Хабарҳо
Боздиди Раиси вилоят аз Кооперативи тиҷоратии​ «Тухмипарварии Чоркӯҳ»​ ва Кооперативи тиҷоратии​ «Кишоварзони Навгилем» - 13.07.2020 15:09
Исфара. Раиси вилоят Раҷаббой Аҳмадзода собиқадорони меҳнатро аёдат кард - 13.07.2020 14:45
Дар шаҳри Исфара 288 иншооти ҷашнӣ мавриди истифода қарор гирифтааст - 13.07.2020 14:34
Қарори Ҳукумати Ҷумҳурии Тоҷикистон Оид ба тадбирҳои амалисозии фармони Президенти Ҷумҳурии Тоҷикистон аз 5 июни соли 2020, №1544 «Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон» - 13.07.2020 11:05
Пешвои миллат Эмомалӣ Раҳмон дар як қатор мақомоти қудратӣ ва давлатӣ тағйироти кадрӣ ба амал оварданд - 11.07.2020 11:00
Нақшаи нишастҳои матбуотӣ барои кормандони воситаҳои ахбори омма - 10.07.2020 16:36
Ҷаласаи ҷамъбасти натиҷаҳои рушди иҷтимоию иқтисодии вилояти Суғд дар нимсолаи якуми соли 2020 - 10.07.2020 16:23
Тақдими медалҳои ҷашнӣ ба собиқадорони ҷангу меҳнат - 06.07.2020 21:30
Мулоқоти Раиси вилоят бо фаъолони ноҳияи Деваштич - 08.07.2020 16:43
Шиносоии Раиси вилоят бо фаъолияти занбӯрпарварони ноҳияи Деваштич - 08.07.2020 16:46

Шиносоии Раиси вилоят бо рафти сохтмони иншооти гуногун дар ноҳияи Айнӣ

( 0 Овоз )

15 май Раиси вилояти Суғд Раҷаббой Аҳмадзода дар доираи сафари кории худ ба ноҳияи Айнӣ бо рафти корҳои ободониву созандагӣ дар ноҳия шинос гардид.

Ба истиқболи 30-солагии Истиқлолияти давлатии Ҷумҳурии Тоҷикистон дар ноҳияи Айнӣ сохтмони як қатор иншооти муҳими иҷтимоӣ ҷараён дорад, ки бо мавриди истифода қарор гирифтани онҳо даҳҳо ҷойи нави корӣ таъсис меёбад ва симои ноҳия низ дигаргун хоҳад шуд.

Варзишгоҳи марказии ноҳия ва Боғи Парчами давлатии Ҷумҳурии Тоҷикистон аз ҷумлаи чунин иншоотҳоест, ки имрӯзҳо сохтмонашон бо маром идома дорад. Тавре зимни шиносоии Раиси вилоят бо ҷараёни корҳо иттилоъ дода шуд, варзишгоҳи марказии ноҳияи Айнӣ бо 6000 ҷойи нишаст бунёд гардида, то имрӯз бист дарсади корҳои сохтмонӣ ба итмом расидааст. Фармоишгари иншоот Идораи сохтмони асоси  вилояти Суғд буда, корҳои сохтмону васлкуниро бунёдкорони “ПМК-278” ба иҷро мерасонанд.

Боғи Парчами давлатӣ бошад дар шафати варзишгоҳ сохта шуда, дар он барои истироҳату фароғати сокинон шароити мусоид фароҳам оварда мешавад.

Зимни шиносоӣ Раиси вилоят барои бо сифати баланд ба итмом расонидани корҳои сохтмонӣ ба роҳбарияти ноҳия ва масъулини соҳаи сохтмон дастуру супоришҳо дод.

Сипас, Раиси вилоят рафти сохтмони бинои нави мактаби деҳаи Зерободи Ҷамоати деҳоти Дар-Дарро мушоҳида намуд. Бинои нави таълимӣ барои таҳсили 620 хонанда дар ду баст пешбинӣ гардида, аз се ошёнаву таҳхона ва 24 синфхона иборат аст. Ба иттилои масъулин сохтмончиёни “Тоҷикэлитсохтмон”  то имрӯз сӣ дарсади корҳоро ба анҷом расонидаанд ва сохтмони иншоот тибқи нақша идома дорад.

Раиси вилоят дар идомаи сафар бо роҳбарони корхонаҳои саноатии ноҳия низ мулоқот кард ва баҳри амалисозии лоиҳаи маҷмааи меҳмонхонаҳо, ки бунёди он бо саҳмгузории корхонаҳои ноҳия дар назар дошта шудааст, супоришҳо дод.

Маҷмааи меҳмонхонаҳо дар шафати шоҳроҳи Душанбе – Чаноқ бо мақсади фароҳамсозии шароити мусоид барои истироҳату фароғати сайёҳони дохиливу хориҷӣ ва рушди гардишгарӣ қомат хоҳад афрохт.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо рафти сохтмони иншооти гуногун дар ноҳияи Айнӣ