Хабарҳо
Пахтакорони ноҳияи Бобоҷон Ғафуров нақшаи истеҳсоли пахтаро 100 % иҷро намуданд - 14.11.2019 14:56
Таҳти роҳбарии Пешвои миллат Эмомалӣ Раҳмон ҷаласаи Шӯрои амнияти Ҷумҳурии Тоҷикистон баргузор гардид - 14.11.2019 13:52
Нақши Пешвои миллат дар эҳё, тарғиб ва пажуҳиши тамаддуни бостон - 14.11.2019 11:00
Барандагони ҷоизаҳои Кумитаи иҷроияи Ҳизби Халқии Демократии Тоҷикистон дар вилояти Суғд муайян гардиданд - 14.11.2019 08:18
Дар Донишгоҳи давлатии ҳуқуқ, бизнес ва сиёсати Тоҷикистон дар мавзӯи “Президенти мо – Пешвои мо” мизи мудаввар доир шуд - 14.11.2019 08:15
Пирӯзии ихтироъкорони навраси вилоят дар озмуни ​ ҷаҳонии «Роботтехника» - 14.11.2019 08:10
Маросими ифтитоҳи Фонди хайриявии «Хуаксин – Суғд: Ман Тоҷикистонро дўст медорам» - 13.11.2019 15:33
Мулоқоти Раиси вилоят Раҷаббой Аҳмадзода бо намояндагони доираҳои соҳибкории вилояти Хубэйи Ҷумҳурии мардумии Чин - 13.11.2019 15:27
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42

Ифтитоҳи майдончаи варзишии “Сипар” дар Ҷамоати деҳоти ба номи Ҳайдар Усмонови ноҳияи Бобоҷон Ғафуров

( 1 Овоз )
  • Пешина
  • 1 of 2
  • Минбаъда

Рӯзи 12 июл дар Ҷамоати деҳоти ба номи Ҳайдар Усмонови ноҳияи Бобоҷон Ғафуров майдончаи варзишии “Сипар” мавриди истифода қарор гирифт, ки дар маросими ифтитоҳи он Раиси вилояти Суғд Раҷаббой Аҳмадзода ва роҳбари гуруҳи корӣ дар ноҳияи Бобоҷон Ғафуров оид ба истиқболи сазовори 30-солагии Истиқлолияти давлатии Ҷумҳурии Тоҷикистон, раиси Кумитаи давлатии идораи замин ва геодезии мамлакат Ориф Хоҷазода иштирок намуданд.

Раиси вилоят Раҷаббой Аҳмадзода зимни суҳбат бо сокинон ва варзишгарони ноҳия иброз дошт, ки дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба таъмини оммавияти варзиш,  ташвиқу тарғиби тарзи ҳаёти солим, ҷалби бештари наврасону ҷавонон ба варзиш ва муҳайё намудани имкониятҳои мусоиди инфрасохторию ташкилӣ барои варзишгарон тадбирҳои зарурӣ андешида мешавад.

Таъкид карда шуд, ки маҳз дар натиҷаи амалисозии тадбирҳои мушаххас ва барномаҳои соҳавии давлатӣ давоми нимсолаи аввали соли равон дар ноҳияи Бобоҷон Ғафуров бо маблағгузорӣ аз сарчашмаҳои гуногун 11 майдончаи варзишӣ ва 1 корти теннис сохта ба истифода дода шуд.

Майдончаи варзишии “Сипар” бо ташаббуси соҳибкори маҳаллӣ Ворисхӯҷа Сулаймонов бунёд гардида, барои бозии фурболи хурд мутобиқ гардонида шудааст.

Хотирнишон бояд кард, ки мувофиқи маълумоти оморӣ дар ноҳия 222 иншооти варзишӣ, аз ҷумла 5 варзишгоҳ, 150 майдончаи варзишӣ, 61 толори варзишӣ, 2 ҳавзи шиноварӣ ва 4 иншооти махсуси варзишӣ аз қабили фитнес-клубҳо фаъолият доранд.

Дар нимсолаи аввали соли 2019 дар ноҳия 25 мусобиқаи гуногуни варзишӣ бо ҷалби 783 варзишгар (90 бонувон) гузаронида шуд. Дар натиҷа аз ҳисоби ғолибон ва ҷоизадорони мусобиқаҳо дастаи мунтахаби ноҳия дар ҳайати 114 варзишгар муайян гардид ва варзишгарони ноҳия дар 17 мусобиқаи ҷумҳуриявӣ иштирок намуда, ба гирифтани 28 медали тилло, 15 медали нуқра ва 30 медали биринҷӣ мушарраф гардиданд.

Хадамоти матбуоти
Раиси вилояти Суғд



Шарҳ додан


Защитный код
Нав кардан

ШУМО ДАР: Навид Ифтитоҳи майдончаи варзишии “Сипар” дар Ҷамоати деҳоти ба номи Ҳайдар Усмонови ноҳияи Бобоҷон Ғафуров