Хабарҳо
Дар Хуҷанд байни дастаҳои шиноварии кишварҳои ИДМ мусобиқаи байналмилалӣ оид ба шиноварӣ баргузор мешавад - 18.06.2018 10:16
Ғолибони олимпиадаҳои байналмилалии фаннӣ ва ҷумҳуриявӣ бо мукофотпулиҳо сарфароз гардонида мешаванд - 18.06.2018 09:39
Дар вилояти Суғд озмуни вилоятии “Донишҷӯи сол” гузаронида мешавад - 18.06.2018 09:37
100 кило маводи нашъаовар ва аслиҳа: КДАМ сокини ВМКБ-ро боздошт намуд - 16.06.2018 17:33
100 кг наркотиков и оружие: ГКНБ задержал жителя ГБАО Видео - 16.06.2018 09:56
Раиси вилоят Раҷаббой Аҳмадзода сокинони вилоятро ба муносибати Иди Рамазон табрик намуд - 15.06.2018 07:39
Мулоқоти Ёрдамчии Президенти Ҷумҳурии Тоҷикистон бо фаъолони ноҳияи Ашт - 14.06.2018 09:29
Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Рўзи Ваҳдати миллӣ конференсияи илмӣ баргузор шуд - 14.06.2018 09:26
Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба муносибати иди Фитр - 14.06.2018 09:20
Корхонаву ширкатҳо мутахассисонро интихоб ва ба кор ҷалб намуданд - 13.06.2018 13:49

Ба шуъбаву стансияҳои ёрии таъҷилию тиббии шаҳру ноҳияҳои вилояти Суғд 30 адад нақлиёти ёрии таъҷилии тиббӣ тақдим карда шуд

( 2 Овоз )
  • Пешина
  • 1 of 8
  • Минбаъда

Аз ҷониби Мақомоти иҷроияи ҳокимияти давлатии вилояти Суғд ба шуъбаву стансияҳои ёрии таъҷилию тиббии шаҳру ноҳияҳои вилояти Суғд 30 адад нақлиёти ёрии таъҷилии тиббӣ дастрас карда шуд.

Маросими супоридани нақлиёти ёрии таъҷилии тиббӣ рӯзи ҷумъаи 12 январ бо иштироки Раиси вилояти Суғд Абдураҳмон Қодирӣ дар назди майдони Парчами давлатии Ҷумҳурии Тоҷикистон, воқеъ дар хиёбони ба номи Раҳмон Набиеви маркази вилоят доир шуд. Зимни суҳбат бо намояндагони соҳаи тибби вилоят Абдураҳмон Қодирӣ изҳор дошт, ки дар Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саломатии мардум шарти муҳимтарини пешрафти мамлакат арзёбӣ шуд. Аз ин лиҳоз, Ҳукумати Ҷумҳурии Тоҷикистон ба масъалаҳои марбут ба тандурустии аҳолӣ таваҷҷуҳи зарурӣ зоҳир менамояд.

Раиси вилоят афзуд, ки бо мақсади беҳтар намудани сатҳи хизматрасонии тиббӣ ва расонидани кумаки аввалини тиббӣ ба сокинон тасмим гирифта шуд, ки барои муассисаҳои тиббии шаҳру ноҳияҳои вилоят нақлиёти ёрии таъҷилии тиббӣ дастрас карда шавад. Кормандони соҳаи тибро лозим аст, ки дар сурати зарурӣ бо истифодаи автомобилҳо ниёзмандонро саривақт ба беморхонаҳо расонанд. Изҳори умед карда шуд, ки теъдоди фавт ва таваллуди занон дар хона минбаъд коҳиш меёбад. Ба таъкиди Абдураҳмон Қодирӣ минбаъд низ ҷиҳати таъмин намудани муассисаҳои тиббӣ бо нақлиёт тадбирҳои мушаххас амалӣ хоҳад шуд.

Сипас, муовини Раиси вилоят Назира Ғаффорӣ доир ба вазъи соҳаи тандурустии вилоят иттилоъ дода, аз ҷумла қайд намуд, ки давоми солҳои 2016-2017 бо дастгирии роҳбарияти вилоят ба муассисаҳои тиббӣ 25 адад нақлиёти ёрии таъҷилӣ дастрас гардида буд ва ҳоло дар муассисаҳои тиббӣ 109 адад нақлиёт мавҷуд аст. Бо назардошти муҳимияти ҳифзи саломатии мардум бо қарори Раиси вилояти Суғд 1,4 миллион сомонӣ маблағ ҷудо ва 30 адад автомобилҳои тамғаи "Хундай Старекс" харидорӣ карда шуд. Нақлиётҳо тавассути ҶДММ "Ситора 555", ки дар тендер ғолиб омадааст, ворид карда шуда, давоми ду сол ройгон таъмир карда мешавад.

Дар вазъияти тантанавӣ аз ҷониби Раиси вилоят ба сардухтурони беморхонаҳои шаҳру ноҳияҳои вилоят калид ва шиносномаҳои техникии нақлиёти ёрии таъҷилӣ супорида шуд. Ҳамин тариқ, ба муассисаҳои тиббии шаҳру ноҳияҳои Панҷакент 4 адад, Бобоҷон Ғафуров 3 адад, Хуҷанд 3 адад, Шаҳристон 1 адад, Конибодом 2 адад, Истаравшан 3 адад, Мастчоҳ 2 адад, Спитамен 2 адад, Куҳистони Мастчоҳ 1 адад, Истиқлол 1 адад, Бустон 1 адад, Зафаробод 2 адад, Деваштич 3 адад, Ҷаббор Расулов 1 адад ва беморхонаи минтақавии Зарафшон, ки барои сокинони водии Яғноб хизмати тиббӣ мерасонад, 1 адад нақлиёти ёрии таъҷилӣ супорида шуд.

Хадамоти матбуоти
Раиси вилояти Суғд










Шарҳ додан


Защитный код
Нав кардан

ШУМО ДАР: Навид Ба шуъбаву стансияҳои ёрии таъҷилию тиббии шаҳру ноҳияҳои вилояти Суғд 30 адад нақлиёти ёрии таъҷилии тиббӣ тақдим карда шуд