Хабарҳо
Баргузории машқи мукаммали зернизоми Низоми ягонаи давлатӣ оид ба пешгирӣ ва рафъи оқибатҳои ҳолатҳои фавқулодда - 19.04.2019 17:05
Шиносоии Раиси вилоят бо рафти кишти пахта дар Конибодом - 19.04.2019 17:01
Ғолибияти донишҷӯни тоҷик дар олимпиадаи байналхалқӣ - 19.04.2019 16:50
Пешвои миллат Эмомалӣ Раҳмон бо Котиби давлатии Вазорати Аврупо ва корҳои хориҷии Ҷумҳурии Франсия Жан-Батист Лемуан мулоқот намуданд - 19.04.2019 11:05
Ба истиқболи 30-солагии Истиқлолият дар Конибодом то имрӯз 153 иншооти гуногун мавриди истифода қарор дода шуд - 19.04.2019 08:44
Гузориш аз ҷои воқеа: "Вақте даъватшаванда Анӯшервон Шомирсаидов бо ҳисси баланди ватандорӣ сухан меронд..." - 19.04.2019 08:29
“Хизмати Ватан – Модар вазифаи мо - ҷавонмардон аст” - 18.04.2019 16:04
"Хуҷанд" дастаи "Дордой"-и Қирғизистонро бо ҳисоби 3:1 шикаст дод - 18.04.2019 09:47
Тақвияти ҳамкориҳо миёни соҳибкорони вилояти Суғд ва истеҳсолкунандагони маҳсулоти кишоварзии вилояти Хатлон дар самти содироти маҳсулот - 18.04.2019 09:03
Миёни Ҷумҳурии Тоҷикистон ва Федератсияи Россия санадҳои нави ҳамкорӣ ба имзо расиданд - 18.04.2019 08:25

Боздиди Раиси вилоят аз Муассисаи давлатии кабудизоркунии шаҳри Хуҷанд ва гармхонаҳои соҳибкор Сироҷиддин Набиҷонов

( 0 Овоз )
  • Пешина
  • 1 of 4
  • Минбаъда

8 январи соли 2018 Раиси вилояти Суғд Раҷаббой Аҳмадзода бо мақсади шиносоӣ бо фаъолияти Муассисаи давлатии кабудизоркунии шаҳри Хуҷанд аз ин муассиса боздид намуд.

Дар аснои боздид ба Раиси вилоят иттилоъ дода шуд, ки масоҳати умумии Муассисаи давлатии кабудизоркунии шаҳри Хуҷанд ҳашт гектарро ташкил мекунад ва дар он панҷ гармхона фаъолият дошта, дар бархе аз онҳо парвариши гулҳои мавсимӣ ба роҳ монда шудааст.

Раиси вилоят ҳангоми шиносоӣ аз фаъолияти сусти Муассисаи давлатии кабудизоркунии шаҳри Хуҷанд изҳори нигаронӣ намуда, холӣ мондани заминҳои обиро нишони бетаваҷҷуҳии масъулин арзёбӣ кард.

Аз истифода берун мондани қисми муайяни замин дар ин муассиса як тарафи масъала бошад, фаъолият накардани бархе аз гармхонаҳо мушкилоти дигарест, ки бояд ба зудӣ ҳал карда шавад. Раиси вилоят бо назардошти вазъи муассиса ба роҳбарияти шаҳри Хуҷанд, Сарраёсати ободонии шаҳр ва дигар шахсони масъул супориш дод, ки дар кутоҳтарин фурсат гармхонаҳо таъмир ва ба кор омода карда шаванд.

Дар баробари ин, масъулин бояд барои анҷом додани корҳои деворбандии ҳудуди муассиса, ба тартиб даровардани дарахтон, самаранок истифода намудани гармхонаҳо, ташкили гармхонаҳои замонавӣ, шинонидани беш аз даҳ навъи ниҳол ва парвариши он чораҳои зарурӣ андешанд.

Сипас, Раиси вилоят ба ноҳияи Бобоҷон Ғафуров ташриф оварда, бо фаъолияти гармхонаҳои соҳибкор Сироҷиддин Набиҷонов шинос гардид. Чуноне иттилоъ дода шуд, Сироҷиддин Набиҷонов дар ҳашт гармхона парвариши сабзавоти барвақтиро ба роҳ монда, бо заҳмати шабонарӯзӣ дар як сол се маротиба ҳосил ба даст меоварад. Имрӯзҳо дар гармхонаҳои соҳибкор барои кӯчати бодиринг корҳои омодагӣ оғоз гардида, парвариши бодиринги навъи “Орзу” ба роҳ монда хоҳад шуд. Гуфта шуд, ки аҳли заҳмат аз як гармхона то 15 тонна ҳосил ба даст меоранд ва маҳсулоти тару тоза ба бозорҳо бароварда мешавад.

Раиси вилоят ба фаъолияти назарраси соҳибкор баҳои баланд дода, иброз дошт, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба масъалаи беҳтар намудани таъминоти бозори истеъмолӣ бо маҳсулоти босифати кишоварзӣ таваҷҷуҳи хоса зоҳир намуда буданд. Бинобар ин, ҳар яки моро зарур аст, ки барои зиёд намудани масоҳати гармхонаву сардхонаҳо тадбирҳои заруриро амалӣ созем. Дар ин раванд ба Сироҷиддин Набиҷонов низ тавсия дода шуд, ки доираи фаъолиятро васеъ намуда, ҷиҳати ташкили гармхонаҳои нав камари ҳиммат бандад.

Ёдовар бояд шуд, ки дар ноҳияи Бобоҷон Ғафуров наздик 150 гармхона мавҷуд буда, дар онҳо маҳсулоти гуногуни кишоварзӣ истеҳсол карда мешавад.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навиди Суғд Боздиди Раиси вилоят аз Муассисаи давлатии кабудизоркунии шаҳри Хуҷанд ва гармхонаҳои соҳибкор Сироҷиддин Набиҷонов