Хабарҳо
Шиносоии Раиси вилоят бо рафти сохтмони иншооти гуногун дар ноҳияи Бобоҷон Ғафуров - 21.01.2019 11:53
Фармонҳои Президенти Ҷумҳурии Тоҷикистон - 22.01.2019 14:49
Қарорҳои Ҳукумати Ҷумҳурии Тоҷикистон - 22.01.2019 14:58
8 марти соли равон дар қаламрави вилоят Рӯзи Модар ҷашн гирифта мешавад - 22.01.2019 10:00
Мулоқоти роҳбарияти ДДҲБСТ бо хатмкунандагони мактабҳои шаҳру ноҳияҳои Панҷакент, Айнӣ ва Кўҳистони Мастчоҳ - 22.01.2019 09:57
Маҷлиси васеи Ҳукумати Ҷумҳурии Тоҷикистон - 22.01.2019 08:38
Идомаи маҷлиси васеи Ҳукумати Ҷумҳурии Тоҷикистон - 21.01.2019 14:52
Шиносоии Раиси вилоят бо рафти сохтмони иншооти гуногун дар ноҳияи Бобоҷон Ғафуров - 21.01.2019 11:53
Оғози маҷлиси васеи Ҳукумати Ҷумҳурии Тоҷикистон - 21.01.2019 09:45
Ифтитоҳи бинои иловагии муассисаи таҳсилоти миёнаи умумии рақами 9 –и ноҳияи Спитамен - 17.01.2019 15:12

Раҷаббой Аҳмадзода раиси Федератсияи футболи вилоят интихоб шуд

( 0 Овоз )
  • Пешина
  • 1 of 3
  • Минбаъда

Видео :Раҷаббой Аҳмадзода раиси Федератсияи футболи вилоят интихоб шуд Рӯзи 7 феврал дар Кохи Рӯдакии шаҳри Хуҷанд бо иштироки иҷрокунандаи вазифаи Раиси вилоят Раҷаббой Аҳмадзода ва ноиби президенти Федератсияи футболи Тоҷикистон Алишер Урунов  конференсияи ҳисоботию интихоботии Федератсияи футболи вилоят баргузор шуд.

Аз руи масъалаи якуми рӯзномаи конференсия иштирокчиён номзадии иҷрокунандаи вазифаи Раиси вилоят Раҷаббой Аҳмадзодаро, ки аз ҷониби президенти Федератсияи футболи Тоҷикистон муҳтарам Рустами Эмомалӣ пешниҳод гардидааст, ба вазифаи раиси Федератсияи футболи вилоят якдилона дастирӣ намуданд. Алишер Урунов ба Раҷаббой Аҳмадзода шаҳодатномаи Раиси Федератсияи футболи вилояти Суғдро супорида, изҳори боварӣ намуд, ки футбол дар вилоят минбаъд рушди бештар хоҳад ёфт.

Сипас, аз рӯи масъалаи дуюми рӯзномаи конференсия муовини аввали раиси Федератсияи футболи вилоят Хуршед Ақдодов доир ба фаъолияти федератсия дар соли 2017 ҳисобот дод. Гуфта шуд, ки ҷиҳати рушди футбол ва тарбияи ҷисмонию варзиш аз ҷониби роҳбарияти вилоят чораҳои дахлдор андешида шуда, соли гузашта дар вилоят беш аз 50 адад майдончаҳои варзишӣ сохта ба истифода дода шуданд, ки он ба рушди футболи маҳаллӣ таъсири мусбӣ расонидааст. Ҳамзамон дар партави дастуру супоришҳои Пешвои миллат муҳтарам Эмомалӣ Раҳмон дар вилоят Барномаи миёнамуҳлати сохтмони майдончаҳои варзишӣ роҳандозӣ гардид, ки дар доираи он беш аз 200 майдончаҳои варзишӣ сохта ба истифода дода мешавад.

Соли 2017 барои футболбозони вилоят соли пурбарор буд. Дар ин сол дастаи “Хуҷанд” маротибаи чаҳорум соҳиби Ҷоми Тоҷикистон шуд ва мақоми дуюмро дар чемпионати мамлакат аз худ намуда, ҷиҳати иштирок дар мусобиқаи байналмилалӣ барои дарёфти Ҷоми Конфедератсияи футболи Осиё роҳхат гирифт.

Дар аввали мавсими соли сипаришуда мусобиқоти Ҷоми Федератсияи футболи Тоҷикистон, минтақаи Суғд бо шумули 8 даста гузаронида шуд, ки  дастаҳои “Хуҷанд” ва “Ашт” дар марҳилаи ниҳоӣ иштирок намуданд  Дар лигаи якум бошад, чаҳор даста аз вилоят дар чемпионати Тоҷикистон баромад намуданд, ки дастаи “Эсхата” дар байни 12 даста соҳиби медалҳои нуқра гардид. Дар чемпионати Тоҷикистон байни дастаҳои Лигаи дуюм (минтақаи Суғд) бошад 11 даста аз шаҳру ноҳияҳои вилоят иштирок намуданд, ки дар натиҷа дастаи “Истаравшан”-и шаҳри Истаравшан ғолиби минтақавӣ гардид.

Қобили зикр аст, ки соли гузашта аз тарафи Федератсияи футболи Тоҷикистон дар вилоят курсҳои омӯзишӣ барои мураббиёни намуди футзал ва футбол ташкил карда шуд, ки дар он зиёда 60 нафар мураббиён соҳиби сертификатҳо гаштанд.

Раиси нави Федератсияи футболи вилоят Раҷаббой Аҳмадзода барои боварӣ ба ин вазифаи масъулиятнок ба роҳбарияти Федератсияи футболи Тоҷикистон изҳори сипос намуда, таъкид кард, ки мақомоти иҷроияи ҳокимияти давлатии вилоят минбаъд низ соҳаи варзишро самти афзалиятноки фаъолият карор дода, бахусус барои рушду оммавӣ гардонидани футбол, мустаҳкам намудани  пояи моддию техникии соҳа ва дар маҷмӯъ татбиқи сифатноки талаботи Барномаи рушди футбол барои солҳои 2017-2020  тадбирҳои амалӣ хоҳад андешид. Дар ин замина ба раисони шаҳру навоҳӣ дастур дода шуд,ки ҷиҳати дастгирии федератсияҳои маҳаллии футбол ҳамаҷониба мусоидат намоянд.

Хадамоти матбуоти
Раиси вилояти Суғд




Шарҳ додан


Защитный код
Нав кардан

ШУМО ДАР: Навид Раҷаббой Аҳмадзода раиси Федератсияи футболи вилоят интихоб шуд