Хабарҳо
Соли равон ба Мақомоти иҷроияи ҳокимияти давлатии вилояти Суғд 5075 муроҷиат ворид гардид - 15.12.2017 09:37
4,8 ҳазор метри мураббаъ қолинҳои дастибоф истеҳсол шуд - 15.12.2017 09:36
Суғд: Музди миёнаи маош 1004,76 сомониро ташкил намуд, ки нисбати соли гузашта 244,95 сомонӣ зиёд мебошад - 15.12.2017 09:35
Зариф Мирдадо ба 50 донишҷӯ 5 000 сомонӣ кумакпулӣ тақдим намуд - 15.12.2017 09:34
Беш аз 2414 километр роҳҳои ҳудуди вилояти Суғд таъмир шуд - 15.12.2017 09:31
Нақшаи даромади буҷети давлатӣ 109,7 фоиз таъмин гардид. Ба буҷет 1 694,8 млн. сомонӣ ворид гардид - 15.12.2017 09:32
Суғд: Ба маблағи 450 млн. доллари ИМА маҳсулот содирот шуд - 15.12.2017 09:31
Ба донишҷӯёни фаъолу аълохон ва ихтироъкор беш аз 20 ҳазор сомонӣ тақдим шуд - 15.12.2017 09:28
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30

Боздиди кории Раиси вилоят аз шаҳраки Сайҳун

( 0 Овоз )

Видео :Боздиди кории Раиси вилоят аз шаҳраки Сайҳун Имрӯз Раиси вилояти Суғд Абдураҳмон Қодирӣ ба шаҳраки Сайҳун ташриф оварда, ҷараёни  амалисозии марҳилаи дуюми обёрии мавзеи Сомғор ва шаҳраки Сайҳунро мавриди таваҷҷӯҳ қарор дод.

Бояд гуфт, ки то имрӯз марҳилаи якуми обёрии шаҳраки Сайҳун ба анҷом расида, марҳилаи дуюми корҳо оғоз ёфтаанд. Мувофиқи нақша дар марҳилаи якум бунёди пойгоҳи обкашии Сайҳун-2, кашидани хатти оби полезиву нушокӣ ва бунёди ҳавзи обзахиракунӣ бо ҳаҷми 20 ҳазор куб ба анҷом расонида шуда, иҷрои чунин корҳо имкон дод то наздик 1000 гектар заминҳои бекорхобида бо оби полезӣ таъмин гарданд. Айни замон дар ин шаҳрак бунёди пойгоҳи обкашии Сайҳун-1 ва ба масофаи 13,5 километр кашидани хатти оби полезӣ бомаром идома дорад. Дар пойгохи обкашии Сайҳун бошад, корҳои васлу насби дастгоҳи нав идома доранд. Дастгоҳи обкашӣдар ҳамкорӣ бо мутахассисони вилояти Екатеринбурги Федератсияи Россия харидорӣ ва дастрас гардидааст. Баробари насби дастгоҳи нав пойгоҳи мазкур бо се таҷҳизот метавонад 4 ҳазор гектар заминҳои ин мавзеъро шодоб намояд. Дар марҳилаи дуюм об аз дарёи Сир гирифта шуда, тариқи қубурҳои қутрашон васеъ ба пойгоҳи обкашии Сайҳун ва аз ин пойгоҳ тариқи қубурҳои қутрашон 1200 миллиметрӣ ба нуқтаи баландтарини шаҳраки Сайҳун расонида мешавад.

Бояд гуфт, ки обёрии дашти Сомғор ва бунёди боғот дар ин мавзеъ ҳам барои рушди соҳаи кишоварзӣ ва ҳам барои ривоҷи соҳибкорӣ  заминаи мусоид фароҳам хоҳад овард. Бо ин мақсад соҳибкорон метавонанд дар бунёди боғи нав саҳмгузор бошанд, ки ҳам барои ҷомеа ва ҳам барои худашон манфиатовар мешавад. Мутахассисон тибқи нақша парвариши зардолу, олуи сиёҳ, шафтолу ва пистаро дар ин ҷо мувофиқи максад медонанд ва мегӯянд, ки ба роҳ мондани усули қатрагии обмонӣ аз ҳар ҷиҳат метавонад ба фоидаи кор бошад.

Корҳои сохтмони пойгоҳи обкашӣ ва васлу насби қубурҳоро ҷамъиятҳои дорои масъулияташон маҳдуди «Сомониён» ва «Куркат» бар уҳда доранд.

Раиси вилоят мутасаддиёни дахлдорро дастур дод, ки дар муҳлати муайяншуда бунёди ҳавз ва кофтани каналро ба масофаи 2,5 км дар ин мавзеъ ба анҷом расонанд. Ҳамзамон, масъулини соҳаҳо барои таъмири роҳҳои дохили маҳаллаҳои шаҳраки Сайҳун, чароғонкунии кучаҳо ва ташкили хати ташноб то моҳи март аз Раиси вилоят дастур гирифтанд.

То ин дам аз ҷониби КВД "Хуҷандобуканал" дар шаҳрак гузаронидани хати оби нӯшокӣ, кашидани хати ташноб ва кофтани хандақҳо ба роҳ монда шуда, минбаъд низ шароитҳои мусоиди вобаста ба ҳалли масъалаи обу ташноб барои сохтмони биноҳо фароҳам оварда мешаванд. Дар ин замина, ҳам сокинон ва ҳам соҳибкорони қитъаи замин гирифтаро зарур аст, ки сохтмони манзил ва иншооти иҷтимоию хизматрасониро вусъат бахшанд.

Соҳибкорону деҳқонони хоҳишманд метавонанд дар ташкили боғҳои интенсивӣ низ ҳиссагузор шаванд.

Маҷмӯан, то имрӯз дар шаҳраки Сайхун ба наздик 7000 нафар шаҳрвандон қитъаҳои замини наздиҳавлигӣ тақсим гардида, оянда бунёди 7000 гектар боғоти нав дар ин мавзеъ ба нақша гирифта шудааст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Боздиди кории Раиси вилоят аз шаҳраки Сайҳун