Хабарҳо
Қарори навбатии Раиси вилояти Суғд ба тасвиб расид - 20.06.2018 16:48
Дар Истаравшан корхонаи коркарди шир ба истифода дода шуд - 20.06.2018 16:45
Иштироки Пешвои миллат Эмомалӣ Раҳмон дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” - 20.06.2018 13:16
Мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов - 20.06.2018 13:13
Маросими супоридани “Медали Созмони Умумиҷаҳонии Тандурустӣ” ба Пешвои миллат Эмомалӣ Раҳмон ба муносибати Рӯзи умумиҷаҳонии мубориза алайҳи тамоку - 20.06.2018 08:52
Мулоқоти Пешвои миллат Эмомалӣ Раҳмон бо гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид - 20.06.2018 08:51
Омодагиҳо ба мусобиқаи байналмилалии шиноварӣ /АКСҲО/ - 19.06.2018 20:13
Мулоқоту музокироти сатҳи олии Тоҷикистону Покистон - 19.06.2018 16:56
Иштироки Раиси вилоят дар маросими супоридани ҷоизаҳо ба ғолибони озмуни рӯзномаи “Ҷумҳурият” - 19.06.2018 16:46
Сафари расмии Президенти Ҷумҳурии Исломии Покистон Мамнун Ҳусейн дар Тоҷикистон - 19.06.2018 15:36

Мулоқоти Раиси вилоят бо намояндагони Парлумони Ҷумҳурии Латвия

( 0 Овоз )

Видео :Мулоқоти Раиси вилоят бо намояндагони Парлумони Ҷумҳурии Латвия Имрӯз Раиси вилояти Суғд Абдураҳмон Қодирӣ ҳайати намояндагони Парлумони Ҷумҳурии Латвия бо роҳбарии Вейко Сполитисро ба ҳузур пазируфт.

Дар оғози мулоқот Раиси вилоят меҳмонон - ҳайати намояндагони Парлумони Ҷумҳурии Латвия бо роҳбарии Вейко Сполитисро  ба вилояти Суғд хайрамақдам гуфта,  аз ҳамкориҳои судманди ҷонибҳо изҳори қаноатмандӣ кард.

Бояд қайд кард, ки муносибатҳои дипломатӣ миёни Ҷумҳурии Тоҷикистон ва Ҷумҳурии Латвия  11 майи соли 1994 барқарор шудаанд. Тоҷикистон бо Латвия дар бисёр масъалаҳо нигоҳи ягона дошта, ҳамкориҳои тарафайн дар соҳаҳои саноат, энергетика, маорифу тандурстӣ ва фарҳанг дар сатҳи баланд ба роҳ монда шудааст.

Раиси вилоят зимни мулоқот зикр намуд, ки дар доираи меморандуми байни Ҷумҳурии Тоҷикистон ва Ҷумҳурии Латвия, ки онро роҳбарони сатҳи олии ҳарду кишвар ба имзо расонидаанд, метавон ҳамкориҳои тарафайнро боз ҳам тақвият бахшид. Тавре таъкид карда шуд, меҳмонон асосан ба содироти хушкмева ва меваи тару тозаи кишвар ба Ҷумҳурии Латвия ва бо ин васила ба дигар мамлакатҳои Иттиҳоди Аврупо ҳавасманд буда, дар ин замина омода ҳастанд дар коркарди маҳсулоти кишоварзӣ дар қаламрави вилоят саҳмгузор бошанд. Вейко Сполитис қайд намуд, ки меваҳои шаҳдбори Тоҷикистон, аз ҷумла вилояти Суғд  аз ҷиҳати экологи тоза буда, дар хориҷи дур харидорони сершумор дорад ва ба роҳ мондани содироти хушкмева боиси муаррифӣ ва боло рафтани нуфузи кишвар хоҳад гардид.

Раиси вилоят зимнан таъкид дошт, ки дар вилояти Суғд зиёда аз 50 ҳазор гектар майдони боғоти зардолу мавҷуд мебошад ва таҷдиду азнавсозии хоҷагиҳои кишоварзӣ имконият даст дод, ки ҳаҷми истеҳсоли маҳсулоти кишоварзӣ боз ҳам боло бурда шавад. Мақомоти иҷроияи ҳокимияти давлатии вилояти Суғд айни замон бо кашидани хатти оби полезӣ ва ҷалби соҳибкорону деҳқонон дар дашти Сомғор бунёди 3 ҳазор гектар боғоти интенисвиро ба роҳ мондааст, ки ин боиси боз ҳам бештар гардидани истеҳсоли меваҳои шаҳдбор мегардад.

Дар идомаи мулоқот ҷонибҳо доир ба тақвияти ҳамкориҳо дар соҳаи маориф, аз ҷумла таҳсили ҷавонони Тоҷикистон дар муассисаҳои олии Латвия тариқи буҷавӣ мубодилаи афкор намуданд. Инчунин дар рафти мулоқоти судманд густариши ҳамкориҳо дар соҳаҳои саноат, тандурустӣ, энергетика, туризм, оби нӯшокӣ ва ғайра мавриди барраси қарор гирифта, ҳардуҷониб омодагии худро барои вусъати ҳамкориҳо дар оянда баён доштанд.

Дар доираи сафари кории худ ба  вилояти Суғд меҳмонон аз мавзеъҳои таърихиву фарҳангии вилоят боздид ба амал оварданд. Аз ҷумла бегоҳии рӯзи гузашта намояндагони Парлумони Ҷумҳурии Латвия аз Маҷмааи таърихиву фарҳангии “Қалъаи Хуҷанд”, Осорхонаи таърихии вилояти Суғд дидан намуданд.

Сафари кории ҳайати Парлумони Ҷумҳурии Латвия дар вилояти Суғд идома дошта, тибқи нақша меҳмонон аз Минтақаи озоди иқтисодии “Суғд” ва дигар мавзеъҳои таърихии вилоят боздид ба амал хоҳанд овард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо намояндагони Парлумони Ҷумҳурии Латвия