Хабарҳо
Баргузории семинари дастурдиҳӣ ва омӯзишӣ дар Раёсати маорифи вилояти Суғд - 20.11.2019 15:05
Президенти Ҷумҳурии Тоҷикистон Эмомалӣ Раҳмон аз 11 сафири навтаъйини кишварҳои хориҷӣ эътимоднома қабул намуданд - 20.11.2019 13:25
Кишоварзони вилояти Суғд нақшаи истеҳсоли пахтаро 100% иҷро намуданд - 20.11.2019 13:10
21 ноябр маросими ҷамъбастии Озмуни ҷумҳуриявии «Беҳтарин шеъри бачагона» баргузор хоҳад шуд - 20.11.2019 10:10
Шиносоии Раиси вилоят бо ҷараёни корҳои ободонӣ дар шаҳри Панҷакент - 19.11.2019 13:12
Ба истиқболи 5500-солагии шаҳраки Саразми бостонӣ дар Панҷакент наздик 30 иншоот бунёд мегардад - 19.11.2019 11:57
Дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ доир шуд - 16.11.2019 15:59
Ғолибони мусобиқаи ҷумҳуриявӣ оид ба шиноварӣ муайян гардиданд - 16.11.2019 15:55
Дар Қасри таърихии Арбоб бахшида ба Рўзи Президенти Ҷумҳурии Тоҷикистон ҷамъомади тантанавӣ доир шуд - 16.11.2019 13:46
Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол - 15.11.2019 17:11

Оғози мумфаршкунии роҳҳо дар Конибодом

( 0 Овоз )
  • Пешина
  • 1 of 3
  • Минбаъда

29 майи соли равон Раиси вилояти Суғд Раҷаббой Аҳмадзода ба шаҳри Конибодом сафари корӣ анҷом дода, ба корҳои таъмиру мумфаршкунии роҳҳо оғоз бахшид.

Дар ин рӯз мумфаршкунии роҳи кӯчаҳои ба номи Мамадхӯҷа Олимов, Латифҷон Ҳасанов ва кӯчаи Мири шаҳр шурӯъ шуд. Раиси вилоят қабл аз оғози корҳо бо сокинони шаҳр суҳбатҳо намуда, аз рафти корҳои ободониву бунёдкорӣ дар шаҳру ноҳияҳои вилоят ёдоварӣ кард. Раҷаббой Аҳмадзода иброз дошт, ки бо мақсади дар сатҳи баланд таҷлил намудани 30-солагии Истиқлолияти Ҷумҳурии Тоҷикистон ва Фармони марбутаи Президенти Ҷумҳурии Тоҷикистон дар қаламрави вилоят “1300 рӯзи меҳнати зарбдор” эълон гардидааст ва дар доираи ин иқдом дар тамоми шаҳру ноҳияҳои вилоят, аз ҷумла шаҳри Конибодом корҳои бунёдкорӣ ҷараён дорад.

Қайд карда шуд, ки соли равон мардуми сарбаланди мамлакат 21-умин солгарди Рӯзи Ваҳдати миллиро ҷашн мегирад ва чорабинии ҷумҳуриявии Иди Ваҳдат дар шаҳри Конибодом доир мешавад. Аз ин рӯ, мардуми шаҳри бостониро зарур аст, ки барои ободу зебо намудани маҳалли зисти худ камари ҳиммат банданд.

Раиси вилоят илова намуд, ки бо ҳидоятҳои Пешвои миллат муҳтарам Эмомалӣ Раҳмон дар маҳалҳо ва деҳаҳои калони шаҳру ноҳияҳо бунгоҳҳои тиббӣ, сартарошхонаву кошонаи ҳусн, ҳаммом, майдончаҳои варзишӣ, боғу гулгаштҳо таъсис дода мешавад ва соҳибкорону саховатмандон бояд дар иҷрои амалҳои нек ва бунёди чунин иншоот фаъол бошанд.

Сипас, чанде аз сокинон аз ҷумла Моҳиҷон Тӯхтабоева, Тӯтӣ Шарипова, Ғафурҷон Ҳакимов ва хонандаи синфи 11-и мактаби таҳсилоти миёнаи умумии №4 Шукрона Абдуллоева сухан гуфта, миннатдории мардуми минтақаро барои анҷоми корҳои ободонӣ баён доштанд.

Ҷойизи зикр аст, ки дарозии умумии роҳҳои таъмиршаванда беш аз 3 километрро ташкил медиҳад. Фармоишгарон Идораи сохтмони асосии вилоят ва Вазорати нақлиёт буда, пудратчиён ҶДММ “Ваҳдат-2018” ва ҶДММ “Вектор-М” мебошанд.

Хадамоти матбуоти
Раиси вилояти Суғд




Шарҳ додан


Защитный код
Нав кардан

ШУМО ДАР: Навид Оғози мумфаршкунии роҳҳо дар Конибодом