Хабарҳо
ТАДЖИКИСТАН: ОТ ШКОЛЬНОГО ИЗГОЯ ДО ГУРУ ПРОПАГАНДЫ «ИСЛАМСКОГО ГОСУДАРСТВА» - 14.12.2018 17:07
Баргузории маҳфили адабӣ бахшида ба 40 солагии фаъолияти профессор Матлубаи Мирзоюнус - 14.12.2018 16:16
Иҷрокунандаи вазифаи раиси шаҳри Гулистон Фирдавс Шарифзода бо донишҷӯён мулоқот орост - 14.12.2018 14:11
Аз Паём то Паём. Дар вилояти Суғд 48 иншооти соҳаи маориф ба истифода дода шуд - 14.12.2018 13:38
Шуруъ аз 15 декабр барномаҳои солинавӣ пешниҳоди омма гардонида мешавад - 14.12.2018 13:35
Комроншоҳи Устопириён дар мусобиқаи «Guangzou Judo Masters 2018» Тоҷикистонро намояндагӣ мекунад - 14.12.2018 13:02
ПАЁМИ ТАБРИКИИ Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба иштирокдорони конфронсҳои илмии байналмилалӣ ба муносибати 400-солагии Сайидои Насафӣ ва 550-солагии Наҷмиддини Кавкабӣ - 14.12.2018 13:00
Мулоқоти Раиси вилоят Раҷаббой Аҳмадзода бо Хуан Сзян Чун - 14.12.2018 12:56
Муаррифии иҷрокунандаи вазифаи раиси шаҳри Конибодом - 13.12.2018 14:26
Н О Г У Ф Т А Ҳ О ё дар интизори аломати нуқта - 13.12.2018 23:27

Маросими муаррифии иҷрокунандаи вазифаи раиси шаҳри Исфара

( 0 Овоз )

Рӯзи 10 феврал бо иштироки иҷрокунандаи вазифаи Раиси вилоят Раҷаббой Аҳмадзода дар Мақомоти иҷроияи ҳокимияти давлатии шаҳри Исфара маросими муаррифии раиси нави шаҳр доир шуд.

Раҷаббой Аҳмадзода роҳбари нави шаҳрро ба фаъолони шаҳр муаррифӣ намуд. Зикр гардид, ки бо Фармони Президенти Ҷумҳурии Тоҷикистон аз 9 феврали соли 2018 Саломзода Сиҷоуддин иҷрокунандаи вазифаи раиси шаҳри Исфара таъин гардид. Расулзода Дилшод Ҷабборӣ бо сабаби ба кори дигар гузаштанаш аз вазифаи раиси шаҳри Исфара озод карда шуд.

Раҷаббой Аҳмадзода ба Расулзода Дилшод Ҷабборӣ, ки ҳамчун роҳбари ҷавону кордон тавонист давоми ду соли роҳбариаш барои ободу зебо намудани шаҳри Исфара саҳми арзанда гузорад, изҳори сипос намуда, ба Сиҷоуддин Саломзода барои иҷрои вазифа барори кор таманно намуд.

Дар маросими муаррифӣ иттилоъ дода шуд, ки роҳбари нави шаҳри Исфара Сиҷоуддин Саломзода соли 1989 Институти политехники Тошкент ба номи Абдурайҳон Беруниро бо ихтисоси муҳандиси кӯҳӣ-геофизик хатм кардааст. Номбурда аз соли 1989 фаъолияти меҳнатиашро ба ҳайси муҳандис-геофизик оғоз бахшида, дар вазифаҳои гуногун, аз ҷумла сардори Хадомоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон ва раиси шаҳри Турсунзода кор кардааст.

Дар идомаи ҷаласа иҷрокунандаи вазифаи раиси вилоят Раҷаббой Аҳмадзода натиҷаҳои рушди иқтисодию иҷтимоии шаҳрро мавриди таҳлил қарор дода, масъулинро вазифадор кард, ки дар семоҳаи аввали соли равон ҷиҳати ислоҳи камбудиҳо дар самтҳои алоҳидаи фаъолият ва таъмини рушди устувори иқтисодиёту иҷтимоиёти шаҳр тадбирҳои амалӣ андешанд.

Дар ин радиф, таваҷҷуҳи фаъолон, масъулини сохторҳои марбута ва сарварони ҷомеаҳои меҳнатӣ ба иҷроиши нақшаи кисми даромади буҷет, пурра ба кор андохтан ва истифодаи самаровари иқтидорҳои истеҳсолии корхонаҳои мавҷуда, роҳандозии самтҳои нави истеҳсолӣ ва таъмини рушди бемайлони соҳаи саноат, эҳёи дигарбораи шуҳрати Исфара ҳамчун шаҳри саноатӣ, ба шаҳри содиркунандаи маҳсулоти саноативу кишоварзӣ табдил додани Исфара, инчунин ҷамъоварии пурраи маблағҳои об ва барқи истифодашуда ҷалб карда шуд.

Хамчунин вазъи соҳаҳои маорифу тандурустӣ мавриди баррасӣ карор дода шуда, ҷиҳати ислоҳи камбудиҳо дар назди масъулин ба таври мушаххас вазифагузорӣ сурат гирифт.

Худи ҳамин рӯз роҳбари вилоят бо рафти корҳои бунёдкорӣ дар Осоишгоҳи Зумрад шинос гардида, дар ин мавзеи истироҳатӣ ниҳол шинонид. Ба роҳбари вилоят иттилоъ доданд, ки бо назардошти зиёд гардидани теъдоди истироҳаткунандагон роҳбарияти осоишгоҳ тасмим гирифтааст, ки бинои иловагии 9 ошёнаро бунёд намояд. Бо ба анҷом расидани сохтмони бино талаботи истироҳаткунандагон пурра қонеъ гардонида мешавад. Сохтмони бинои мазкур соли 2019 ба итмом хоҳад расид ва дар назар аст, ки барои истироҳаткунандагону табобатгирандагон 6еш аз 600 ҷойи нав ташкил карда шавад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Маросими муаррифии иҷрокунандаи вазифаи раиси шаҳри Исфара