Хабарҳо
Ғолибони 20 - рӯзаи дуюми маъракаи пахтачинӣ бо туҳфаҳо қадршиносӣ шуданд - 23.10.2019 15:51
Баргузории иҷлосияи бистуми Маҷлиси вакилони халқи вилояти Суғд, даъвати панҷум - 23.10.2019 15:57
Пешвои миллат Эмомалӣ Раҳмон бо як гурӯҳ иштирокчиёни Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» мулоқот карданд - 22.10.2019 16:42
Пешвои миллат Эмомалӣ Раҳмон дар Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» иштирок намуданд - 22.10.2019 16:37
Иброҳим Усмонов: Худшиносӣ тӯфон буд! - 22.10.2019 13:21
Дар Исфара оид ба «Нақши ҷамоатҳои шаҳрак ва деҳот дар рушди иҷтимоӣ–иқтисодии маҳал» машварати омӯзишӣ сурат мегирад - 22.10.2019 10:10
Суғд: То имрӯз 91 913 тонна пахта ҷамъоварӣ карда шуд - 21.10.2019 15:58
Мастчоҳ. Раҷаббой Аҳмадзода собиқадорони меҳнатро аёдат намуд - 21.10.2019 15:53
Ифтитоҳи майдончаи варзишӣ дар Ҷамоати деҳоти Оббурдони ноҳияи Мастчоҳ - 21.10.2019 15:21
Мастчоҳ. Раҷаббой Аҳмадзода ба чинакчиёни беҳтарин туҳфаҳо тақдим кард - 21.10.2019 14:59

Навиди Суғд

Дар Исфара оид ба «Нақши ҷамоатҳои шаҳрак ва деҳот дар рушди иҷтимоӣ–иқтисодии маҳал» машварати омӯзишӣ сурат мегирад

( 0 Овоз )

Имрӯз дар шаҳри Исфара дар мавзӯи «Нақши ҷамоатҳои шаҳрак ва деҳот дар рушди иҷтимоӣ–иқтисодии маҳал» смашварати омӯзишӣ оғоз мегардад.

Тибқи иттилои АМИТ «Ховар» машварати мазкур бо ташаббуси Кумитаи рушди маҳали назди Президенти Ҷумҳурии Тоҷикистон ва Донишкадаи идоракунии давлатии назди Президенти Ҷумҳурии Тоҷикистон доир мегардад.

Дар семинар намояндагон аз Кумитаи рушди маҳал, Донишкадаи идоракунии давлатии назди Президенти Ҷумҳурии Тоҷикистон, раисони маҳаллаю ҷамоатҳои шаҳри Исфара, ноҳияҳои Темурмалик ва Кӯшониёни вилояти Хатлон иштирок менамоянд.

Ҳадаф аз баргузории машварати омӯзишӣ- ин баланд бардоштани нақши ҷамоатҳои шаҳрак ва деҳот дар рушди иҷтимоӣ–иқтисодии маҳал ва саҳм гузоштани шаҳрвандон дар ободонии маҳали зисташон  мебошад.

Машварати омӯзишӣ ба Солҳои рушди деҳот, сайёҳӣ ва ҳунарҳои мардумӣ бахшида шуда, то 23 октябр идома меёбад.

Дар назар аст, ки дар интиҳои даври омӯзишӣ ба иштироккунандагон сертификат  дода шавад.

Хадамоти матбуоти
Раиси вилояти Суғд

 

Суғд: То имрӯз 91 913 тонна пахта ҷамъоварӣ карда шуд

( 0 Овоз )

Дар вилояти Суғд ҷамъоварии пахта муташаккилона идома дошта, тибқи маълумоти фаврӣ то 21 октябр 91 913 тонна “тиллои сафед” ҷамъоварӣ гардидааст, ки ин ба 71,2 фоизи нақша баробар аст.

Баргузории иҷлосияи нуздаҳуми Маҷлиси вакилони халқи шаҳри Хуҷанд, даъвати панҷум

( 0 Овоз )

Дар толори Мақомоти иҷроияи ҳокимияти давлатии шаҳри Хуҷанд иҷлосияи нуздаҳуми Маҷлиси вакилони халқи шаҳри Хуҷанд, даъвати панҷум доир гардид.

Вакилони Маҷлиси вакилони халқи шаҳри Хуҷанд нахуст рафти татбиқи қарори Ҳукумати Ҷумҳурии Тоҷикистон аз 29 майи соли 2010, № 269 “Дар бораи тасдиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011 – 2020” дар шаҳри Хуҷандро мавриди баррасӣ қарор доданд.

Аз рӯйи масъалаи мазкур Фирӯза Нуруллозода, муовини раиси шаҳри Хуҷанд баромад карда, иброз дошт, ки имрўзҳо сафи занон дар ҳамаи сохторҳои ҷамъият зиёд гардида, бонувон дар радифи мардон барои ободу зебо ва рушду нумўъ бахшидани сарзамини азизамон камари ҳиммат бастаанд.

Иттилоъ дода шуд, ки санаи 24 августи соли равон Роҳбари Дастгоҳи иҷроияи Президенти Ҷумҳурии Тоҷикистон Раҳмон Озода Эмомалӣ сафири Созмони байналмилалии “Занони сиёсатмадори роҳбар” таъин гардид ва ба чунин мақом сазовор донистани зани сиёсатмадори тоҷик аз ҷониби созмони байналмилалии мазкур дар таърихи Тоҷикистони соҳибистиқлол бори аввал буда, аз он шаҳодат медиҳад, ки сиёсати баланд бардоштани мақоми зан дар ҷомеа, ки аз ҷониби роҳбарияти сиёсии давлати Тоҷикистон амалӣ мегардад, дар арсаи байналмилалӣ низ натиҷаҳои матлуб ба бор оварда истодааст.

Дар баррасии масъалаи мазкур вакилон Муяссар Раҳимова ва Мадина Набизода баромад намуда, андешаҳои хешро баён доштанд.

Сипас, ҳисоботи комиссияи доимии Маҷлиси вакилони халқи шаҳри Хуҷанд оид ба масъалаҳои ҳифзи иҷтимоӣ, сиҳатии омма, ҳифзи табиат, масоили оила ва занон ва ҳисоботи вакили Маҷлиси вакилони халқи шаҳри Хуҷанд аз ҳавзаи интихоботии “Дуредгарон”, № 6 Мақсуд Зиёбоев ба самъи вакилон расонида шуд.

Вакилон масъалаи номгузории объектҳои физикию ҷуғрофӣ оид ба иваз намудани номи кўчаи Грибоедов ба номи Қодир Раҳимов, гузоштани лавҳаи хотиравии Зиё Зиёбоев ба кўчаи Хуҷанд, ҳавлии №67, гузоштани лавҳаи хотиравии иштирокчии Ҷанги Бузурги Ватанӣ Муҳаммадҷон Тоиров ба суроғаи шаҳри Хуҷанд, маҳаллаи Баҳор, бинои №7, лавҳаи хотиравии Орипова Гавҳар ба гимназияи № 24 баъди баррасӣ онро якдилона тасдиқ намуданд.

Ҳамчунин вакилон қарорҳои раиси шаҳри Хуҷанд оид ба масоили кадриро тасдиқ намуданд.

Зайнура Азимӣ, муовини Раиси вилояти Суғд доир ба масоили баррасишуда дар иҷлосия баромад намуда, андешаҳои хешро баён дошт.

Хадамоти матбуоти
Раиси вилояти Суғд


Иштироки намояндагони вилояти Суғд дар намоишгоҳ ва форуми «Ули дала ели»-и шаҳри Нур-Султон

( 0 Овоз )

Рӯзҳои 11-12 октябри соли ҷорӣ бо ибтикори Палатаи миллии соҳибкорони Ҷумҳурии Қазоқистон дар шаҳри Нур-Султон намоишгоҳ ва форуми «Ули дала ели» доир гардид, ки дар он намояндагони вилояти Суғд низ иштирок намуданд.

Дар асоси даъвати баргузоркунандагон бо мусоидати Мақомоти иҷроияи ҳокимияти давлатии вилояти Суғд гурӯҳи ҳунармандон, намояндагони ширкатҳои сайёҳиву осоишгоҳҳо бо мақсади муаррифӣ намудани маҳсулоти ҳунарҳои мардумӣ ва минтақаҳои сайёҳии Тоҷикистон бо  пешниҳоди намунаҳои маҳсулоту хизматрасониҳо дар ин чорабинӣ иштирок намуданд.

Дар намоишгоҳ аз ҷониби ҳунармандони вилоят намунаҳои атласу адрас, қолинҳои дастӣ, ҷомаю тоқии зардузӣ, ҷамъ сад номгӯи маҳсулоти ҳунарҳои мардумӣ ба намоиш гузошта шуда, аз ҷониби Осоишгоҳи «Зумрад» икониятҳо ва шароити истироҳату табобатии осоишгоҳ муарифӣ карда шуданд.

Дар доираи чорабинӣ инчунин форуми соҳаи ҳунарҳои халқӣ ва рушди сайёҳӣ доир гардид, ки дар он  ҳунармандони вилояти Суғд иштирок карда, бо коршиносон вохӯриву мулоқотҳо гузарониданд.

Аз ҷониби Палатаи миллии соҳибкорони Ҷумҳурии Қазоқистон барои иштироки фаъолона ва ороиши хуби ғурфаҳои намоишӣ ҳунармандон ва Палатаи савдо ва саноати вилоят бо сипосномаҳо сарфароз гардонида шуданд.

Бо назардошти ҷолибият ва мавҷудияти талабот ба маҳсулотҳои ҳунарҳои мардумии халқи тоҷик дар доираи намоишгоҳ бо пешниҳоди Сафири Ҷумҳурии Тоҷикистон дар Ҷумҳурии Қазоқистон Хайрулло Ибодзода ва намояндагони Палатаи миллии соҳибкорони Ҷумҳурии Қазоқистон мувофиқа гардид, ки дар шаҳри Нур-Султон як гӯшаи маълумотии сайёҳӣ ва маркази фурӯши маҳсулоти ҳунарҳои мардумии Ҷумҳурии Тоҷикистон ташкил карда шавад.

Ёдовар мешавем, ки дар  намоишгоҳ зиёда аз 157 ширкат аз кишварҳои гуногуни олам, аз он ҷумла Испания, Зеландияи Нав, Ӯзбекистон, Қазоқистон ва дигарон иштирок доштанд.

Хадамоти матбуоти
Раиси вилояти Суғд


Баргузории ҷаласаи навбатии ҳайати мушовараи Раёсати маорифи вилояти Суғд

( 0 Овоз )

Дар маҷлисгоҳи муассисаи таҳсилоти миёнаи умумии рақами 16-и шаҳри Хуҷанд бо иштироки муовини Раиси вилоят Зайнура Азимӣ ҷаласаи навбатии ҳайати мушовараи Раёсати маорифи вилояти Суғд баргузор гардид.

ШУМО ДАР: Навиди Суғд