Хабарҳо
Баргузории Форуми соҳибкорони шаҳри Исфара дар мавзӯи «Саҳми соҳибкорӣ ва сармоягузорӣ дар рушди иқтисодию иҷтимоӣ ва пешрафти ҷомеа» - 18.02.2019 15:24
Оғози сохтмони бинои нави Маркази стандартизатсия, метрология, сертификатсия ва нозироти савдои вилояти Суғд - 18.02.2019 13:12
Дар КИ ҲХДТ дар шаҳрҳои Бӯстону Истаравшан раисони нав интихоб шуданд - 18.02.2019 11:59
Нишасти навбати маҳфили “Ганҷи сухан” дар деҳаи Ғӯлакандози ноҳияи Ҷаббор Расулов доир шуд - 18.02.2019 11:51
Оғози бунёди токзори нав дар Муассисаи давлатии Боғи миллии “Ваҳдат” - 18.02.2019 11:11
Мулоқоти Раиси вилоят бо раиси Раёсати Бонки давлатии амонатгузории Тоҷикистон “Амонатбонк” Сироҷиддин Икромӣ - 18.02.2019 10:04
Дар маркази вилоят истгоҳҳои нав мавриди баҳрабардорӣ қарор гирифт - 18.02.2019 09:01
ИЗҲОРОТИ ВКД ҶТ: «Гадоев Шарофиддин Мирзоалиевич аз кирдораш пушаймон шуда, ба Ватан баргашт» - 15.02.2019 16:31
Дар саҳни бинои Мақомоти иҷроияи ҳокимияти давлатии вилоят ниҳолҳои ороишӣ шинонида шуд - 15.02.2019 16:24
Шарофиддин Гадоев аз кирдорҳои кардааш самимона пушаймон шуда, ихтиёран ба Ватан баргашт - 15.02.2019 15:52

Шиносоии Раиси вилоят бо ҷараёни сохтмони иншооти гуногун дар шаҳри Хуҷанд

( 0 Овоз )
  • Пешина
  • 1 of 10
  • Минбаъда

11 июли соли равон Раиси вилояти Суғд Раҷаббой Аҳмадзода зимни боздиди корӣ аз шаҳри Хуҷанд бо ҷараёни сохтмони иншооти гуногун шинос гардид.

Раиси вилоят сараввал ба Маркази техникии Идораи телевизион ва радиои вилояти Суғд ташриф оварда, бо рафти сохтмони бинои иловагии он аз наздик ошноӣ пайдо кард. Бинои иловагӣ дар назди Маркази техникии Идораи телевизион ва радиои вилоят бо маблағгузории мақомоти иҷроияи ҳокимияти давлатии вилоят бунёд гардида, барои фаъолияти кормандон шароитҳои зарурӣ фароҳам оварда мешавад.

Раиси вилоят зимни суҳбат бо кормандони Идораи телевизион ва радиои вилоят иброз дошт, кителевизион воситаи муҳими тарбия аст, бинобар ин, ҳар як барномаи он бояд ҳадафе дошта бошад, то инсонҳоро ба роҳи рост ҳидоят намояд. Раҷаббой Аҳмадзода бо ёдоварӣ аз саҳми назарраси кормандони телевизион дар инъикоси чорабиниҳои муҳими давлатӣ ва тарғиби сиёсати пешгирифтаи Ҳукумати Ҷумҳурии Тоҷикистон ба роҳбарияти он ҷиҳати боз ҳам беҳтар намудани мазмун ва мундариҷаи барномаҳо, инчунин ташкили барномаҳои махсус барои кӯдакон тавсияҳои муфид дод.

Ёдовар бояд шуд, ки Телевизиони вилояти Суғд соли 1991 таъсис ёфта, дар давоми 27 соли фаъолияти худ ҷиҳати тарғибу ташвиқи сиёсати пешгирифтаи Ҳукумати Ҷумҳурии Тоҷикистон ва инъикоси воқеаҳои муҳимтарини таърихи навини давлатдории тоҷикон, аз ҷумла Иҷлосияи таърихии XVI Шӯрои Олии Ҷумҳурии Тоҷикистон нақши барҷаста дорад.

Сипас, Раиси вилоят аз бинои шуъбаи табобати нурии Маркази саратоншиносии вилояти Суғд боздид намуд. Бинои мазкур бо дастгирии молиявии мақомоти иҷроияи ҳокимияти давлатии вилоят бунёд гардида, пас аз насби пурраи таҷҳизот ва дастгоҳҳои тиббӣ ба мардум хизмат мерасонад. То имрӯз аз ҷониби ташкилоти байналмилалии МАГАТЭ дастгоҳи нурафкании “ТЕРАБАЛТ” ворид карда шудааст ва дар оянда воридсозии дигар дастгоҳҳои зарурӣ ба нақша гирифта шудааст.

Соли ҷорӣ хонандагону омӯзгорони гимназияи рақами якуми шаҳри Хуҷанд соҳиби бинои хуштарҳу замонавӣ мегарданд. Бинои сеошёнаи таълимӣ дорои 31 синфхона ва маҷлисгоҳу ошхона мебошад. Фармоишгари иншоот Идораи сохтмони асосии вилоят буда, пудратчиён ҶДММ “Сохтмончӣ-1” ва ҶДММ “Юсуф-2016” мебошанд.

Дар аснои шиносоӣ бо рафти сохтмони бинои таълимӣ Раиси вилоят ба масъулин ҷиҳати дар муҳлати пешбинишуда ва бо сифати баланд ба истифода додани бино дастуру супоришҳои мушаххас дод.

Дар ҳамин мавзеъ Раиси вилоят бо рафти таъмиру навсозии Қасри ҷавонони ба номи Лоиқ Шералӣ ошно шуд ва масъулинро барои вусъат бахшидани корҳои сохтмонӣ вазифадор намуд. Қасри мазкур, ки макони асосии машғулият ва баргузории чорабиниҳои ҷавонон мебошад, дар вазъи таъмирталаб қарор дошт ва бо маблағгузории мақомоти иҷроияи ҳокимияти давлатии вилоят навсозӣ кард мешавад. Айни замон барои анҷоми корҳои сохтмонӣ мутахассисони ҶДММ “Шаҳрсохтмон” ба кор ҷалб гардидаанд.

Хадамоти матбуоти
Раиси вилояти Суғд















Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо ҷараёни сохтмони иншооти гуногун дар шаҳри Хуҷанд