Хабарҳо
Ба имзо расидани як қатор қонунҳо аз ҷониби Президенти Ҷумҳурии Тоҷикистон - 20.06.2019 17:09
Баргузории конференсияи ҷумҳуриявии «Бузургии модарон дар Ваҳдат аст!» - 20.06.2019 16:53
Дар Хуҷанд таҳти унвони "Ҳамкории иқтисодӣ-иҷтимоӣ ва фарҳангии Тоҷикистону Ӯзбекистон:таърих ва замони муосир" конфронс доир мешавад - 20.06.2019 15:15
Суғд: Даври вилоятии озмуни ҷумҳуриявии "Тоҷикистон - Ватани азизи ман" гузаронида мешавад - 20.06.2019 10:19
Рӯзҳои 21 - 22 июн Ярмаркаи VI байналмилалии савдо "Суғд-2019" гузаронида мешавад - 20.06.2019 10:02
Сайҳун: Эҳтиёҷмандон соҳиби замин шуданд - 19.06.2019 16:44
Миёни аксбардорони касбиву ҳаваскор озмуни “Акси зебои кишварам” гузаронида мешавад - 19.06.2019 13:39
Нашри китобҳои «Масъалаҳои мубрами журналистика» ва «Масъалаҳои матбуоти маҳаллии ҳавзаи Суғд дар шароити ҷаҳонишавӣ» - 19.06.2019 11:21
Дар ноҳияи Деваштич наздик 100 иншооти ҷашнӣ мавриди истифода қарор дода шуд - 17.06.2019 15:06
Пешвои миллат Эмомалӣ Раҳмон Ноиби Президенти Бонки Рушди Осиё Шиксин Ченро ба ҳузур пазируфтанд - 19.06.2019 08:40

Машварати кории назди Раиси вилояти Суғд

( 0 Овоз )
  • Пешина
  • 1 of 4
  • Минбаъда

Видео :Машварати кории назди Раиси вилояти Суғд 11 июни соли равон дар маҷлисгоҳи Мақомоти иҷроияи ҳокимияти давлатии вилояти Суғд таҳти раёсати Раиси вилоят Раҷаббой Аҳмадзода машварати корӣ баргузор шуд.

Дар кори машварат муовини якуми Раиси вилоят, муовинони Раиси вилоят, раисони шаҳру ноҳияҳо, роҳбарони воҳидҳои сохторӣ ва дигар шахсони масъул иштирок намуданд. Дар рафти машварат Раиси вилоят Раҷаббой Аҳмадзода қайд намуд, ки бо мақсади омодагии ҳамаҷониба ба ҷашни 30 - солагии Истиқлолияти давлатии Ҷумҳурии Тоҷикистон тибқи Амри Президенти Ҷумҳурии Тоҷикистон аз 22 –юми майи соли 2018 аз ҳисоби аъзои Ҳукумати Ҷумҳурии Тоҷикистон, кормандони масъули Дастгоҳи иҷроияи Президенти Ҷумҳурии Тоҷикистон, роҳбарони идораҳо ва мақомоти марказии ҳокимияти давлатӣ дар вилоят, шаҳр ва ноҳияҳо гуруҳҳои корӣ таъсис дода шудаанд. Тибқи Амри мазкур гуруҳҳои корӣ вазифадор гардидаанд, ки якҷоя бо мақомоти иҷроияи маҳаллии ҳокимияти давлатӣ дар муҳлати ду моҳ нақшаи корҳои ободонию бунёдкориро ба муносибати 30 - солагии Истиқлолияти давлатии Ҷумҳурии Тоҷикистон дар вилоят, шаҳр ва ноҳияҳо таҳия ва тибқи тартиби муқарраргардида тасдиқ карда, иҷрои онро то 1-уми сентябри соли 2021 таъмин намоянд. Дар асоси Амри мутазаккираи Президенти Ҷумҳурии Тоҷикистон Амри Раиси вилоят ба тасвиб расида, мувофиқи он  аз ҳисоби роҳбарони воҳидҳои сохтории вилоят як нафарӣ ба шаҳру навоҳӣ вобаста карда шудаанд. Шахсони мутасаддӣ вазифадоранд, ки дар якҷоягӣ бо гурӯҳҳои корӣ дар муҳлати кутоҳ нақшаи корҳои ободонию бунёдкориро ба муносибати 30 - солагии Истиқлолияти давлатии Ҷумҳурии Тоҷикистон дар вилоят, шаҳр ва ноҳияҳо таҳия ва пешниҳод созанд.

Дастур дода шуд, ки ҳар як ҷамоати шаҳраку деҳоти шаҳру навоҳӣ дар алоҳидагӣ омӯхта шуда, барои бунёди иншооти зарурӣ, аз қабили мактабу кӯдакистонҳо, бунгоҳҳои тиббӣ, чойхона, иншооти соҳаи фарҳанг, сартарошхонаву ҳаммом, кошонаи ҳусн нақшаи корӣ тартиб дода шавад.

Масъулин ва раисони шаҳру ноҳияҳо вазифадор карда шуданд, ки дар ҳамкорӣ бо гурӯҳҳои корӣ барои сари вақт омода намудани нақшаи корҳои бунёдкорӣ чораҳои зарурӣ андешанд. Дар ин замина зарур дониста шуд, ки пеш аз ҳама барои фаъол гардонидани корхонаҳои аз фаъолият бозмонда, таъмири мактабҳои садамавӣ, беҳтар намудани вазъи таъминоти оби нӯшокӣ, беҳтар намудани ҳолати роҳҳои мошингард ва ҳалли дигар мушикилоти мавҷуда таваҷҷуҳи бештар равона гардад.

Дар машварати корӣ ҳамзамон масъулин вазифадор гардиданд, ки ҷиҳати ҷалби хонандагон ба истироҳатгоҳҳои тобистона, аёдати шахсони яккаву танҳо, дастгирии ятимону ниёзмандон дар арафаи Иди саиди Фитр, истифодаи самараноки замин, баланд бардоштани ҳосилнокии пахтаву картошка, ҷамъоварии меваву сабзавот, захираи хӯроки чорво ва омодагиҳо ба зимистонгузаронӣ таваҷҷуҳи махсус зоҳир намоянд.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Машварати кории назди Раиси вилояти Суғд