҳмида наметавонад ва ба шахси бемории руҳидошта шабоҳат дорад.

Аз рӯи иттилои мавыуда имрӯзҳо чанд нафар кӯдакони ноболиғи тоҷик дар Сурияву Ироқ қарор дошта, аксарияти онҳо аз падару модар ятим мондаанд ва дар ҳолати бесоҳибӣ қарор доранд.

Давлату Ҳукумати Ҷумҳурии Тоҷикистон бо сарварии Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон новобаста аз хиёнатҳои нобахшидании баъзе аз ашхос ҳамеша нисбати шаҳрвандони кишвар ғамхориҳои беандоза зоҳир менамоянд. Тасдиқи ин гуфтаҳоро мо дар солҳои ҷанги шаҳрвандӣ бахшида шудани гуноҳи мухолифин, аз ҳудуди Афғонистони ҷангзада баргардонидани зиёда аз як миллион гурезагон, гузаштҳои беандоза баҳри сулҳу ваҳдати миллӣ дида метавонем. Ғамхориҳои Сарвари давлат ва Ҳукумати мамлакат нисбати шаҳрвандони кишвар дар қонунгузории амалкунанда инъикоси худро ёфтааст, ки шахсони дар амалиётҳои ҷангии давлатҳои хориҷа иштироккарда, агар дар кирдорашон таркиби ҷинояти дигар набошад, бо хоҳиши худ ба Ватан баргарданд аз ҷавобгарии ҷиноятӣ озод карда мешавад.  Ин муқаррароти дурбинона дар қонунгузории давлатҳои дигар дида намешавад.

Бо ташаббуси бевоситаи Пешвои миллат муҳтарам Эмомалӣ Раҳмон зиёда аз 80 нафар кӯдакон, ки дар Ироқ қарор доштанд, ба Ватани азизашон баргардонида шуданд.

Ғамхориву ҷоннисориҳои Сарвари давлатро ҳар як тоҷику тоҷикистонӣ бояд хуб дарк намуда, ба қадру манзалати он бирасем ва барои поку беолоиш нигоҳ доштани андешаи миллӣ, баланд бардоштани ҳисси ватандӯстиву хештаншиносӣ, ҳамзистиву таҳаммулпазирӣ, ҳуввияти миллии наврасон ва ҷавонон беғаразона камари ҳиммат бубандем.

Ҷабборов И.Р.
омӯзгори ДДХ ба номи
академик Б.Ғафуров

Шарҳ додан


Защитный код
Нав кардан

ШУМО ДАР: Навиди Суғд Ғамхориҳои Пешвои миллат ҳамто надоранд