Хабарҳо
Давлат Сафар Изҳорот қ 1 - 27.05.2020 01:27
Дар доираи сафари корӣ ба ноҳияи Деваштич Раиси вилоят аз рафти кишти картошка боздид намуда бо кишоварзон мулоқот кард - 26.05.2020 19:43
Шиносоии Раиси вилоят бо ҷараёни корҳои сохтмонӣ дар ноҳияи Деваштич - 26.05.2020 18:45
Раиси вилоят ҷавонони маъюбро аёдат намуд - 26.05.2020 18:38
Раиси вилоят Раҷаббой Аҳмадзода аз рафти корҳои саҳрои ва аз худ кардани заминҳои нав дар ноҳияи Деваштич шинос шуд - 26.05.2020 18:26
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40

Шиносоии Раиси вилоят бо рафти корҳои ободониву созандагӣ дар ноҳияи Зафаробод

( 0 Овоз )

Раиси вилояти Суғд Раҷаббой Аҳмадзода дар доираи сафари кории худ ба ноҳияи Зафаробод бо вазъи кунунии Қасри фарҳанги шаҳраки Зафаробод шинос гардид.

Чуноне иттилоъ дода шуд, Қасри фарҳанг соли 1971 бунёд ёфта, толори он барои 487 ҷойи нишаст пешбинӣшуда буд. Масоҳати худи бино 3200 метри мураббаъ буда, дар маҷмуъ майдони гирду атроф ва пайраҳаҳо 0,90 гектарро дар бар мегирад. Бинои Қасри фарҳанг соли 2015 қисман таъмир гардида, айни замон таъмирталаб мебошад. Алҳол дар ин иншооти фарҳангӣ 12 нафар фаъолият дошта, 9 маҳфили гуногун амал менамояд. Дар бинои қаср бахши фарҳанг, китобхонаи марказӣ, китобхонаи бачагона, ансамбли шашмақомсароёни «Навои дил», ансамбли халқии тарона ва рақси «Зафар» ва осорхонаи таърихии ноҳия фаъолият мебаранд.

Раиси вилоят паз аз шиносоӣ бо вазъи кунунии Қасри фарҳанг ба сохтмончиёну лоиҳакашон дастур дод, ки лоиҳаи азнавсозии онро пешниҳод намоянд.

Дар идомаи сафар Раиси вилоят дар Ҷамоати шаҳраки Зафаробод бо ҷараёни сохтмони кӯдакистони хусусӣ, ки аз ҷониби соҳибкор Шаҳло Кенҷаева бунёд гардида истодааст, ошно шуд. Кӯдакистон бо тарзу усули меъмории замонавӣ барои 100 нафар кўдак бо ташкил намудани 4 гурўҳ сохта мешавад. Майдони умумии кўдакистон 0,23 га буда, ба иттилои масъулин дар кӯдакистон барои омӯзиши забонҳои русӣ ва англисӣ шароитҳо фароҳам оварда мешавад.

Сипас, Раиси вилоят аз Боғи фарҳангӣ - фароғатии ноҳия дидан намуда, бо лоиҳаи иншооти таҷдидшаванда шинос шуд. Чуноне таъкид гардид, бо маблағгузории мақомоти иҷроияи ҳокимияти давлатии вилоят Боғи фарҳангӣ-фароғатии ноҳия азнавсозӣ карда шуда, ба макони воқеии истироҳату фароғати сокинон табдил дода мешавад.

Ба иттилои масъулин майдони умумии Боғи фароғатӣ - фарҳангии ноҳия 8,3 гектарро ташкил медиҳад. Боғи мазкур дар мувозинаи бахши фарҳанги ноҳия буда, барои нигоҳубин ва обёрӣ намудан ба хоҷагии манзилию комуналии ноҳияи Зафаробод вобаста карда шудааст. Дар боғи мазкур муҷассамаи фотеҳони Мирзочўл қомат афрохта, атрофи онро дарахтони ҳамешасабз ороиш медиҳад. Дар майдони боғ зиёда аз 730 адад дарахтони ороишӣ, сояафкан, ҳамешасабз ва мевадиҳанда мавҷуд аст.

Раиси вилоят Раҷаббой Аҳмадзода ба масъулин дастур дод, ки корҳои сохтмону навсозиро бо сифату тарҳи муосир ба анҷом расонанд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шиносоии Раиси вилоят бо рафти корҳои ободониву созандагӣ дар ноҳияи Зафаробод